പീഡനശ്രമം ചെറുക്കുന്നതിനിടെ ലോഡ്ജിനു മുകളില്‍നിന്ന് ചാടിയ യുവതിക്കു ഗുരുതര പരിക്ക്
Monday, February 3, 2025 4:40 AM IST
കോഴിക്കോട്: പീഡനശ്രമം ചെറുക്കുന്നതിനിടെ ലോഡ്ജിന് മുകളില്‍നിന്നു താഴേക്കു ചാടിയ യുവതിക്ക് ഗുരുതര പരിക്ക്.
സ്വകാര്യ ലോഡ്ജിലെ ജീവനക്കാരിയായ 29കാരി ക്കാണു പരിക്കേറ്റത്. ഇവര്‍ ഇപ്പോള്‍ കോഴിക്കോട് മെഡിക്കല്‍ കോളജ് ആശുപത്രിയില്‍ തീവ്ര പരിചരണ വിഭാഗത്തില്‍ ചികിത്സയില്‍ കഴിയുകയാണ്. കോഴിക്കോട് മുക്കത്ത് ശനിയാഴ്ച രാത്രി 11.30ഓടെയായിരുന്നു സംഭവം.
ഹോട്ടല്‍ ഉടമയും രണ്ടു ജീവനക്കാരുമാണ് പീഡിപ്പിക്കാന്‍ ശ്രിച്ചതെന്ന് യുവതി പോലീസിന് മൊഴി നല്‍കി. പ്രതികൾ ഒളിവിലാണ്. മുക്കം പോലീസ് കേസെടുത്ത് അന്വേഷണം തുടങ്ങിയിട്ടുണ്ട്.
മൂന്നു മാസമായി ഈ ലോഡ്ജിലെ ജീവനക്കാരിയായിരുന്നു യുവതി. ശനിയാഴ്ച രാത്രി ഫോണില്‍ ഗെയിം കളിച്ചുകൊണ്ടിരിക്കെ മൂന്നുപേരെത്തി പീഡിപ്പിക്കാന്‍ ശ്രമിച്ചുവെന്നും ഈ സമയത്ത് പ്രാണരക്ഷാര്‍ഥം ഓടി കെട്ടിടത്തില്‍നിന്നു താഴേക്ക് ചാടിയെന്നുമാണ് യുവതി പോലീസിനോടു പറഞ്ഞത്.