മുനമ്പം സമരത്തിന് ആക്റ്റസിന്‍റെ പിന്തുണ
Monday, October 28, 2024 1:50 AM IST
കൊച്ചി: തീരദേശവാസികളുടെ അവകാശങ്ങള്‍ പുനഃസ്ഥാപിക്കണമെന്നാവശ്യപ്പെട്ട് മുനമ്പം ഭൂസംരക്ഷണ സമിതി നടത്തുന്ന സമരത്തിന് ക്രൈസ്തവ സഭകളുടെ പൊതു എക്യുമെനിക്കല്‍ വേദിയായ ആക്റ്റസ് (അസംബ്ലീസ് ഓഫ് ക്രിസ്ത്യന്‍ ട്രസ്റ്റ് സര്‍വീസസ്) പിന്തുണ പ്രഖ്യാപിച്ചു.
മുനമ്പം വേളാങ്കണ്ണി മാതാ പള്ളിയങ്കണത്തില്‍ 15 ദിവസമായി നടക്കുന്ന നിരാഹാര സമരപ്പന്തലില്‍ എത്തിയ ആക്റ്റസ് ജനറല്‍ സെക്രട്ടറി ജോര്‍ജ് സെബാസ്റ്റ്യന്‍ ഐക്യദാര്‍ഢ്യം പ്രഖ്യാപിച്ചു.
മുനമ്പം പ്രദേശത്തെ ജനങ്ങളുടെ ആശങ്കകള്‍ പരിഹരിക്കാന്‍ ബന്ധപ്പെട്ടവര്‍ അടിയന്തര നടപടി സ്വീകരിക്കണമെന്നും സംസ്ഥാനത്തെ മൂന്നു മുന്നണികളും ഇക്കാര്യത്തില്‍ നിലപാട് വ്യക്തമാക്കണമെന്നും ജോര്‍ജ് സെബാസ്റ്റ്യന്‍ ആവശ്യപ്പെട്ടു.
ഇടവക വികാരി ഫാ. ആന്‍റണി സേവ്യര്‍ തറയില്‍, ഫാ. ജോണ്‍സണ്‍ റേച്ചാ, ആക്റ്റസ് സെക്രട്ടറി കുരുവിള മാത്യൂസ്, സെബാസ്റ്റ്യന്‍ പാലക്കല്‍, ജോര്‍ജ് ഷൈന്‍, വി.എസ്. സനല്‍കുമാര്‍ എന്നിവരും പ്രസംഗിച്ചു.