അ​തി​ഥി​ത്തൊ​ഴി​ലാ​ളി​ക​ളി​ൽ മ​ലേ​റി​യ സ്ഥിരീകരിച്ചു
Wednesday, June 7, 2023 1:15 AM IST
ആ​ലു​വ: ആ​ലു​വ മേ​ഖ​ല​യി​ൽ അ​തി​ഥി​ത്തൊ​ഴി​ലാ​ളി​ക​ൾ​ക്കി​ട​യി​ൽ ത​ല​ച്ചോ​റി​നെ ബാ​ധി​ക്കു​ന്ന മ​ലേ​റി​യ രോ​ഗം ക​ണ്ടെ​ത്തി​യ​താ​യി ആ​രോ​ഗ്യ വ​കു​പ്പ് റി​പ്പോ​ർ​ട്ട്. മൂ​ന്നു ദി​വ​സം മു​മ്പ് ഒ​ഡീ​ഷ​യി​ൽ​നി​ന്ന് ആ​ലു​വ​യി​ൽ ജോ​ലി​ക്കെ​ത്തി​യ ദ​മ്പ​തി​ക​ളി​ലാ​ണ് ആ​ദ്യം രോ​ഗം സ്ഥി​രീ​ക​രി​ച്ച​ത്. ഹോ​ട്ട​ലി​ൽ ജോ​ലി ചെ​യ്യു​ന്ന 24 കാ​ര​നാ​യ അ​തി​ഥി തൊ​ഴി​ലാ​ളി​ക്ക് ത​ല​ച്ചോ​റി​നെ ബാ​ധി​ക്കു​ന്ന മ​ലേ​റി​യ റി​പ്പോ​ർ​ട്ട് ചെ​യ്തി​രു​ന്നു. തു​ട​ർ​ന്നു ന​ട​ത്തി​യ പ​രി​ശോ​ധ​ന​യി​ലാ​ണ് ഇ​യാ​ളു​ടെ ഭാ​ര്യ​യ്ക്കും മ​ലേ​റി​യ ക​ണ്ടെ​ത്തി​യ​ത്.

ക​ഴി​ഞ്ഞ ദി​വ​സം ഹോ​ട്ട​ൽ ജീ​വ​ന​ക്കാ​ർ​ക്കു വേ​ണ്ടി മ​ലേ​റി​യ ര​ക്ത പ​രി​ശോ​ധ​ന ക്യാ​മ്പ് സം​ഘ​ടി​പ്പി​ച്ചു. മ​റ്റാ​ർ​ക്കും മ​ലേ​റി​യ സ്ഥി​രീ​ക​രി​ച്ചി​ട്ടി​ല്ല. ജോ​ലി വി​ട്ട് പോ​യ​വ​രി​ൽ പ​രി​ശോ​ധ​ന ന​ട​ത്താ​നാ​യി​ട്ടി​ല്ല.

മു​ൻ​ക​രു​ത​ൽ എ​ന്ന നി​ല​യി​ൽ തൊ​ഴി​ലാ​ളി താ​മ​സി​ച്ച മു​റി​ക​ളി​ലെ ഭി​ത്തി​ക​ളി​ൽ മ​ലേ​റി​യ​ക്കെ​തി​രെ പ്ര​ത്യേ​ക സ്പ്രേ​യിം​ഗ് ന​ട​ത്തി. എ​റ​ണാ​കു​ളം വെ​ക്ട​ർ ക​ൺ​ട്രോ​ൾ യൂ​ണി​റ്റ് ആ​ണ് സ്പ്രേ​യിം​ഗ് ന​ട​ത്തി​യ​ത്. ഇ​തി​നോ​ട​നു​ബ​ന്ധി​ച്ച് മ​ഴ​ക്കാ​ല രോ​ഗ​ങ്ങ​ൾ​ക്കെ​തി​രേ ബോ​ധ​വ​ത്ക​ര​ണ പ്ര​തി​രോ​ധ ന​ട​പ​ടി​ക​ളു​മാ​യി ആ​രോ​ഗ്യ ജാ​ഗ്ര​താ അ​വ​ലോ​ക​ന യോ​ഗം ചേ​ർ​ന്നു.

ആ​ലു​വ ന​ഗ​ര​സ​ഭാ ചെ​യ​ർ​മാ​ൻ എം.​ഒ. ജോ​ൺ യോ​ഗം ഉ​ദ്ഘാ​ട​നം ചെ​യ്തു. സ്ഥി​രം സ​മി​തി​യ​ധ്യ​ക്ഷ​ൻ, കൗ​ൺ​സി​ല​ർ​മാ​ർ, ഡോ​ക്ട​ർ​മാ​ർ തു​ട​ങ്ങി​യ​വ​ർ പ​ങ്കെ​ടു​ത്തു. ആ​ർ​എം​ഒ ഡോ. ​സൂ​ര്യ ഡെ​ങ്കി​പ്പ​നി ബോ​ധ​വ​ത്ക​ര​ണ ക്ലാ​സ് ന​യി​ച്ചു. ജൂ​ണി​യ​ർ ഹെ​ൽ​ത്ത് ഇ​ൻ​സ്പെ​ക്ട​ർ എം.​ഐ. സി​റാ​ജ് സ്വാ​ഗ​ത​വും ഡീ​ന ഷി​ബു ന​ന്ദി​യും പ​റ​ഞ്ഞു. ന​ഗ​ര​സ​ഭ ആ​രോ​ഗ്യ​സ്ഥി​രം സ​മി​തി​യ​ധ്യ​ക്ഷ​ൻ എം.​പി. സൈ​മ​ൺ അ​ധ്യ​ക്ഷ​നാ​യി.

മു​ഴു​വ​ൻ സ്കൂ​ളു​ക​ളി​ലേ​യും കി​ണ​ർ ജ​ലം രാ​സ​പ​രി​ശോ​ധ​ന​യ്ക്കു വി​ധേ​യ​മാ​ക്കാ​ൻ പ്ര​ധാ​നാ​ധ്യാ​പ​ക​ർ​ക്ക് നി​ർ​ദേ​ശം ന​ൽ​കി. എ​ല്ലാ വെ​ള്ളി​യാ​ഴ്ച​ക​ളി​ൽ സ്കൂ​ളു​ക​ളി​ലും, ശ​നി​യാ​ഴ്ച​ക​ളി​ൽ സ​ർ​ക്കാ​ർ ഓ​ഫീ​സു​ക​ളി​ലും ഞാ​യ​റാ​ഴ്ച​ക​ളി​ൽ വീ​ടു​ക​ളി​ലും കൊ​തു​ക് ഉ​റ​വി​ട ന​ശീ​ക​ര​ണ​ത്തി​നാ​യി ഡ്രൈ ​ഡേ ആ​ച​രി​ക്ക​ണ​മെ​ന്നും ആ​രോ​ഗ്യ വ​കു​പ്പ് നി​ർ​ദേ​ശം ന​ൽ​കി​യി​ട്ടു​ണ്ട്.

Copyright @ 2022 , Rashtra Deepika Ltd.