വിതുര : കാട്ടാനകൾ കൃഷി നശിപ്പിച്ചതായി കല്ലാർ സ്വദേശികൾ. കല്ലാർ പൊൻമുടി ഇക്കോ ടൂറിസത്തിന് സമീപം കുമാരി മന്ദിരത്തിൽ ചന്ദ്രന്റെ വീട്ടിലെ പുരയിടത്തിലാണ് കാട്ടാനകൾ കൃഷി നശിപ്പിച്ചതായി പറയുന്നത്.
കഴിഞ്ഞദിവസം രാത്രി രണ്ടിനാണ് രണ്ട് കാട്ടാനകൾ പറമ്പിലെത്തിയത്. ഇവിടെയുണ്ടായിരുന്ന വാഴയും കവുങ്ങുമാണ് നശിപ്പിച്ചത്. സമീപത്തെ റബർ തോട്ടത്തിലെ വേലി തകർത്താണ് ചന്ദ്രന്റെ പുരയിടത്തിൽ കാട്ടാനകൾ എത്തി കൃഷി നശിപ്പിച്ചത്.