കൊ​ച്ചി: കേ​ര​ള​ത്തി​ലു​ട​നീ​ളം ഓ​ണ്‍​ലൈ​ന്‍ ജോ​ലി വാ​ഗ്ദാ​നം ചെ​യ്തും വി​വി​ധ കോ​ള​ജു​ക​ളി​ല്‍ വ്യാ​ജ കാ​മ്പ​സ് റി​ക്രൂ​ട്ട്‌​മെ​ന്‍റും ന​ട​ത്തി ഡി​ജി​റ്റ​ല്‍ സി​ഗ്‌​നേ​ച്ച​ര്‍ ഉ​ണ്ടാ​ക്കു​ന്ന​തി​നും യു​ണീ​ക്ക് ഐ​ഡി ക്രി​യേ​റ്റ് ചെ​യ്യു​ന്ന​തി​നെ​ന്നും പ​റ​ഞ്ഞ് പ​ണം വാ​ങ്ങി​യശേ​ഷം ഒ​ളി​വി​ല്‍ പോ​യയാളെ സൈ​ബ​ര്‍ പോ​ലീ​സ് അ​റ​സ്റ്റ് ചെ​യ്തു. തി​രു​വ​ന​ന്ത​പു​രം സ്വ​ദേ​ശി പി. ​ഷ​ങ്ക​ര്‍ (38)ആ​ണ് പി​ടി​യി​ലാ​യ​ത്.
തൃ​പ്പൂ​ണി​ത്തു​റ സ്വ​ദേ​ശി​യാ​യ യു​വാ​വിന്‍റെ പ​രാ​തി​യി​ലാ​ണ് കൊ​ച്ചി സൈ​ബ​ര്‍ പോ​ലീ​സ് കേ​സ് ര​ജി​സ്റ്റ​ര്‍ ചെ​യ്ത​ത്. ഓ​ണ്‍​ലൈ​ന്‍ ജോ​ലി ന​ല്‍​കാ​മെ​ന്ന് പ​റ​ഞ്ഞ് വാ​ട്ട്‌​സാ​പ്പ് മു​ഖാ​ന്തി​രം ബ​ന്ധ​പ്പെ​ട്ട പ്ര​തി, പ​രാ​തി​ക്കാ​ര​നെ എടിപി ​അ​സോ​സി​യേ​റ്റ്‌​സ് എ​ന്ന ക​മ്പ​നി​യി​ലേ​ക്ക് ജോ​ലി​ക്കെ​ടു​ത്തു​വെ​ന്നും മാ​സം 18000 രൂ​പ ശ​മ്പ​ളം ന​ല്‍​കു​മെ​ന്നും പ​റ​ഞ്ഞ് വി​ശ്വ​സി​പ്പി​ച്ച് ഒ​രു​മാ​സം ജോ​ലി ചെ​യ്യി​പ്പി​ച്ചു. ഇ​തി​ന് ശേ​ഷം പ​രാ​തി​ക്കാ​ര​ന് ശ​മ്പ​ളം ന​ല്‍​കാ​തി​രി​ക്കു​ക​യും ഡി​ജി​റ്റ​ല്‍ സി​ഗ്‌​നേ​ച്ച​ര്‍ നി​ര്‍​മി​ക്കു​ന്ന​തി​നെ​ന്ന് പ​റ​ഞ്ഞ് 750 രൂ​പ​യും വാ​ങ്ങി​യ ശേ​ഷം ഫോ​ണു​ക​ള്‍ ഓ​ഫ് ചെ​യ്ത് മു​ങ്ങി.
