ക​ള​മ​ശേ​രി: കൊ​ച്ചി സ​ർ​വ​ക​ലാ​ശാ​ല​യി​ലേ​ക്ക് കെ​എ​സ്‌​യു ന​ട​ത്തി​യ പ്ര​തി​ഷേ​ധ മാ​ർ​ച്ചി​നെ തു​ട​ർ​ന്ന് പോ​ലീ​സ് ന​ട​ത്തി​യ ലാ​ത്തി​ച്ചാ​ർ​ജി​ൽ അ​ഞ്ചു പേ​ർ​ക്ക് പ​രി​ക്ക്. സ​മ​ര​ക്കാ​രു​ടെ ക​ല്ലേ​റി​ൽ ക​ള​മ​ശേ​രി പോ​ലീ​സ് ഇ​ൻ​സ്പെ​ക്ട​ർ വി​ബി​ൻ​ദാ​സ് കു​ഴ​ഞ്ഞു​വീ​ണു. പ്ര​തി​ഷേ​ധ​ക്കാ​രാ​യ എ​ട്ടു​പേ​രെ ക​ള​മ​ശേ​രി പോ​ലീ​സ് അ​റ​സ്റ്റ് ചെ​യ്തു.

കു​സാ​റ്റ് മു​ൻ എ​സ്എ​ഫ്ഐ നേ​താ​വ് പി.​കെ.​ബേ​ബി​യു​ടെ നി​യ​മ​ന​ത്തെ​ക്കു​റി​ച്ചും നി​യ​മ​ന​ത്തി​ന് പു​റ​കി​ലു​ള്ള​വ​രെ​ക്കു​റി​ച്ചും അ​ന്വേ​ഷി​ക്ക​ണ​മെ​ന്ന് ആ​വ​ശ്യ​പ്പെ​ട്ട് കു​സാ​റ്റ് അ​മി​നി​റ്റി ഹാ​ളി​ന് സ​മീ​പ​ത്തു​നി​ന്ന് കു​സാ​റ്റ് അ​ഡ്മി​നി​സ്ട്രേ​റ്റീ​വ് ഓ​ഫീ​സി​ലേ​ക്ക് ആ​യി​രു​ന്നു കെ​എ​സ്‌​യു ജി​ല്ലാ ക​മ്മി​റ്റി​യു​ടെ മാ​ർ​ച്ച്.

മാ​ർ​ച്ച് അ​ഡ്മി​നി​സ്ട്രേ​ഷ​ൻ മ​ന്ദി​ര​ത്തി​ന്‍റെ പ്ര​ധാ​ന ഗേ​റ്റി​ന് സ​മീ​പം പോ​ലീ​സ് ബാ​രി​ക്കേ​ഡ് വ​ച്ച് ത​ട​ഞ്ഞു. അ​സി​സ്റ്റ​ന്‍റ് പോ​ലീ​സ് ക​മ്മീ​ഷ​ണ​ർ പി.​വി.​ബേ​ബി​യു​ടെ​യും ക​ള​മ​ശേ​രി പോ​ലീ​സ് ഇ​ൻ​സ്പെ​ക്ട​ർ വി​ബി​ൻ​ദാ​സി​ന്‍റെ​യും നേ​തൃ​ത്വ​ത്തി​ൽ വ​ൻ പോ​ലീ​സ് സ​ന്നാ​ഹം സ്ഥ​ല​ത്തു​ണ്ടാ​യി​രു​ന്നു.

