കൂ​ത്താ​ട്ടു​കു​ളം: പാ​ല​ക്കു​ഴ​യി​ലെ തീ​പി​ടി​ത്ത​ത്തി​ൽ ഒ​രു കോ​ടി രൂ​പ​യു​ടെ നാ​ശ​ന​ഷ്ടം ഉ​ണ്ടാ​യി​ട്ടു​ള്ള​താ​യി പ്രാ​ഥ​മി​ക വി​ല​യി​രു​ത്ത​ൽ. കൂ​ത്താ​ട്ടു​കു​ള​ത്ത് പ്ര​വ​ർ​ത്തി​ച്ചു​വ​ന്ന നെ​റ്റ് ലി​ങ്ക് ക​മ്പ​നി​യു​ടെ പാ​ല​ക്കു​ഴ​യി​ലെ ഗോ​ഡൗ​ണി​ൽ മൂ​ന്നി​ന് രാ​ത്രി 8.30 ഓ​ടെ​യാ​ണ് തീ​പി​ടി​ത്ത​മു​ണ്ടാ​യ​ത്. ത​ക​ര​ഷീ​റ്റു​കൊ​ണ്ട് നി​ർ​മി​ച്ച ര​ണ്ടാ​യി​രം സ്ക്വ​യ​ർ ഫീ​റ്റോ​ളം വ​രു​ന്ന സം​ഭ​ര​ണ​ശാ​ല​യി​ലാ​ണ് തീ​പ​ട​ർ​ന്ന​ത്.

ഇ​ടി​മി​ന്ന​ലി​നെ തു​ട​ർ​ന്നു​ണ്ടാ​യ ഷോ​ർ​ട്ട് സ​ർ​ക്യൂ​ട്ട് സാ​ധ്യ​ത​ക​ളാ​കാം അ​പ​ക​ട​കാ​ര​ണ​മെ​ന്നാ​ണ് വി​ല​യി​രു​ത്ത​ൽ. അ​യ​ൽ​വാ​സി​ക​ളും വ​ഴി​യാ​ത്ര​ക്കാ​രു​മാ​ണ് ആ​ദ്യം തീ​പി​ടി​ത്തം ക​ണ്ട​ത്. പ്ര​ദേ​ശ​വാ​സി​ക​ൾ ന​ൽ​കി​യ വി​വ​ര​ത്തി​ന്‍റെ അ​ടി​സ്ഥാ​ന​ത്തി​ൽ കൂ​ത്താ​ട്ടു​കു​ളം, തൊ​ടു​പു​ഴ, പി​റ​വം, മൂ​വാ​റ്റു​പു​ഴ എ​ന്നി​വി​ട​ങ്ങ​ളി​ൽ നി​ന്നു​ള്ള അ​ഗ്നി​ര​ക്ഷാ സേ​ന​യു​ടെ ഏ​ഴ് യൂ​ണി​റ്റെ​ത്തി​യാ​ണ് തീ​യ​ണ​ച്ച​ത്.

ഇ​ന്‍റ​ർ​നെ​റ്റ് കേ​ബി​ളു​ക​ൾ, ഇ​വ ഉ​റ​പ്പി​ക്കു​ന്ന​തി​നു​ള്ള പ്ര​ത്യേ​ക പ്ലാ​സ്റ്റി​ക് പെ​ട്ടി​ക​ൾ, മോ​ഡം ഉ​ൾ​പ്പെ​ടെ​യു​ള്ള മ​റ്റു​പ​ക​ര​ണ​ങ്ങ​ൾ എ​ന്നി​വ​യാ​ണ് ഗോ​ഡൗ​ണി​ൽ ഉ​ണ്ടാ​യി​രു​ന്ന​ത്. സാ​ധ​ന​ങ്ങ​ൾ നി​റ​ച്ച് ലോ​റി അ​പ​ക​ട സ​മ​യം ഗോ​ഡൗ​ണി​ന് മു​ൻ​വ​ശ​ത്ത് ഉ​ണ്ടാ​യി​രു​ന്നു. ലോ​റി മാ​റ്റാ​ൻ ക​ഴി​ഞ്ഞ​തി​നാ​ൽ വ​ൻ ന​ഷ്ട​മൊ​ഴി​വാ​യി.