അന്വേഷിച്ച് നടപടിയെടുക്കുമെന്ന് കെ. സുധാകരന്
Monday, October 28, 2024 1:50 AM IST
തിരുവനന്തപുരം: ഡിസിസിയുടെ കത്ത് പുറത്ത് വന്ന വിഷയം ഗൗരവമായെടുത്ത് അന്വേഷണം നടത്തി അതനുസരിച്ചുള്ള നടപടിയുണ്ടാകുമെന്ന് കെപിസിസി പ്രസിഡന്റ് കെ.സുധാകരന് എംപി.
അഭിപ്രായ സ്വാതന്ത്ര്യവും സംഘടനാ പ്രവര്ത്തനത്തില് സുതാര്യതയുമുള്ള പ്രസ്ഥാനമാണ് കോണ്ഗ്രസ്. സ്ഥാനാര്ഥി പ്രഖ്യാപനത്തിനു മുമ്പ് പല അഭിപ്രായങ്ങളും ഉയര്ന്നുവരും. അതെല്ലാം വിലയിരുത്തിയാണ് നേതൃത്വം അന്തിമ തീരുമാനം എടുക്കുന്നത്.
പാര്ട്ടി ഒരു തീരുമാനമെടുത്താല് ഒറ്റക്കെട്ടായി അതനുസരിക്കുകയാണ് കോണ്ഗ്രസിന്റെ സംസ്കാരമെന്നും കെ.സുധാകരന് പറഞ്ഞു. സിപിഎമ്മും ബിജെപിയും തമ്മിലുള്ള ബന്ധം എഴുപതുകളില് തുടങ്ങിയതാണ്.
അതിലെ ഓരേട് മാത്രമാണ് 1991ല് ബിജെപി സഹായം അഭ്യര്ഥിച്ചുള്ള സിപിഎം നേതൃത്വത്തിന്റെ ഇപ്പോള് പുറത്തുവന്ന കത്ത്. 1970 ല് കൂത്തുപറമ്പില് ബിജെപി വോട്ട് വാങ്ങി എംഎല്എയായ വ്യക്തിയാണ് പിണറായി വിജയന്.
1977ലും അദ്ദേഹം ബിജെപിയുടെ സഹായത്തോടെ മത്സരിച്ചു. അതെല്ലാം മറച്ചുവച്ചാണ് ഒരു നാണവുമില്ലാതെ വസ്തുതാവിരുദ്ധമായ കാര്യങ്ങള് പ്രചരിപ്പിക്കുന്നതെന്നും അദ്ദേഹം കൂട്ടിച്ചേർത്തു.