പെ​രു​മ്പാ​വൂ​ര്‍: ന​വ​കേ​ര​ള സ​ദ​സി​നു​ള്ള ഒ​രു​ക്ക​ങ്ങ​ള്‍ പെ​രു​മ്പാ​വൂ​രി​ല്‍ പൂ​ര്‍​ത്തി​യാ​യെ​ന്ന് സം​ഘാ​ട​ക സ​മി​തി ചെ​യ​ര്‍​മാ​ന്‍ ബാ​ബു ജോ​സ​ഫ്, ക​ണ്‍​വീ​ന​ര്‍ കൂ​ന്ന​ത്തു​നാ​ട് ത​ഹ​സി​ല്‍​ദാ​ര്‍ ജോ​ര്‍​ജ് ജോ​സ​ഫ് എ​ന്നി​വ​ര്‍ പ​ത്ര​സ​മ്മേ​ള​ന​ത്തി​ല്‍ അ​റി​യി​ച്ചു. ഇ​ന്ന് ഉ​ച്ച​ക​ഴി​ഞ്ഞ് മൂ​ന്നി​ന് ബോ​യ്‌​സ് ഹൗ​സ്‌​കൂ​ള്‍ ഗ്രൗ​ണ്ടി​ല്‍​നി​ന്നു മു​നി​സി​പ്പ​ല്‍ സ്റ്റേ​ഡി​യം വ​രെ സാം​സ്‌​ക്കാ​രി​ക വി​ളം​ബ​ര ഘോ​ഷ​യാ​ത്ര സം​ഘി​ടി​പ്പി​ക്കും.

10ന് രാ​വി​ലെ 10ന് ​ഗ​വ. ബോ​യ്‌​സ് ഹൈ​സ്‌​കൂ​ളി​ലാ​ണ് പെരുന്പാവൂർ മണ്ഡലത്തിലെ ന​വ​കേ​ര​ള സ​ദ​സ് സം​ഘ​ടി​പ്പി​ക്കു​ന്ന​ത്. ഇ​തി​നാ​യി 36000 ച​തു​ര​ശ്ര​യ​ടി​യു​ള്ള പ​ന്ത​ലാ​ണ് ഒ​രു​ക്കി​യി​രി​ക്കു​ന്ന​ത്. പൊ​തു​ജ​ന​ങ്ങ​ള്‍​ക്ക് സ​മ്മേ​ള​ന​ത്തി​ല്‍ എ​ത്തി​ച്ചേ​രാ​ൻ 268 വാ​ഹ​ന​ങ്ങ​ള്‍ ഏ​ര്‍​പ്പെ​ടുത്തി. വാ​ഹ​ന​ങ്ങ​ള്‍ പാ​ര്‍​ക്ക് ചെ​യ്യാ​ൻ പ്രൈ​വ​റ്റ് സ്റ്റാ​ന്‍റ്, ആ​ശ്ര​മം ഹൈ​സ്‌​കൂ​ള്‍ ഗ്രൗ​ണ്ട്, പാ​ല​ക്കാ​ട്ടു പാ​ലം ഗ്രൗ​ണ്ട് എ​ന്നി​വ സ​ജീ​ക​രി​ച്ചി​ട്ടു​ണ്ട്. ഞാ​യ​റാ​ഴ്ച രാ​വി​ലെ 8.30ന് ​മു​ഖ്യ​മ​ന്ത്രി​യും 20 മ​ന്ത്രി​മാ​രും വെ​ങ്ങോ​ല ഹ​മാ​ര ഓ​ഡി​റ്റോ​റി​യ​ത്തി​ല്‍ എ​ത്തി​ച്ചേ​രും.

പ​രാ​തി​ക​ള്‍ സ്വീ​ക​രി​ക്കാ​ന്‍ 26 കൗ​ണ്ട​റു​ക​ള്‍

പെ​രു​മ്പാ​വൂ​ര്‍: ന​വ​കേ​ര​ള സ​ദ​സി​ല്‍ പൊ​തു​ജ​ന​ങ്ങ​ളു​ടെ പ​രാ​തി​ക​ള്‍ സ്വീ​ക​രി​ക്കാ​ന്‍ 26 കൗ​ണ്ട​റു​ക​ള്‍ ഒ​രു​ക്കി​യി​ട്ടു​ണ്ട്. പ​രാ​തി ന​ല്‍​കാ​ന്‍ എ​ത്തു​ന്ന​വ​ര്‍ ആ​ദ്യം ജ​ന​റ​ല്‍ കൗ​ണ്ട​റി​ലെ​ത്തി ടോ​ക്ക​ണ്‍ എ​ടു​ക്ക​ണം. തു​ട​ർ​ന്ന് അ​താ​ത് കൗ​ണ്ട​റു​ക​ളി​ല്‍ പ​രാ​തി​ക​ള്‍ ന​ല്‍​കാം. ഭി​ന്ന​ശേ​ഷി​ക്കാ​ര്‍​ക്ക് ര​ണ്ടും സ്ത്രീ​ക​ള്‍​ക്കും വ​യോ​ജ​ന​ങ്ങ​ള്‍​ക്കും ഏ​ഴു വീ​തം പ്ര​ത്യേ​കം കൗ​ണ്ട​റു​ക​ളും ത​യാ​റാ​ക്കി​യി​ട്ടു​ണ്ട്.

രാ​വി​ലെ 8.30 മു​ത​ല്‍ പ​രാ​തി​ക​ള്‍ സ്വീ​ക​രി​ക്കും. 10.30 മു​ത​ല്‍ ന​വ​കേ​ര​ള സ​ദ​സ് ന​ട​ക്കു​ന്ന സ​മ​യ​ത്ത് കൗ​ണ്ട​റു​ക​ള്‍ പ്ര​വ​ര്‍​ത്തി​ക്കി​ല്ല. സ​മ്മേ​ള​നം ക​ഴി​ഞ്ഞ് വീ​ണ്ടും പ​രാ​തി​ക​ള്‍ സ്വീ​ക​രി​ക്കും. കു​ന്ന​ത്തു​നാ​ട് താ​ലൂ​ക്ക് ഓ​ഫീ​സി​ന്‍റെ മേ​ല്‍​നോ​ട്ട​ത്തി​ലാ​ണ് കൗ​ണ്ട​റു​ക​ളു​ടെ പ്ര​വ​ര്‍​ത്ത​നം.