അ​ങ്ക​മാ​ലി: മ​ഞ്ഞാ​ലി തോ​ട്ടി​ൽ ജ​ല​നി​ര​പ്പ് ഉ​യ​ർ​ന്ന​തോ​ടെ പ്ര​ദേ​ശ​ത്തെ നെ​ൽ​കൃ​ഷി​ക്കു തി​രി​ച്ച​ടി. വേ​ന​ൽ​മ​ഴ​യ്ക്കൊ​പ്പം ക​നാ​ലു​ക​ളി​ൽ നി​ന്നു​ള്ള വെ​ള്ള​വും എ​ത്തി​യ​തോ​ടെ തോ​ട്ടി​ൽ ക്ര​മാ​തീ​ത​മാ​യി ജ​ല​നി​ര​പ്പ് ഉ​യ​ർ​ന്ന​താ​ണ് വി​ള​വെ​ടു​പ്പി​നു പാ​ക​മാ​യ നെ​ൽ​കൃ​ഷി​ക്ക് തി​രി​ച്ച​ടി​യാ​യ​ത്.

വെ​ള്ള​ക്കെ​ട്ടു​മൂ​ലം ഏ​ക്ക​ർ​ക​ണ​ക്കി​ന് നെ​ൽ​കൃ​ഷി​യു​ടെ വി​ള​വെ​ടു​പ്പ് ന​ട​ത്താ​ൻ ക​ഴി​യാ​ത്ത അ​വ​സ്ഥ​യാ​ണ് നി​ല​വി​ലു​ള്ള​തെ​ന്നു ക​ർ​ഷ​ക​ർ പ​റ​യു​ന്നു. മാ​ഞ്ഞാ​ലി​ത്തോ​ടി​ന്‍റെ ഇ​രു​ക​ര​ക​ളി​ലു​മാ​യി പാ​റ​ക്ക​ട​വ് പ​ഞ്ചാ​യ​ത്ത്, നെ​ടു​മ്പാ​ശേ​രി പ​ഞ്ചാ​യ​ത്ത്, അ​ങ്ക​മാ​ലി മു​നി​സി​പ്പാ​ലി​റ്റി എ​ന്നീ പ്ര​ദേ​ശ​ങ്ങ​ളി​ൽ വ​ർ​ഷ​ങ്ങ​ളാ​യി ത​രി​ശു​കി​ട​ന്ന സ്ഥ​ല​ങ്ങ​ളി​ൽ വ​ലി​യ ഇ​ട​വേ​ള​യ്ക്കു​ശേ​ഷം അ​ടു​ത്ത കാ​ല​ത്താ​ണ് നെ​ൽ​കൃ​ഷി വ്യാ​പ​ക​മാ​യി ചെ​യ്യു​ന്ന​ത്.

വി​ള​വെ​ടു​പ്പി​ന് പാ​ക​മാ​യ സ​മ​യ​ത്താ​ണ് വേ​ന​ൽ​മ​ഴ​യെ​ത്തി​യ​ത്. തു​മ്പൂ​ർ​മു​ഴി, ഇ​ട​മ​ല​യാ​ർ ഇ​റി​ഗേ​ഷ​ൻ പ​ദ്ധ​തി​ക​ളി​ൽ നി​ന്ന് അ​ധി​ക​മാ​യി വെ​ള്ളം മാ​ഞ്ഞാ​ലി തോ​ട്ടി​ലേ​ക്ക് എ​ത്തി​യ​തും ജ​ല​നി​ര​പ്പ് ഉ​യ​രു​ന്ന​തി​ന് കാ​ര​ണ​മാ​യി. ഇ​ത്‌ ക​ർ​ഷ​ക​രെ ആ​ശ​ങ്ക​യി​ലാ​ഴ്ത്തി​യി​ട്ടു​ണ്ട്.

തോ​ട്ടി​ൽ അ​ധി​ക​മാ​യെ​ത്തു​ന്ന വെ​ള്ളം ഷ​ട്ട​റു​ക​ൾ വ​ഴി ഒ​ഴു​ക്കി വി​ട​ണ​മെ​ന്ന് അ​ഖി​ലേ​ന്ത്യാ കി​സാ​ൻ സ​ഭ അ​ങ്ക​മാ​ലി മ​ണ്ഡ​ലം ക​മ്മ​റ്റി ആ​വ​ശ്യ​പ്പെ​ട്ടു.