കോൺട്രാക്ട് കാരേജ് വാഹനങ്ങളും സ്കൂൾ ബസുകളും രജിസ്റ്റർ ചെയ്തു നൽകുന്പോൾ ഫയർ ഡിറ്റക്ഷൻ ആൻഡ് അലാറം സിസ്റ്റം, ഫയർ ഡിറ്റക്ഷൻ ആൻഡ് സപ്രഷൻ സിസ്റ്റം എന്നിവ വാഹനത്തിൽ നിർബന്ധമാണ്. ഇക്കാര്യം ഉദ്യോഗസ്ഥർ പരിശോധിച്ച് ഉറപ്പുവരുത്തുകയും ചെയ്യണം. ഇവ ഉണ്ടെങ്കിൽ മാത്രമാണ് രജിസ്ട്രേഷൻ ചെയ്തു നൽകാവൂ എന്നാണ് ചട്ടം. എന്നാൽ, ട്രാൻസ്പോർട്ട് കമ്മീഷണർ നടത്തിയ പരിശോധനയിൽ സുരക്ഷാ മാനദണ്ഡങ്ങളില്ലാത്ത നിരവധി വാഹനങ്ങൾക്ക് രജിസ്ട്രേഷൻ നൽകിയതായി കണ്ടെത്തി. ഇതേത്തുടർന്നാണ് നടപടിക്ക് ശിപാർശ ചെയ്തത്.