വിസിമാർ ഹിയറിംഗിൽ യുജിസി ചട്ടങ്ങൾ ലംഘിച്ചു നിയമനം ലഭിച്ച നാലു വൈസ് ചാൻസലർമാരെയാണ് 24ന് ഗവർണർ ഹിയറിംഗിനു വിളിച്ചിരുന്നത്. എന്നാൽ, ഹിയറിംഗിനു മുന്പേതന്നെ ഓപ്പണ് സർവകലാശാല വിസി ഡോ. മുബാറക് പാഷ രാജിക്കത്ത് ഗവർണർക്കു നല്കി.
ഡിജിറ്റൽ സർവകലാശാല വിസി ഡോ. സജി ഗോപിനാഥ് നേരിട്ട് ഹാജരായി. കാലിക്കട്ട് വിസി ഡോ. എം.കെ. ജയരാജിനുവേണ്ടി അഭിഭാഷകൻ നേരിട്ട് ഹാജരായപ്പോൾ സംസ്കൃത വിസി ഡോ. ടി.കെ. നാരായണനായി അഭിഭാഷകൻ ഓണ്ലൈനായി പങ്കെടുത്തു.