സ​മ​ര​ക്കാ​ർ ബാ​രി​ക്കേ​ഡ് മ​റി​ച്ചി​ടാ​ൻ ശ്ര​മി​ച്ച​തോ​ടെ പോ​ലീ​സ് ജ​ല​പീ​ര​ങ്കി പ്ര​യോ​ഗി​ച്ചു. സ​മ​ര​ക്കാ​ർ കൂ​ട്ടം​കൂ​ടി നി​ന്ന് ജ​ല​പീ​ര​ങ്കി​യെ പ്ര​തി​രോ​ധി​ച്ചു. കു​റ​ച്ചു​സ​മ​യ​ത്തി​നു​ശേ​ഷം ജ​ല​പീ​ര​ങ്കി നി​ർ​ത്തി. ഈ ​സ​മ​യം പ്ര​തി​ഷേ​ധ​ക്കാ​ർ കൊ​ടി​യും കൊ​ടി കെ​ട്ടി​യി​രു​ന്ന വ​ടി​യും പോ​ലീ​സി​നു നേ​രെ എ​റി​ഞ്ഞു. ഇ​തെ​ടു​ത്ത് പോ​ലീ​സു​കാ​ർ തി​രി​ച്ചും എ​റി​ഞ്ഞു. ഇ​തി​നി​ടെ സ​മ​ര​ക്കാ​രു​ടെ ക​ല്ലേ​റ് ഏ​റ്റ് ഇ​ൻ​സ്പെ​ക്ട​ർ വി​ബി​ൻ​ദാ​സ് കു​ഴ​ഞ്ഞു​വീ​ണു. നെ​ഞ്ചി​ലും ഇ​ട​തു കൈ​ത്ത​ണ്ട​യി​ലും പ​രി​ക്കേ​റ്റ അ​ദ്ദേ​ഹം ആ​ശു​പ​ത്രി​യി​ൽ ചി​കി​ത്സ തേ​ടി.

ഇ​ൻ​സ്പെ​ക്ട​ർ​ക്ക് ക​ല്ലേ​റു കൊ​ണ്ട​തോ​ടെ പോ​ലീ​സ് ലാ​ത്തി​ച്ചാ​ർ​ജ് ന​ട​ത്തി. സ​മ​ര​ക്കാ​രെ പോ​ലീ​സ് ഓ​ടി​ച്ചി​ട്ട​ടി​ച്ചു. സ​മ​ര​ക്കാ​രി​ൽ നി​ന്ന് ഒ​റ്റ​പ്പെ​ട്ട ക​ള​മ​ശേ​രി മ​ണ്ഡ​ലം കോ​ൺ​ഗ്ര​സ് ക​മ്മി​റ്റി പ്ര​സി​ഡ​ന്‍റ് പി.​എം.​ന​ജീ​ബി​നെ പോ​ലീ​സ് വ​ള​ഞ്ഞി​ട്ട് അ​ടി​ച്ചു. അ​സി​സ്റ്റ​ന്‍റ് പോ​ലീ​സ് ക​മ്മീ​ഷ​ണ​ർ അ​ടി​ക്ക​രു​ത് എ​ന്ന് പ​റ​ഞ്ഞ​തോ​ടെ​യാ​ണ് പോ​ലീ​സ് അ​ടി നി​ർ​ത്തി​യ​ത്. പു​റ​ത്തും കാ​ലി​നും പ​രി​ക്കേ​റ്റ ന​ജീ​ബ് സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ തേ​ടി.

ക​ല്ലെ​റി​ഞ്ഞ​വ​രെ പി​ടി​കൂ​ടാ​നു​ള്ള ശ്ര​മ​ത്തി​നി​ടെ പോ​ലീ​സ് യൂ​ണി​വേ​ഴ്സി​റ്റി ലൈ​ബ്ര​റി പ​രി​സ​ര​ത്തു ള്ള​വ​രെ​യും വി​ര​ട്ടി ഓ​ടി​ച്ചു. പോ​ലീ​സ് ലാ​ത്തി​ച്ചാ​ർ​ജി​ൽ പ​രി​ക്കേ​റ്റ മി​വ ജോ​ളി, ആ​ഷി​ക്, റ​ഹ്മ​ത്തു​ള്ള, മു​ബാ​സ് എ​ന്നി​വ​രെ പോ​ലീ​സ് മെ​ഡി​ക്ക​ൽ കോ​ള​ജി​ൽ പ​രി​ശോ​ധ​ന​യ്ക്ക് വി​ധേ​യ​മാ​ക്കി. ആ​സി​ൽ ജ​ബ്ബാ​ർ, അ​മ​ർ മി​ഷാ​ർ പ​ല്ല​ച്ചി, റ​സാ​ഖ്, സ​ഫ്യാ​ൻ, മി​വ ജോ​ളി, റ​ഹ്മ​ത്തു​ള്ള, ആ​ഷി​ക്, മു​ബാ​സ് എ​ന്നി​വ​രെ​യാ​ണ് പോ​ലീ​സ് അ​റ​സ്റ്റ്ചെ​യ്ത​ത്.