അടിമാലി: അടിമാലി സെന്‍റ് ജോസഫ് ഇന്‍സ്റ്റിറ്റ്യൂട്ട് ഓഫ് മെഡിക്കല്‍ എഡ്യൂക്കേഷനിലെ വിദ്യാര്‍ഥികള്‍ ഫുഡ് ഫെസ്റ്റ് സംഘടിപ്പിച്ചു. നാടന്‍ വിഭവങ്ങളായ കപ്പ, കാച്ചില്‍, ചേമ്പ്, മധുരക്കിഴങ്ങ്, കഞ്ഞി, മോര്, മാങ്ങാച്ചമ്മന്തി തുടങ്ങി 10 തരം നാടന്‍ അച്ചാറുകളും പാലടയും സേമിയപ്പായസവുമെല്ലാം ഭക്ഷ്യമേളയിൽ ഒരുക്കിയിരുന്നു.
ഭക്ഷ്യമേളയിൽ ആയിരത്തോളം ആളുകള്‍ക്ക് സൗജന്യമായി ഭക്ഷണം വിതരണം ചെയ്തു. 180 ഓളം വിദ്യാര്‍ഥികളുടെയും അധ്യാപകരുടെയും മാനേജ്മെന്‍റിന്‍റെയും നേതൃത്വത്തിലായിരുന്നു ഭക്ഷ്യ മേള. ചെയര്‍മാന്‍ ആല്‍വിന്‍ കെ. ജോസഫ്, പ്രിന്‍സിപ്പൽ സബിത മനു, ഡയറക്ടര്‍ എം.സി. സ്വപ്‌ന,സ്റ്റുഡന്‍റ് കോ-ഒാർഡിനേറ്റര്‍ അനുമോദ് എന്നിവര്‍ നേതൃത്വം നല്‍കി.