സൈ​ബ​ര്‍ സ്‌​റ്റേ​ഷ​നി​ല്‍ ത​ന്നെ സ​മാ​ന​മാ​യ മൂ​ന്ന് പ​രാ​തി​ക​ള്‍ ല​ഭി​ക്കു​ക​യും സ​മാ​ന​മാ​യ സം​ഭ​വ​ങ്ങ​ളെ​ക്കു​റി​ച്ച് കൂ​ടു​ത​ല്‍ അ​ന്വേ​ഷ​ണം ന​ട​ത്തി​യ​പ്പോ​ഴാ​ണ് പ്ര​തി ന​ട​ത്തി​വ​രു​ന്ന വ​ലി​യ ത​ട്ടി​പ്പി​ന്‍റെ ചു​രു​ള​ഴി​ഞ്ഞ​ത്.​സി​റ്റി പോലീസ് ക​മ്മീ​ഷ​ണ​റു​ടെ നി​ര്‍​ദേ​ശാ​നു​സ​ര​ണം കൊ​ച്ചി സൈ​ബ​ര്‍ പോ​ലീ​സ് ഈ​ മാ​സം മൂ​ന്നി​ന് കേ​സ് ര​ജി​സ്റ്റ​ര്‍ ചെ​യ്യു​ക​യും ഡെ​പ്യൂ​ട്ടി പോ​ലീ​സ് ക​മ്മീ​ഷ​ണ​ര്‍ എ​സ്.​ശ​ശി​ധ​ര​ന്‍റെ നേ​തൃ​ത്വ​ത്തി​ല്‍ ന​ട​ത്തി​യ ഊ​ര്‍​ജി​ത അ​ന്വേ​ഷ​ണ​ത്തി​നൊ​ടു​വി​ല്‍ പ്ര​തി​യെ അ​റ​സ്റ്റ് ചെ​യ്യു​ക​യു​മാ​യി​രു​ന്നു. പ്ര​തി​യു​ടെ പ​ക്ക​ല്‍ നി​ന്ന് ഇ​യാ​ളു​ടെ​യും ഭാ​ര്യ​യു​ടെ​യും പേ​രി​ല്‍ എ​ടു​ത്ത വി​വി​ധ ബാ​ങ്കു​ക​ളു​ടെ നി​ര​വ​ധി അ​ക്കൗ​ണ്ടു​ക​ളും ജോ​ലി​ക്കാ​യി അ​പേ​ക്ഷി​ച്ച വി​ദ്യാ​ര്‍​ഥി​ക​ളു​ടെ രേ​ഖ​ക​ളും നി​ര​വ​ധി ഡെ​ബി​റ്റ് ക്രെ​ഡി​റ്റ് കാ​ര്‍​ഡു​ക​ളും കൃ​ത്യം ചെ​യ്യു​ന്ന​തി​നു​പ​യോ​ഗി​ച്ച മൊ​ബൈ​ല്‍ ഫോ​ണു​ക​ളും ലാ​പ്പ് ടോ​പ്പു​ക​ളും പി​ടി​ച്ചെ​ടു​ത്തു.
സ​മാ​ന​മാ​യ കു​റ്റ​കൃ​ത്യ​ത്തി​ന് പ്ര​തി​ക്കെ​തി​രെ 2018ല്‍ ​എ​റ​ണാ​കു​ളം സെ​ന്‍​ട്ര​ല്‍, കോ​ഴി​ക്കോ​ട് ന​ട​ക്കാ​വ് പോ​ലീ​സ് സ്‌​റ്റേ​ഷ​നു​ക​ളി​ല്‍ ര​ജി​സ്റ്റ​ര്‍ ചെ​യ്ത കേ​സു​ക​ളു​ടെ വി​ചാ​ര​ണ ന​ട​ന്നുവ​രി​ക​യാ​ണ്. ത​ട്ടി​പ്പു​ക​ള്‍ ന​ട​ത്തി​യശേ​ഷം ത​മി​ഴ്‌​നാ​ട്ടി​ലും കേ​ര​ള​ത്തി​ലെ വി​വി​ധ സ്ഥ​ല​ങ്ങ​ളി​ലു​മാ​യി വാ​ട​ക​യ്ക്ക് താ​മ​സി​ച്ചു വ​രിക​യാ​യി​രു​ന്നു പ്ര​തി. സൈ​ബ​ര്‍ സ്‌​റ്റേ​ഷ​ന്‍ ഇ​ന്‍​സ്‌​പെ​ക്ട​ര്‍ കെ.​ജെ.​തോ​മ​സി​ന്‍റെ നേ​തൃ​ത്വ​ത്തി​ലു​ള്ള സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്.