മുനമ്പം സമരം 22ാം ദിനത്തിലേക്ക്
Sunday, November 3, 2024 1:04 AM IST
മുനമ്പം: ഭൂമിയുടെ അവകാശങ്ങള്‍ക്കായി മുനമ്പം നിവാസികളുടെ സമരം ഇന്ന് 22-ാം ദിവസത്തിലേക്ക് കടന്നു.
സമരത്തിന്‍റെ 21-ാം ദിവസമായ ഇന്നലെ കോട്ടപ്പുറം രൂപത ചാന്‍സലര്‍ ഫാ. ഷാബു കുന്നത്തൂര്‍, കിഡ്‌സ് ഡയറക്ടര്‍ ഫാ. പോള്‍ തോമസ് കളത്തില്‍, പറവൂര്‍ ഡോണ്‍ബോസ്‌കോ ദേവാലയ സഹ വികാരി ഫാ. ബിയോണ്‍ തോമസ്, അഡ്മിനിസ്‌ട്രേറ്റര്‍ ഫാ. ജോബി കാട്ടാശേരി, ഫാമിലി അപ്പോസ്തലേറ്റ് ഡയറക്ടര്‍ ഫാ. നിമേഷ് അഗസ്റ്റിന്‍ കാട്ടാശേരി, ഫാ. ജോസ് ഒളാട്ടുപുറത്ത്,ശോഭന ഷാജി, റോബിന്‍ റോയ്, സുരേന്ദ്രന്‍ തലശേരി, സാല്‍വി സാക്‌സന്‍, സെഫന്യ അജി, നീതു സ്മിജു, സ്റ്റെഫിന സ്മിജു, രാധാമണി രാധാകൃഷ്ണന്‍, ലിജി ഷാജി, സുനിത ആന്‍റണി, ഷാലി സനല്‍, ശ്യാമിലി ഷമില്‍, സൗമ്യ സുമന്‍, അന്‍സില്‍ അറയ്ക്കല്‍, ആന്‍റണി വലിയവീട്ടില്‍ എന്നിവര്‍ നിരാഹാരമനുഷ്ഠിച്ചു.
ബിഷപ് ഡോ. ജോസഫ് കാരിക്കശേരി, കോതമംഗലം രൂപത യുവദീപ്തി കെസിവൈഎം ഡയറക്ടര്‍ ഫാ. ജോര്‍ജ് പീച്ചാനിക്കുന്നേല്‍, പ്രസിഡന്‍റ് ജെറിന്‍ വര്‍ഗീസ്, മറ്റു ഭാരവാഹികള്‍, കെസിബിസി കരിസ്മാറ്റിക് തീരദേശ മിഷന്‍ ഡയറക്‌ടർ ഫാ. മാനുവല്‍ കാരിപ്പോട്ട്, തൊടുപുഴ ലിറ്റില്‍ ഫ്ലവര്‍ ദേവാലയ വികാരി ഫാ. ജോണ്‍സന്‍ പാലപ്പള്ളി, ഫാ. ജോസഫ് മാളിയേക്കല്‍ എന്നിവര്‍ സമരപ്പന്തലിലെത്തി.