കോ​ത​മം​ഗ​ലം: കീ​ര​ന്പാ​റ പ​ഞ്ചാ​യ​ത്തി​ൽ കാ​ട്ടാ​ന ശ​ല്യം. ചാ​രു​പ്പാ​റ, ചീ​ക്കോ​ട് പ്ര​ദേ​ശ​ങ്ങ​ളി​ലാ​ണ് ക​ഴി​ഞ്ഞ ദി​വ​സ​ങ്ങ​ളി​ൽ ആ​ന​യിറങ്ങി കൃഷി നശിപ്പിച്ചത്.

ചീ​ക്കോ​ട് പെ​രി​യാ​ർ വാ​ലി​യു​ടെ ഉ​ട​മ​സ്ഥ​ത​യി​ലു​ള്ള സ്ഥ​ല​ത്താ​ണ് ആനയെ ആ​ദ്യം ക​ണ്ട​ത്. ചാ​രു​പാ​റ​യി​ൽ കൃ​ഷി​യി​ട​വും കു​ല​ച്ച ഏ​ത്ത വാ​ഴ​ക​ളും ആ​ന ന​ശി​പ്പി​ച്ചു. കാട്ടാനയിറങ്ങിയ പ്ര​ദേ​ശ​ങ്ങ​ൾ ആ​ന്‍റ​ണി ജോ​ണ്‍ എം​എ​ൽ​എ സ​ന്ദ​ർ​ശി​ച്ചു.

ര​ണ്ട് പി​ടി​യാ​ന​യും കു​ട്ടി​യാ​ന​യും പ്ര​ദേ​ശ​ത്ത് ത​ന്പ​ടി​ച്ചി​രി​ക്കു​ന്ന​തി​നാ​ൽ വ​നം വ​കു​പ്പ് നി​രീ​ക്ഷ​ണം ശ​ക്ത​മാ​ക്കിയിട്ടുണ്ട്. കൂ​ടു​ത​ൽ ഉ​ദ്യോ​ഗ​സ്ഥ​രെ നി​യോ​ഗി​ച്ച് 24 മ​ണി​ക്കൂ​റും നി​രീ​ക്ഷ​ണം ശ​ക്ത​മാ​ക്കാ​നും കാ​ടു​പി​ടി​ച്ച് കി​ട​ക്കു​ന്ന ചീ​ക്കോ​ട് പെ​രി​യാ​ർ​വാ​ലി​യു​ടെ സ്ഥ​ല​ത്തെ കാ​ടും പാ​ഴ്മ​ര​ങ്ങ​ളും അ​ടി​യ​ന്തി​ര​മാ​യി വെ​ട്ടി തെ​ളി​ക്കാ​നും അവലോകന യോഗത്തിൽ തീ​രു​മാ​നി​ച്ചു.

നാ​ശ​ത്തി​ന് ന​ഷ്ട​പ​രി​ഹാ​രം ന​ൽ​കാ​നു​ള്ള ന​ട​പ​ടി​ക​ൾ വേ​ഗ​ത്തി​ലാ​ക്കാ​നും ശ്വാ​ശ്വ​ത പ​രി​ഹാ​ര​ത്തി​നാ​യി പെ​രി​യാ​റി​ന്‍റെ ക​ര​ക​ളി​ൽ സോ​ളാ​ർ ഫെ​ൻ​സിം​ഗ് സ്ഥാ​പി​ക്കു​ന്ന​തി​നു​ള്ള എ​സ്റ്റി​മേ​റ്റ് അ​ടി​യ​ന്ത​ര​മാ​യി ത​യാ​റാ​ക്കി അം​ഗീ​കാ​ര​ത്തി​ന് സ​മ​ർ​പ്പി​ക്കാ​നും തീ​രു​മാ​നി​ച്ചു.

കീ​ര​ന്പാ​റ പ​ഞ്ചാ​യ​ത്ത് പ്ര​സി​ഡ​ന്‍റ് മാ​മ​ച്ച​ൻ ജോ​സ​ഫ്, കെ.​കെ. ദാ​നി, ബീ​ന റോ​ജോ, വി.​സി. ചാ​ക്കോ, സി​നി ബി​ജു, മ​ഞ്ജു സാ​ബു, ഷാ​ന്‍റി ജോ​സ്, കെ.​എ​സ്. ജ്യോ​തി​കു​മാ​ർ, റേ​യ്ഞ്ച് ഫോ​റ​സ്റ്റ് ഓ​ഫീ​സ​ർ, ജ​ല​വി​ഭ​വ വ​കു​പ്പ് ഉ​ദ്യോ​ഗ​സ്ഥ​ർ എ​ന്നി​വ​ർ എം​എ​ൽ​എ​യോ​ടൊ​പ്പം ഉ​ണ്ടാ​യി​രു​ന്നു.