കൊ​ച്ചി: എ​റ​ണാ​കു​ളം മ​ഹാ​രാ​ജാ​സ് കോ​ള​ജി​ലെ പ്രി​ന്‍​സി​പ്പ​ലി​ന്‍റെ ഔ​ദ്യോ​ഗി​ക ക​സേ​ര ക​ത്തി​ച്ച വി​ദ്യാ​ര്‍​ഥി​ക്ക് തു​ട​ര്‍​പ​ഠ​ന യോ​ഗ്യ​ത അ​നു​വ​ദി​ക്കാ​തെ ന​ല്‍​കി​യ ടി​സി പി​ന്‍​വ​ലി​ച്ച് പ​ഠ​നം പു​ന​രാ​രം​ഭി​ക്കാ​ന്‍ സാ​ഹ​ച​ര്യ​മൊ​രു​ക്ക​ണ​മെ​ന്ന ആ​വ​ശ്യ​ത്തി​ല്‍ ഇ​ട​പെ​ടാ​ന്‍ മ​നു​ഷ്യാ​വ​കാ​ശ ക​മ്മീ​ഷ​ന്‍ വി​സ​മ്മ​തി​ച്ചു. പ​രാ​തി​യി​ല്‍ ഇ​ട​പെ​ടാ​നു​ള്ള സാ​ഹ​ച​ര്യം നി​ല​നി​ല്‍​ക്കു​ന്നി​ല്ലെ​ന്ന് ക​മ്മീ​ഷ​ന്‍ ആ​ക്ടിം​ഗ് ചെ​യ​ര്‍​പേ​ഴ്‌​സ​ണും ജു​ഡീ​ഷ​ല്‍ അം​ഗ​വു​മാ​യ കെ. ​ബൈ​ജു​നാ​ഥ് ഉ​ത്ത​ര​വി​ല്‍ പ​റ​ഞ്ഞു. ക​ണ്ണൂ​ര്‍ മാ​മം​ഗ​ലം സ്വ​ദേ​ശി കെ. ​ഹ​രി​കൃ​ഷ്ണ​ന്‍ സ​മ​ര്‍​പ്പി​ച്ച പ​രാ​തി​യി​ലാ​ണ് ന​ട​പ​ടി.

മ​ഹാ​രാ​ജാ​സ് കോ​ള​ജ് പ്രി​ന്‍​സി​പ്പ​ലി​ല്‍ നി​ന്നും ക​മ്മീ​ഷ​ന്‍ റി​പ്പോ​ര്‍​ട്ട് വാ​ങ്ങി. ക​സേ​ര ക​ത്തി​ച്ച സം​ഭ​വ​ത്തി​ല്‍ പ​രാ​തി​ക്കാ​ര​ന്‍ കു​റ്റ​ക്കാ​ര​നാ​ണെ​ന്ന് ക​ണ്ടെ​ത്തി​യ​തി​നെ തു​ട​ര്‍​ന്ന് 2017 മേ​യ് 16ന് ​ടി​സി ന​ല്‍​കി ഡി​സ്മി​സ് ചെ​യ്തി​രു​ന്നു. എം​എ പൊ​ളി​റ്റി​ക്ക​ല്‍ സ​യ​ന്‍​സ് ഒ​ന്നാം വ​ര്‍​ഷ വി​ദ്യാ​ര്‍​ഥി​യാ​യി​രു​ന്നു അ​ന്ന് പ​രാ​തി​ക്കാ​ര​ന്‍.

കേ​സി​ല്‍ പ്ര​തി​ക​ളാ​യ ആ​റ് വി​ദ്യാ​ര്‍​ഥി​ക​ളു​ടെ​യും ഡി​സ്മി​സ​ല്‍ ഉ​ത്ത​ര​വ്, ടി​സി, സ്വ​ഭാ​വ സ​ര്‍​ട്ടി​ഫി​ക്ക​റ്റ് എ​ന്നി​വ വി​ദ്യാ​ര്‍​ഥി​ക​ള്‍​ക്കും ര​ക്ഷി​താ​ക്ക​ള്‍​ക്കും ര​ജി​സ്റ്റേ​ഡ് ത​പാ​ലി​ല്‍ അ​യ​ച്ചു​കൊ​ടു​ത്തി​രു​ന്നു. എ​ന്നാ​ല്‍ പ​രാ​തി​ക്കാ​ര​നാ​യ കെ. ​ഹ​രി​കൃ​ഷ്ണ​ന്‍ സ​ര്‍​ട്ടി​ഫി​ക്ക​റ്റു​ക​ള്‍ കൈ​പ്പ​റ്റി​യി​ല്ല. ഇ​ദ്ദേ​ഹ​ത്തി​ന്‍റെ ടി​സി​യും സ്വ​ഭാ​വ സ​ര്‍​ട്ടി​ഫി​ക്ക​റ്റും എം​ജി സ​ര്‍​വ​ക​ലാ​ശാ​ലാ ര​ജി​സ്ട്രാ​ര്‍​ക്ക് അ​യ​ച്ചു​കൊ​ടു​ത്തി​ട്ടു​ണ്ടെന്നും റിപ്പോ ർട്ടിൽ പറയുന്നു.