ആ​ലു​വ: ആ​ലു​വ മൃ​ഗാ​ശു​പ​ത്രി​യും പ​രി​സ​ര​വും കാ​ട് വ​ള​ർ​ന്ന് ഉ​ഗ്ര​വി​ഷ​മു​ള്ള ഇ​ഴ​ജ​ന്തു​ക്ക​ള്‍ താ​വ​ള​മാ​ക്കി​യ​തോ​ടെ ജീ​വ​ന​ക്കാ​രും പ്ര​ദേ​ശ​വാ​സി​ക​ളും ആ​ശ​ങ്ക​യി​ൽ. ക​ഴി​ഞ്ഞ ദി​വ​സം സി​നി​മാ സം​വി​ധാ​യ​ക​ൻ അ​ൽ​ഫോ​ൻ​സ് പു​ത്ര​ന്‍റെ വീ​ടി​ന്‍റെ പ​രി​സ​ര​ത്തു​നി​ന്ന് 16 ഓ​ളം പാ​മ്പി​ൻ കു​ഞ്ഞു​ങ്ങ​ളെ ക​ണ്ടെ​ത്തി​യ​തോ​ടെ​യാ​ണ് കൂ​ടു​ത​ൽ ഭീ​തി​യി​ലാ​യ​ത്.

പ​വ​ർ​ഹൗ​സ് ജം​ഗ്ഷ​നി​ൽ നി​ന്ന് 50 മീ​റ്റ​ർ മാ​റി​യാ​ണ് മൃ​ഗാ​ശു​പ​ത്രി. ജി​ല്ലാ വെ​റ്റി​ന​റി സ്റ്റോ​ർ, സം​യോ​ജി​ത ക​ന്നു​കാ​ലി വി​ക​സ​ന പ​ദ്ധ​തി ഓ​ഫീ​സ്, മൃ​ഗ​സം​ര​ക്ഷ​ണ പ​രി​ശീ​ല​ന കേ​ന്ദ്രം, പ്രാ​ദേ​ശി​ക കൃ​ത്രി​മ ബീ​ജ​സ​ങ്ക​ല​ന കേ​ന്ദ്രം എ​ന്നി​വ​യും ഇ​വി​ടെ പ്ര​വ​ർ​ത്തി​ക്കു​ന്നു​ണ്ട്. മൃ​ഗാ​ശു​പ​ത്രി സ്ഥി​തി ചെ​യ്യു​ന്ന നാ​ല​ര ഏ​ക്ക​ര്‍ സ്ഥ​ല​ത്തെ ഏ​റി​യ ഭാ​ഗ​വും കാ​ടു​മൂ​ടി​യി​രി​ക്കി​ട​ക്കു​ക​യാ​ണ്. 2015 മു​ത​ലാ​ണ് ആ​ശു​പ​ത്രി അ​വ​ഗ​ണി​ക്ക​പ്പെ​ട്ട നി​ല​യി​ലാ​യ​ത്. ആ​ശു​പ​ത്രി​യി​ലെ മ​രു​ന്നു​ക​ൾ സൂ​ക്ഷി​ക്കു​ന്ന മേ​ഖ​ല​യി​ൽ ഇ​ട​യ്ക്കി​ക്ക് അ​ണ​ലി​ക​ളെ ക​ണ്ടെ​ത്തു​ന്ന​തും വാ​ർ​ത്ത​യാ​കാ​റു​ണ്ട്.

മൃ​ഗാ​ശു​പ​ത്രി​യോ​ട് ചേ​ർ​ന്നു​ള്ള ജി​ല്ലാ വെ​റ്റ​റി​ന​റി സ്റ്റോ​റി​നു​ള്ളി​ലും വി​ഷ​പ്പാ​മ്പു​ക​ളെ ക​ണ്ടെ​ത്തി​യി​ട്ടു​ണ്ട്. തൃ​ശൂ​രി​ല്‍​നി​ന്ന് എ​ത്തി​ക്കു​ന്ന മ​രു​ന്നു​ക​ള്‍ ഇ​വി​ടെ സം​ഭ​രി​ച്ചു​വ​ച്ച ശേ​ഷ​മാ​ണ് ഉ​പ കേ​ന്ദ്ര​ങ്ങ​ളി​ലേ​ക്ക് വി​ത​ര​ണം ചെ​യ്യു​ന്ന​ത്. ആ​ശു​പ​ത്രി​യോ​ട​നു​ബ​ന്ധി​ച്ചു​ള്ള ക്വാ​ര്‍​ട്ടേ​ഴ്സു​ക​ളും പാ​മ്പു ഭീ​ഷ​ണി​യി​ലാ​ണ്. കാ​ട് വെ​ട്ടി​ത്തെ​ളി​ച്ച് ഇ​ഴ​ജ​ന്തു​ക്ക​ളു​ടെ ശ​ല്യ​മി​ല്ലാ​തെ ജോ​ലി​ചെ​യ്യാ​ന്‍ സൗ​ക​ര്യം ഒ​രു​ക്ക​ണ​മെ​ന്നാ​ണ് ജീ​വ​ന​ക്കാ​രു​ടെ ആ​വ​ശ്യം.