നെടുങ്കണ്ടം: താന്നിമൂട് അമ്മന്ചേരിപ്പടിയില് 15 തൊഴിലുറപ്പ് തൊഴിലാളികള്ക്ക് പെരുന്തേനീച്ചയുടെ കുത്തേറ്റു. ഇന്നലെ ഉച്ചയ്ക്ക് ഒന്നോടെയാണ് സംഭവം.
പാമ്പാടുംപാറ ഗ്രാമപഞ്ചായത്ത് രണ്ടാം വാര്ഡിലെ അമ്മഞ്ചേരിപ്പടിയില് മുരളീധരന് നായരുടെ കൃഷിയിടത്തില് ജോലി ചെയ്യുകയായിരുന്ന തൊഴിലാളികള്ക്കാണ് തേനീച്ചയുടെ കുത്തേറ്റത്. ഇവരെ നെടുങ്കണ്ടം താലൂക്ക് ആശുപത്രിയില് പ്രവേശിപ്പിച്ചു. കാട് വെട്ടുന്നതിനിടെ മരത്തിനു മുകളില് ഉണ്ടായിരുന്ന തേനീച്ചക്കൂട് പക്ഷികള് കൊത്തി താഴെയിടുകയായിരുന്നു. കുത്തേറ്റ ഒരാളുടെ നില ഗുരുതരമാണ്.