കൂ​ത്താ​ട്ടു​കു​ളം: കു​സാ​റ്റ് ദു​ര​ന്ത​ത്തി​ൽ മ​രി​ച്ച അ​തു​ല്‍ ത​മ്പി​ക്ക് നാ​ടി​ന്‍റെ യാ​ത്രാ​മൊ​ഴി. വീ​ട്ടു​കാ​രു​ടെ പ്ര​തീ​ക്ഷ​യാ​യി​രു​ന്ന അ​തു​ലി​ന്‍റെ ചേ​ത​ന​യ​റ്റ ദേ​ഹം വീ​ട്ടി​ലെ​ത്തി​ച്ചതോ​ടെ ദു:​ഖം അ​ണ​പൊ​ട്ടി​യൊ​ഴു​കി.

അ​തു​ലി​നെ അ​വ​സാ​ന​മാ​യി കാ​ണാ​ന്‍ നാ​ട്ടു​കാ​രും കൂ​ട്ടു​കാ​രും ബ​ന്ധു​ക്ക​ളു​മ​ട​ക്കം ആ​യി​ര​ങ്ങ​ള്‍ വീ​ട്ടു​മു​റ്റ​ത്ത് ത​ടി​ച്ചു​കൂ​ടി. ഭ​വ​ന​ത്തി​ലെ പ്രാ​ര്‍​ഥ​നാ ശു​ശ്രൂ​ഷ​യ്ക്ക് ശേ​ഷം വ​ട​ക​ര സെ​ന്‍റ് ജോ​ണ്‍​സ് ഓ​ര്‍​ത്ത​ഡോ​ക്‌​സ് പ​ള്ളി​യി​ല്‍ സം​സ്‌​ക​രി​ച്ചു.

കു​സാ​റ്റി​ൽ ടെ​ക്ഫെ​സ്റ്റി​നു​ശേ​ഷം ഒ​രു​ക്കി​യ ഗാ​ന​മേ​ള തു​ട​ങ്ങും​മു​ന്പു​ണ്ടാ​യ തി​ക്കി​ലും തി​ര​ക്കി​ലും പെ​ട്ട് ശ​നി​യാ​ഴ്ച മ​രി​ച്ച അ​തു​ൽ ത​ന്പി​യു​ടെ പോ​സ്റ്റു​മോ​ര്‍​ട്ടം ഇ​ന്ന​ലെ പൂ​ർ​ത്തി​യാ​ക്കി.

തു​ട​ർ​ന്ന് കു​സാ​റ്റ് കോ​ള​ജി​ൽ പൊ​തു​ദ​ര്‍​ശ​ന​ത്തി​നു വ​ച്ചു. അ​തി​നു​ശേ​ഷം ഇ​ന്ന​ലെ ഉ​ച്ച​യോ​ടെ​യാ​ണ് കൂ​ത്താ​ട്ടു​കു​ളം കി​ഴ​കൊ​മ്പി​ലെ കൊ​ച്ചു​പാ​റ​യി​ല്‍ വീ​ട്ടി​ലേ​ക്ക് മൃ​ത​ദേ​ഹം എ​ത്തി​ച്ച​ത്.
കു​സാ​റ്റി​ലെ ദു​ര​ന്ത വാ​ര്‍​ത്ത അ​റി​ഞ്ഞ ഉ​ട​ന്‍ അ​തു​ലി​നെ പി​താ​വ് ത​മ്പി വി​ളി​ച്ചെ​ങ്കി​ലും ഫോ​ണി​ല്‍ ല​ഭി​ച്ചി​ല്ല. തു​ട​ര്‍​ച്ച​യാ​യ ശ്ര​മ​ത്തി​നി​ടെ അ​തു​ലി​ന്‍റെ സ​ഹ​പാ​ഠി ഫോ​ണ്‍ എ​ടു​ത്തെ​ങ്കി​ലും വ്യ​ക്ത​മാ​യ മ​റു​പ​ടി ന​ൽ​കി​യി​ല്ല.

തു​ട​ര്‍​ന്ന് അ​തു​ലി​ന്‍റെ സ​ഹോ​ദ​ര​നെ വി​ളി​ച്ച് പി​താ​വ് ത​മ്പി വി​വ​രം അ​റി​യി​ക്കു​ക​യാ​യി​രു​ന്നു. കു​സാ​റ്റി​ലെ ഫെ​സ്റ്റി​നു​ശേ​ഷം വീ​ട്ടി​ലേ​ക്ക് മ​ട​ങ്ങാ​നി​രി​ക്കേ​യാ​യി​രു​ന്നു ദു​ര​ന്തം. കു​സാ​റ്റി​ല്‍ ബി​ടെ​ക് സി​വി​ല്‍ എ​ൻ​ജി​നീ​യ​റിം​ഗി​ൽ ര​ണ്ടാം വ​ര്‍​ഷ വി​ദ്യാ​ര്‍​ഥി​യാ​ണ് അ​തു​ല്‍. സാ​മ്പ​ത്തി​ക​മാ​യി പി​ന്നാ​ക്കം നി​ല്‍​ക്കു​ന്ന ക​ര്‍​ഷ​ക കു​ടും​ബ​മാ​ണ് അ​തു​ലി​ന്‍റെ​ത്.

മാ​താ​വ് ലി​ല്ലി പൊ​തു​മ​രാ​മ​ത്ത് ലാ​സ്റ്റ് ഗ്രേ​ഡ് ജീ​വ​ന​ക്കാ​രി​യാ​യി​രു​ന്നു. സ​ഹോ​ദ​ര​ന്‍ അ​ജി​ന്‍ ത​മ്പി കാ​ക്ക​നാ​ട് ഇ​ന്‍​ഫോ പാ​ര്‍​ക്കി​ലെ ജീ​വ​ന​ക്കാ​ര​നാ​ണ്.

കേ​ര​ള കോ​ണ്‍​ഗ്ര​സ്-​എം ചെ​യ​ര്‍​മാ​ന്‍ ജോ​സ് കെ. ​മാ​ണി എം​പി, അ​നൂ​പ് ജേ​ക്ക​ബ് എം​എ​ല്‍​എ, കേ​ര​ള കോ​ണ്‍​ഗ്ര​സ് വ​ര്‍​ക്കിം​ഗ് ചെ​യ​ര്‍​മാ​ന്‍ പി.​സി. തോ​മ​സ്, ന​ഗ​ര​സ​ഭാ​ധ്യ​ക്ഷ വി​ജ​യ ശി​വ​ന്‍, വൈ​സ് ചെ​യ​ര്‍​മാ​ന്‍ സ​ണ്ണി കു​ര്യാ​ക്കോ​സ്, കു​സാ​റ്റ് വൈ​സ് ചാ​ന്‍​സ​ല​ര്‍ പി.​വി. ശ​ങ്ക​ര​ന്‍, മൂ​വാ​റ്റു​പു​ഴ ത​ഹ​സി​ല്‍​ദാ​ര്‍ ര​ഞ്ജി​ത് ജോ​ര്‍​ജ് തു​ട​ങ്ങി നി​ര​വ​ധി പ്ര​മു​ഖ​ർ വീ​ട്ടി​ലെ​ത്തി അ​ന്തി​മോ​പചാ​ര​മ​ര്‍​പ്പി​ച്ചു.