പി. ജയരാജന്റെ പുസ്തകം കത്തിച്ച കേസ്: 30 പിഡിപി പ്രവര്ത്തകര്ക്കെതിരേ കേസ്
Monday, October 28, 2024 1:51 AM IST
കോഴിക്കോട്: സിപിഎം നേതാവ് പി. ജയരാജന്റെ ‘കേരളം, മുസ്ലിം രാഷ്ട്രീയം, രാഷ്ട്രീയ ഇസ്ലാം' എന്ന പുസ്തകം കത്തിച്ച കേസില് 30 പിഡിപി പ്രവര്ക്കര്ക്കെതിരേ നടക്കാവ് പോലീസ് കേസെടുത്തു.
വെള്ളിയാഴ്ച മുഖ്യമന്ത്രി പിണറായി വിജയന് പുസ്തകം പ്രകാശനം ചെയ്ത വേദിക്ക് അടുത്തായായിരുന്നു പിഡിപി. പ്രവര്ത്തകര് പുസ്തകം കത്തിച്ചത്. ഒരു സംഘം പ്രവര്ത്തകര് ചേര്ന്ന് പ്രതീകാത്മകമായി പുസ്തകം കത്തിക്കുകയായിരുന്നു.
കേസില് വീഡിയോ ദൃശ്യങ്ങളടക്കം പോലീസ് പരിശോധിച്ചിട്ടുണ്ട്. പുസ്തകത്തിന്റെ ഉള്ളടക്കത്തില് അബ്ദുല് നാസര് മദനിയെയും പിഡിപിയെയും മോശമായ രീതിയില് പരാമര്ശിച്ചു എന്നാരോപിച്ചായിരുന്നു പ്രതിഷേധം.