അ​ങ്ക​മാ​ലി: അ​ങ്ക​മാ​ലി അ​ർ​ബ​ൻ സം​ഘ​ത്തി​ലെ 96 കോ​ടി രൂ​പ​യു​ടെ വാ​യ്പാ ത​ട്ടി​പ്പ് ന​ട​ത്തി​യ​വ​രെ പോ​ലീ​സ് സം​ര​ക്ഷി​ക്കു​ന്ന​തി​ൽ വ്യാ​പ​ക​മാ​യ പ്ര​തി​ഷേ​ധം ഇ​ര​മ്പു​ന്നു. പോ​ലീ​സ് സ്റ്റേ​ഷ​ൻ മാ​ർ​ച്ച് ഉ​ൾ​പ്പെ​ടെ യു​ള്ള പ്ര​തി​ഷേ​ധ സ​മ​ര​ങ്ങ​ളി​ലേ​ക്ക് നീ​ങ്ങാ​ൻ അ​ർ​ബ​ർ സ​ഹ​ക​ര​ണ സം​ഘം നി​ക്ഷേ​പ സം​ര​ക്ഷ​ണ സ​മി​തി ഭാ​ര​വാ​ഹി​ക​ളു​ടെ യോ​ഗം തീ​രു​മാ​നി​ച്ചു. അ​ടി​യ​ന്ത​ര​മാ​യി നി​ക്ഷേ​പ​ക​രു​ടെ യോ​ഗം വി​ളി​ച്ചു കൂ​ട്ടാ​നും യോ​ഗം തീ​രു​മാ​നി​ച്ചു. സ​മ​രം ക​ടു​പ്പിക്കു​ന്ന​തി​നെക്കുറിച്ചുള്ള തീരുമാനം യോ​ഗ​ത്തി​ൽ ഉ​ണ്ടാ​കും.

സം​ഘ​ത്തി​ൽ ന​ട​ന്ന ത​ട്ടി​പ്പി​നെ​ക്കു​റി​ച്ച് ജി​ല്ലാ ജോ​യി​ന്‍റ് ര​ജി​സ്ട്രാ​ർ ജോ​സ​ൽ ഫ്രാ​ൻ​സീ​സി​ന്‍റെ നേ​തൃ​ത്വ​ത്തി​ൽ ന​ട​ത്തി​യ അ​ന്വേ​ഷ​ണ​ത്തി​ലാ​ണ് ത​ട്ടി​പ്പ് പു​റം​ലോ​കം അ​റി​യു​ന്ന​ത്. ഇ​തേ തു​ട​ർ​ന്നാ​ണ് ഭ​ര​ണ​സ​മി​തി പി​രി​ച്ചു​വി​ടാ​ൻ ഉ​ത്ത​ര​വാ​യ​തും. അ​ദ്ദേ​ഹ​ത്തി​ന്‍റെ പ​രാ​തി​യെ​ത്തു​ട​ർ​ന്നാ​ണ് പോ​ലീ​സും ക്രൈം​ബ്രാ​ഞ്ചും കേ​സെ​ടു​ത്ത​തും.

106.5 കോ​ടി രൂ​പ നി​ക്ഷേ​പ​ക​ർ​ക്ക് ന​ൽ​കാ​നു​ണ്ട്. 126 കോ​ടി രൂ​പ​യാ​ണ് വാ​യ്പ ന​ൽ​കി​യിട്ടു​ള്ള​ത്. ഇ​തി​ൽ 96 കോ​ടി​യു​ടെ വാ​യ്പ​ക​ൾ വ്യാ​ജ​മാ​ണ്. ഇ​തി​ൽ 33 കോ​ടി രൂ​പ​യു​ടെ വാ​യ്പ​ക​ൾ ഈ​ടാ​ക്കി​യെ​ടു​ക്കാ​ൻ സാ​ധി​ക്കാ​ത്ത വി​ധ​ത്തി​ലു​ള്ള​താ​ണ്. വ്യാ​ജ പ്ര​മാ​ണ​ങ്ങ​ളാ​ണ് ഈ ​വാ​യ്പ​ക​ൾ​ക്ക് ഈ​ട് ന​ൽ​കി​യി​രി​ക്കു​ന്ന​ത്. സം​ഘം ര​ജി​സ്ട്രാ​റു​ടെ നി​ർ​ദേശം പാ​ലി​ക്കാ​തെ വാ​യ്പ​ക​ൾ​ക്ക് റി​ബേ​റ്റ് ന​ൽ​കു​ക വ​ഴി ര​ണ്ട​ര കോ​ടി ചെ​ല​വ​ഴി​ച്ചി​ട്ടു​ണ്ട്.

