തൊടുപുഴ: റെഡ് ക്രോസ് സ്ഥാപകനായ ജീൻ ഹെൻട്രി ഡുനാന്റ് അനുസ്മരണവും ജില്ലാതല ക്വിസ്, പ്രസംഗ മത്സരവും ജൂണിയർ റെഡ്ക്രോസ് ജില്ലാ ജോയിന്റ് കോ-ഓർഡിനേറ്ററായ പി.എൻ. സന്തോഷിന് യാത്രയയപ്പും നടത്തി.
ജില്ലാ വിദ്യാഭ്യാസ ഉപഡയറക്ടർ എസ്. ഷാജി ഉദ്ഘാടനം ചെയ്തു. റെഡ് ക്രോസ് ജില്ലാ വൈസ് ചെയർമാൻ പി.എസ്. സെബാസ്റ്റ്യൻ അധ്യക്ഷത വഹിച്ചു. കോ- ഓർഡിനേറ്റർ ജോർജ് ജേക്കബ് അനുസ്മരണം നടത്തി. ജില്ലാ റെഡ് ക്രോസ് സമിതി അംഗം പി.എസ് ഭോഗീന്ദ്രൻ, ഹെഡ്മിസ്ട്രസ് കെ.എസ്. ജയന്തി എന്നിവർ പ്രസംഗിച്ചു.