അന്ത്യാഞ്ജലിയർപ്പിച്ച് പ്രമുഖർ
Saturday, November 2, 2024 1:14 AM IST
കോതമംഗലം: ശ്രേഷ്ഠബാവയ്ക്ക് അന്തിമോപചാരമർപ്പിക്കാൻ സമൂഹത്തിന്‍റെ വിവിധ തുറകളിൽനിന്നു പ്രമുഖർ കോതമംഗലം ചെറിയപള്ളിയിലും വലിയപള്ളിയിലും എത്തി.
കോതമംഗലം ബിഷപ് മാർ ജോർജ് മഠത്തിക്കണ്ടത്തിൽ, ബിഷപ്പുമാരായ മാർ തോമസ് ചക്യത്ത്, ജോഷ്വാ മാർ ഇഗ്‌നാത്തിയോസ്, ഗോവ ഗവർണർ അഡ്വ. ശ്രീധരൻപിള്ള, ജസ്റ്റീസ് കുര്യൻ ജോസഫ്, മന്ത്രി സജി ചെറിയാൻ, സിപിഎം സംസ്ഥാന സെക്രട്ടറി എം.വി.ഗോവിന്ദൻ, കേരള കോൺഗ്രസ് ചെയർമാൻ പി.ജെ. ജോസഫ് എംഎൽഎ, കേരള കോൺഗ്രസ് ജേക്കബ് ചെയർമാൻ അനൂപ് ജേക്കബ് എംഎൽഎ, യൂത്ത് കോൺഗ്രസ് സംസ്ഥാന വൈസ് പ്രസിഡന്‍റ് അബിൻ വർക്കി, എംപിമാരായ ഡീൻ കുര്യാക്കോസ്, ബെന്നി ബെഹനാൻ, എംഎൽഎമാരായ ആന്‍റണി ജോൺ, മാത്യു കുഴൽനാടൻ, എൽദോസ് കുന്നപ്പിള്ളി, അൻവർ സാദത്ത്, മോൻസ് ജോസഫ്, ചാണ്ടി ഉമ്മൻ, മുൻ മുഖ്യമന്ത്രി ഉമ്മൻ ചാണ്ടിയുടെ പത്നി മറിയാമ്മ ഉമ്മൻ, യുഡിഎഫ് ജില്ലാ കൺവീനർ ഷിബു തെക്കുംപുറം, യാക്കോബായ സഭ സെക്രട്ടറി തമ്പു ജോർജ് തുകലൻ തുടങ്ങിയവർ അന്ത്യാഞ്ജലിയർപ്പിക്കാനെത്തി‍യിരുന്നു.
മലങ്കര മെത്രാപ്പോലീത്ത ജോസഫ് മാർ ഗ്രിഗോറിയോസ് ഉൾപ്പെടെ യാക്കോബായ സഭയിലെ മെത്രാപ്പോലീത്തമാരും വൈദികരും കോതമംഗലം മാർത്തോമ്മ ചെറിയപള്ളിയിലും മർത്തമറിയം കത്തീഡ്രൽ വലിയ പള്ളിയിലും നടന്ന അന്തിമ ശ്രുശൂഷകളിലും പ്രാർഥനയിലും കാർമികത്വം വഹിച്ചു.