സം​ഘ​ത്തി​ൽ നി​ന്ന് എ​ടു​ത്തി​രി​ക്കു​ന്ന ഈ ​തു​ക​കൾ ചെ​ല​വ​ഴി​ച്ച വ​ഴി​ക​ളും ചെ​ക്കു​ക​ൾ മാ​റി​യി​രി​ക്കു​ന്ന​തി​നെ​ക്കു​റി​ച്ചും പ​ണം പ​റ്റി​യ​വ​രെ​ക്കു​റി​ച്ചും ക്രൈം​ബ്രാ​ഞ്ച് തെ​ളി​വു​ക​ൾ ശേ​ഖ​രി​ച്ച് ക​ഴി​ഞ്ഞു. ഉ​ട​നെ ഇ​വ​ർ​ക്കെ​തി​രെ ന​ട​പ​ടി​ക്ര​മ​ങ്ങ​ൾ ആ​രം​ഭി​യ്ക്കും. ഡ​യ​റ​ക്ട​ർ ബോ​ർ​ഡം​ഗ​ങ്ങ​ളാ​യ അ​ഞ്ചു​പേ​രെ​യും ര​ണ്ട് സജീവനക്കാരെയും ക്രൈം​ബ്രാ​ഞ്ച് അ​റ​സ്റ്റ് ചെ​യ്തി​രു​ന്നു. മ​റ്റു​ള്ള​വ​ർ മു​ൻ​കൂ​ർ ജ്യാ​മ്യ​ത്തി​നു​ള്ള അ​പേ​ക്ഷ​യി​ലാ​ണ്.

റി​യ​ൽ എ​സ്റ്റേ​റ്റ് ക​ച്ച​വ​ട​ത്തി​നാ​ണ് പ​ണം ഭൂ​രി​ഭാ​ഗ​വും ഉ​പ​യോ​ഗി​ച്ചി​രി​ക്കു​ന്ന​തെ​ന്ന് അ​ന്വേ​ഷ​ണ ഉ​ദ്യോ​ഗ​സ്ഥ​ർ​ക്ക് വ്യ​ക്ത​മാ​യി​ട്ടു​ണ്ട്. വ്യാ​ജ​വാ​യ്പ​യി​ലൂ​ടെ പ​ണം ത​ട്ടി​യ​വ​രെ സം​ര​ക്ഷി​ക്കു​ന്ന ന​യ​മാ​ണ് പോ​ലീ​സ് സ്വീ​ക​രി​ച്ചി​രി​ക്കു​ന്നതെന്ന് നിക്ഷേപകർ ആരോപിക്കുന്നു. ത​ട്ടി​പ്പ് ന​ട​ത്തി​യ​വ​രെ​ക്കു​റി​ച്ചു​ള്ള എ​ല്ലാ വി​വ​ര​ങ്ങ​ളും ല​ഭ്യ​മാ​യി​ട്ടും അ​വ​ർ​ക്കെ​തി​രെ ന​ട​പ​ടി​ക​ൾ ഒ​ന്നും സ്വീ​ക​രി​ക്കാ​ൻ പോ​ലീ​സ് ത​യാ​റാ​യി​ട്ടി​ല്ല.

വ്യാ​ജ ആ​ധാ​രം ഉ​പ​യോ​ഗി​ച്ച് കോ​ടി​ക​ൾ വാ​യ്പ എ​ടു​ത്ത​വ​ർ​ക്കെ​തി​രെ ന​ട​പ​ടി എ​ടു​ക്കാ​ൻ പോ​ലീ​സും മ​ടി​ക്കു​ക​യാ​ണത്രേ. ഇ​തി​നെ​തി​രേ​യാ​ണ് നി​ക്ഷേ​പ​ക​ർ പ്ര​ക്ഷോ​ഭ​ത്തി​നി​റ​ങ്ങു​ന്ന​ത്.