കൊ​ച്ചി: കു​സാ​റ്റ് ദു​ര​ത്തി​ല്‍ ടെ​ക്ഫെ​സ്റ്റ് സം​ഘാ​ട​ക​രു​ടെ മൊ​ഴി​യെ​ടു​ക്ക​ല്‍ പൂ​ര്‍​ത്തി​യാ​യി. അ​ധ്യാ​പ​ക​രി​ല്‍ നി​ന്നും വി​ദ്യാ​ര്‍​ഥി​ക​ളി​ല്‍ നി​ന്നും അ​ന്വേ​ഷ​ണ​സം​ഘം മൊ​ഴി രേ​ഖ​പ്പെ​ടു​ത്തി​.

അ​തേ​സ​മ​യം കു​സാ​റ്റ് വി​സി​യു​ടെ​യും ര​ജി​സ്ട്രാ​റു​ടെ​യും അ​ട​ക്കം മൊ​ഴി​യെ​ടു​ക്കാ​ന്‍ പോ​ലീ​സി​ന് ഇ​നി​യും ക​ഴി​ഞ്ഞി​ട്ടി​ല്ല. കു​സാ​റ്റ് അ​പ​ക​ട​ത്തി​ന് കാ​ര​ണ​ക്കാ​രാ​യ​വ​രെ ഉ​ട​ന്‍ ക​ണ്ടെ​ത്ത​ണ​മെ​ന്ന് ആ​വ​ശ്യ​പ്പെ​ട്ട് കൊ​ച്ചി​ന്‍ യൂ​ണി​വേ​ഴ്‌​സി​റ്റി എം​പ്ലോ​യീ​സ് യൂ​ണി​യ​നും ക​ള​മ​ശേ​രി സ്വ​ദേ​ശി​യാ​യ യു​വാ​വും പോ​ലീ​സി​ന് പ​രാ​തി ന​ല്‍​കി.

ടെ​ക് ഫെ​സ്റ്റി​ന് ഗാ​ന​നി​ശ​യു​ണ്ടാ​യി​രു​ന്ന​താ​യി അ​റി​യി​ല്ലെ​ന്ന കു​സാ​റ്റി​ന്‍റെ വി​ശ​ദീ​ക​ര​ണം തെ​റ്റെ​ന്നും പ​രി​പാ​ടി​യു​ടെ ഫ്ള​ക്സും മ​റ്റും സ്ഥാ​പി​ച്ചി​രു​ന്ന​താ​യും പ​രാ​തി​യി​ല്‍ പ​റ​യു​ന്നു​ണ്ട്. ഈ ​പ​രാ​തി​ക​ളും പ്ര​ത്യേ​ക അ​ന്വേ​ഷ​ണ​സം​ഘം പ​രി​ശോ​ധി​ക്കും.

കു​റ്റ​ക്കാ​ർ​ക്കെ​തി​രെ ന​ര​ഹ​ത്യ​ക്ക് കേസെടുക്കണമെന്ന്

ക​ള​മ​ശേ​രി: കൊ​ച്ചി ശാ​സ്ത്ര സാ​ങ്കേ​തി​ക സ​ർ​വ​ക​ലാ​ശാ​ല​യി​ൽ ഗാ​ന​മേ​ള​യ്ക്കി​ടെ തി​ക്കി​ലും തി​ര​ക്കി​ലും പെ​ട്ട്, ക​ഴി​ഞ്ഞ 25നു ​നാ​ലു​പേ​ർ മ​രി​ക്കാ​നി​ട​യാ​യ സം​ഭ​വ​ത്തെ​ക്കു​റി​ച്ച് സ​മ​ഗ്ര അ​ന്വേ​ഷ​ണം ന​ട​ത്ത​ണ​മെ​ന്നും കു​റ്റ​ക്കാ​ർ​ക്കെ​തി​രെ ന​ര​ഹ​ത്യ​ക്ക് കേ​സെ​ടു​ക്ക​ണ​മെ​ന്നു​മാ​വ​ശ്യ​പ്പെ​ട്ട് തൃ​ക്കാ​ക്ക​ര എ​സി​പി​ക്ക് മ​നാ​ഫ് പു​തു​വാ​യി​ൽ പ​രാ​തി ന​ൽ​കി.

സ​ർ​വ​ക​ലാ​ശാ​ല​യു​ടെ ഓ​പ്പ​ൺ എ​യ​ർ ഓ​ഡി​റ്റോ​റി​യ​ത്തി​ൽ ന​ട​ക്കു​ന്ന ഗാ​ന​മേ​ള​യി​ൽ സെ​ക്യൂ​രി​റ്റി​യു​ടെ​യും പോ​ലീ​സി​ന്‍റെ​യും സേ​വ​നം ആ​വ​ശ്യ​മാ​ണെ​ന്ന് അ​ഭ്യ​ർ​ഥി​ച്ച് സ്കൂ​ൾ ഓ​ഫ് എ​ൻ​ജി​നിയ​റിം​ഗ് പ്രി​ൻ​സി​പ്പ​ൽ സ​ർ​വ​ക​ലാ​ശാ​ല ര​ജി​സ്ട്രാ​ർ​ക്കും സെ​ക്യൂ​രി​റ്റി ഓ​ഫീ​സ​ർ​ക്കും ഒ​രു ഔ​ദ്യോ​ഗി​ക ക​ത്ത് ന​ൽ​കി​യി​രു​ന്നു. ക​ത്തി​ന്‍റെ അ​ടി​സ്ഥാ​ന​ത്തി​ൽ പോ​ലീ​സി​ന്‍റെ സേ​വ​നം ര​ജി​സ്ട്രാ​ർ ആ​വ​ശ്യ​പ്പെ​ട്ടി​ല്ല.

ഇ​ത് സ​ർ​വ​ക​ലാ​ശാ​ല കൗ​ൺ​സി​ലി​നെ പോ​ലും അ​റി​യി​ച്ചി​ല്ലെ​ന്നും പ​രാ​തി​ക്കാ​ര​ൻ ചൂ​ണ്ടി​ക്കാ​ട്ടി.