മൂ​വാ​റ്റു​പു​ഴ: ന്യൂ​ന​പ​ക്ഷ വി​ഭാ​ഗ​ങ്ങ​ള്‍​ക്കെ​തി​രാ​യ അ​ക്ര​മ​ങ്ങ​ള്‍ വ​ര്‍​ധി​ക്കു​ന്ന സാ​ഹ​ച​ര്യ​ത്തി​ല്‍ കേ​ര​ള​ത്തി​ന്‍റെ മ​ത​നി​ര​പേ​ക്ഷ നി​ല​പാ​ട് സം​ര​ക്ഷി​ക്കു​ന്ന​തി​നാ​യി ഒ​റ്റ​ക്കെ​ട്ടാ​യി അ​ണി​നി​ര​ക്ക​ണ​മെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍. മൂ​വാ​റ്റു​പു​ഴ മു​നി​സി​പ്പ​ല്‍ സ്‌​റ്റേ​ഡി​യ​ത്തി​ല്‍ ന​ട​ന്ന മു​വാ​റ്റു​പു​ഴ മ​ണ്ഡ​ലം ന​വ​കേ​ര​ള സ​ദ​സി​ല്‍ സം​സാ​രി​ക്കു​ക​യാ​യി​രു​ന്നു മു​ഖ്യ​മ​ന്ത്രി.

രാ​ജ്യ​ത്തെ വി​വി​ധ പ്ര​ദേ​ശ​ങ്ങ​ളി​ല്‍ ന്യൂ​ന​പ​ക്ഷ വി​ഭാ​ഗ​ങ്ങ​ള്‍ അ​ക്ര​മി​ക്ക​പ്പെ​ടു​ക​യാ​ണ്. വം​ശ​ഹ​ത്യ​യ്ക്ക് ശ്ര​മം ന​ട​ക്കു​ന്നു. ഇ​സ്രാ​യേ​ല്‍- പാ​ല​സ്തീ​ന്‍ പ്ര​ശ്‌​ന​ത്തി​ല്‍ ഇ​ന്ത്യ എ​ക്കാ​ല​ത്തും പാ​ല​സ്തീ​നൊ​പ്പ​മാ​യി​രു​ന്നു. എ​ന്നാ​ല്‍ ഇ​പ്പോ​ള്‍ ആ ​ന​യം മാ​റി​യി​രി​ക്കു​ന്നു. ഇ​തി​നെ​ല്ലാം എ​തി​രേ പ്ര​തി​ക​രി​ക്കാ​ന്‍ പ്ര​തി​പ​ക്ഷ ക​ക്ഷി​ക​ള്‍​ക്കും ക​ഴി​യു​ന്നി​ല്ല.

പ​ല​രെ​യും ഭീ​ഷ​ണി​പ്പെ​ടു​ത്തി​യും വ​കു​പ്പു​ക​ളു​ടെ നി​ര്‍​ബ​ന്ധ​പ്ര​കാ​ര​വു​മാ​ണ് ജ​ന​ങ്ങ​ള്‍ സ​ദ​സി​നെ​ത്തു​ന്ന​തെ​ന്ന ആ​രോ​പ​ണ​മാ​ണ് പ്ര​തി​പ​ക്ഷ ക​ക്ഷി​ക​ള്‍ ഉ​ന്ന​യി​ക്കു​ന്ന​ത്. നാ​ടി​ന്‍റെ ആ​വ​ശ്യ​മു​യ​ര്‍​ത്തി​യു​ള്ള സ​ദ​സാ​ണി​തെ​ന്ന് തി​രി​ച്ച​റി​ഞ്ഞ് ജ​ന​ങ്ങ​ള്‍ ഒ​ന്ന​ട​ങ്കം എ​ത്തു​ക​യാ​ണ്.

എ​ന്നാ​ൽ നാ​ടി​നെ മോ​ശ​മാ​ക്കി ചി​ത്രീ​ക​രി​ക്കാ​നു​ള്ള ശ്ര​മ​മാ​ണ് പ്ര​തി​പ​ക്ഷ ക​ക്ഷി​ക​ള്‍ ന​ട​ത്തു​ന്ന​തെ​ന്നും മു​ഖ്യ​മ​ന്ത്രി പ​റ​ഞ്ഞു. സം​ഘാ​ട​ക സ​മി​തി ചെ​യ​ര്‍​മാ​ന്‍ എ​ല്‍​ദോ ഏ​ബ്ര​ഹാം അ​ധ്യ​ക്ഷ​ത വ​ഹി​ച്ചു.