പ​റ​വൂ​ര്‍: മു​നി​സി​പ്പാ​ലി​റ്റി​യു​ടെ കീ​ഴി​ലു​ള്ള സ്റ്റേ​ഡി​യം ന​വീ​ക​രി​ക്കു​ന്ന​തി​നു​ള്ള പ്രാ​രം​ഭ ന​ട​പ​ടി​ക​ള്‍ ആ​രം​ഭി​ച്ച​താ​യി പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ന്‍ അ​റി​യി​ച്ചു. ഇ​തി​ന്‍റെ ആ​ദ്യ​ഘ​ട്ട​മാ​യി മു​നി​സി​പ്പ​ല്‍ ചെ​യ​ര്‍​പേ​ഴ്‌​സ​ണ്‍ വി​ളി​ച്ചു ചേ​ർ​ത്ത യോ​ഗ​ത്തി​ല്‍ പ​റ​വൂ​ര്‍ മു​നി​സി​പ്പ​ല്‍ സ്റ്റേ​ഡി​യം സ്ഥി​ര​മാ​യി ഉ​പ​യോ​ഗി​ക്കു​ന്ന എ​ട്ട് സ്പോ​ര്‍​ട്ട്സ ക്ല​ബ് പ്ര​തി​നി​ധി​ക​ളു​മാ​യി വി​ശ​ദ​മാ​യ ച​ര്‍​ച്ച ന​ട​ത്തി. ക്ര​ക്ക​റ്റി​നും ഫു​ട്ബോ​ളി​നും ഒ​രു പോ​ലെ പ്രാ​ധാ​ന്യം ന​ൽ​കി​യാ​വ​ണം സ്റ്റേ​ഡി​യം ന​വീ​ക​രി​ക്കേ​ണ്ട​തെ​ന്ന് യോ​ഗ​ത്തി​ല്‍ ആ​വ​ശ്യ​മു​യ​ർ​ന്നു.

ഡ്ര​സിം​ഗ് റൂം, ​ടോ​യ്‌‌​ല​റ്റ് സൗ​ക​ര്യം, സ്നാ​ക്സ് പാ​ര്‍​ല​ര്‍, പാ​ര്‍​ക്കിം​ഗ് തു​ട​ങ്ങി​യ​വ ഉ​ള്‍​പ്പെ​ടു​ത്തി വെ​ള്ള​ക്കെ​ട്ടി​ല്ലാ​ത്ത രീ​തി​യി​ല്‍ ഗ്രൗ​ണ്ടി​നു ചു​റ്റും കാ​ന​യോ​ടു​കൂ​ടി ന​വീ​ക​രി​ക്ക​ണ​മെ​ന്നും ക്ല​ബ് അം​ഗ​ങ്ങ​ളു​ടെ ഭാ​ഗ​ത്തു​നി​ന്നു നി​ര്‍​ദേ​ശ​മു​ണ്ടാ​യി.

സ്റ്റേ​ഡി​യം ന​വീ​ക​രി​ക്കു​ന്ന​തി​നു​ള്ള ആ​ര്‍‌​ക്കി​ടെ​ക്ച​റ​ല്‍ ഡ്രോ​യിം​ഗ് ത​യാ​റാ​ക്കി ന​ല്‍​കു​ന്ന മു​റ​യ്‌​ക്ക് പൊ​തു​മ​രാ​മ​ത്ത് കെ​ട്ടി​ട വി​ഭാ​ഗം ത​യാ​റാ​ക്കു​ന്ന വി​ശ​ദ​മാ​യ എ​സ്റ്റി​മേ​റ്റ് പ്ര​കാ​രം ആ​വ​ശ്യ​മാ​യ തു​ക എം​എ​ല്‍​എ​യു​ടെ ആ​സ്തി വി​ക​സ​ന ഫ​ണ്ടി​ൽ​നി​ന്ന് അ​നു​വ​ദി​ക്കു​മെ​ന്നും പ്ര​തി​പ​ക്ഷ നേ​താ​വ് അ​റി​യി​ച്ചു.