വൈ​പ്പി​ൻ: പ്ര​വാ​സി മ​ല​യാ​ളി​യാ​യ വ്യ​വ​സാ​യി​യെ അ​യ്യ​മ്പി​ള്ളി​യി​ലെ റി​സോ​ർ​ട്ടി​ലെ​ത്തി​ച്ച് ദേ​ഹോ​പ​ദ്ര​വം ചെ​യ്തും ഭീ​ഷ​ണി​പ്പെ​ടു​ത്തി​യും 15 ല​ക്ഷം രൂ​പ​യു​ടെ ചെ​ക്ക് ത​ട്ടി​ക​യെ​ടു​ക്കു​ക​യും വി​ടു​ത​ലി​നാ​യി 50 ല​ക്ഷം വേ​റെ ആ​വ​ശ്യ​പ്പെ​ടു​ക​യും ചെ​യ്ത കേ​സി​ൽ ഒ​ളി​വി​ലാ​യി​രു​ന്ന പ്ര​തി​ക​ൾ മു​ന​മ്പം പോ​ലീ​സ് മു​മ്പാ​കെ കീ​ഴ​ട​ങ്ങി. ര​ണ്ടാം പ്ര​തി മ​ട്ടാ​ഞ്ചേ​രി സ്വ​ദേ​ശി ക​ബീ​ർ - 35, ഏ​ഴാം പ്ര​തി പ​ള്ളു​രു​ത്തി പ്ര​ശോ​ഭ് -33 എ​ന്നി​വ​രാ​ണ് കീ​ഴ​ട​ങ്ങി​യ​ത്.

ഈ ​കേ​സി​ലെ മ​റ്റ് ഏ​ഴ് പ്ര​തി​ക​ളെ പോ​ലീ​സ് ര​ണ്ടു ഘ​ട്ട​ങ്ങ​ളി​ലാ​യി നേ​ര​ത്തെ അ​റ​സ്റ്റ് ചെ​യ്ത് കോ​ട​തി​യി​ൽ ഹാ​ജ​രാ​ക്കി​യി​രു​ന്നു. കീ​ഴ​ട​ങ്ങി​യ ര​ണ്ടു​പേ​രും ഇ​തു​വ​രെ ഒ​ളി​വി​ൽ താ​മ​സി​ച്ച് സെ​ഷ​ൻ​സ് കോ​ട​തി​യി​ലും, ഹൈ​ക്കോ​ട​തി​യി​ലും മു​ൻ​കൂ​ർ ജാ​മ്യ​ത്തി​നു ശ്ര​മി​ച്ചു കൊ​ണ്ടി​രി​ക്കു​ക​യാ​യി​രു​ന്നു.

ഇ​തി​നി​ട​യി​ൽ പോ​ലീ​സ് അ​ന്യാ​യ​മാ​യി ത​ങ്ങ​ളെ പീ​ഡി​പ്പി​ക്കു​ന്നു​വെ​ന്നാ​രോ​പി​ച്ച് ര​ണ്ടു​പേ​രും മു​ഖ്യ​മ​ന്ത്രി​ക്ക് പ​രാ​തി​യും ന​ൽ​കി​യി​രു​ന്നു. എ​ന്നാ​ൽ സ​ത്യാ​വ​സ്ഥ മ​ന​സി​ലാ​ക്കി​യ കോ​ട​തി ജാ​മ്യം ന​ൽ​കാ​തെ വ​ന്ന പ്പോ​ഴാ​ണ് പോ​ലീ​സ് മു​മ്പാ​കെ കീ​ഴ​ട​ങ്ങി​യ​ത്. 2022 ന​വം​ബ​ർ 30 നാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം ന​ട​ന്ന​ത്.

കൊ​ച്ചി വൈ​റ്റി​ല എ​സി സി​റ്റി വൈ​റ്റ് ഫീ​ൽ​ഡ് ഫ്ലാ​റ്റി​ൽ​നി​ന്നു പ്ര​വാ​സി വ്യ​വ​സാ​യി​യാ​യ ക​ണ്ണ​മം​ഗ​ലം ശ്രീ​കൃ​ഷ്ണ വി​ലാ​സ​ത്തി​ൽ ബി​ജു ബാ​ല​നെ 48 യാ​ണ് സം​ഘം ക​ട​ത്തി​ക്കൊ​ണ്ടു​വ​ന്ന് ഭീ​ഷ​ണി​പ്പെ​ടു​ത്തി ചെ​ക്ക് ത​ട്ടി​യെ​ടു​ത്ത​ത്.

പ്ര​തി​ക​ളി​ൽ പ​രി​ച​യ​ക്കാ​രാ​യ വ​ഹാ​ബ്, ഫ​ക്രു​ദീ​ൻ ത​ങ്ങ​ൾ എ​ന്നി​വ​ർ ബി​സി​ന​സ് കാ​ര്യ​ങ്ങ​ൾ സം​സാ​രി​ക്കാ​നെ​ന്ന വ്യാ​ജേ​ന അ​യ്യ​മ്പി​ള്ളി​യി​ലെ അ​ഥ​ർ​വം റി​സോ​ർ​ട്ടി​ലെ​ത്തി​ച്ചാ​ണ് പ​രാ​തി​ക്കാ​ര​നെ ദേ​ഹോ​പ​ദ്ര​വും ചെ​യ്തും ചെ​ക്ക് ത​ട്ടി​യെ​ടു​ത്ത​തും. കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ റി​മാ​ൻ​ഡ് ചെ​യ്തു.