വണ്ടിപ്പെരിയാർ: ഓട്ടോറിക്ഷ നിയന്ത്രണംവിട്ട് റോഡിൽ തലകീഴായി മറിഞ്ഞു. ശനിയാഴ്ച രാവിലെ 11 ഒാടെയാണ് അപകടം ഉണ്ടായത്. വണ്ടിപ്പെരിയാറിൽനിന്നു 62-ാം മൈലിലേക്ക് വരികയായിരുന്ന ഓട്ടോറിക്ഷ പ്രിയദർശിനി നഗർ വളവിൽ നിയന്ത്രണംവിട്ട് മറിയുകയായിരുന്നു.
പിന്നാലെ ഉണ്ടായിരുന്ന വാഹനത്തിലെ യാത്രക്കാരെത്തി ഒാട്ടോ റിക്ഷ ഡ്രൈവർ 62 -ാം മൈൽ സ്വദേശി കണ്ടത്തിൽ ഷാജി (52)യെ വാഹനത്തിൽനിന്നു രക്ഷപ്പെടുത്തി. സംഭവത്തെത്തുടർന്ന് 15 മിനിറ്റോളം ദേശീയ പാതയിൽ ഗതാഗതം തടസപ്പെട്ടു.