തൊടുപുഴ: കിണറ്റിൽ വീണ പശുവിനെ ഫയർഫോഴ്സ് സംഘം രക്ഷപ്പെടുത്തി. മണക്കാട് ഇല്ലിച്ചുവട്ടിൽ ജയസേനന്റെ പശുവാണ് കിണറ്റിൽ വീണത്. 30 അടിയോളം താഴ്ചയുള്ള കിണറ്റിലാണ് പശു വീണത്. തൊടുപുഴയിൽനിന്നുള്ള ഫയർഫോഴ്സ് സംഘമെത്തി ജെസിബിയുടെ സഹായത്തോടെ പശുവിനെ കരയ്ക്കു കയറ്റി.
അസിസ്റ്റന്റ് സ്റ്റേഷൻ ഓഫീസർ കെ.എ. ജാഫർഖാൻ, ഫയർ ഓഫീസർമാരായ പി.ജി. സജീവ്, എൻ.എസ്. അജയകുമാർ, ഷൗക്കത്തലി ഫവാസ്, കെ.എസ്. അബ്ദുൽ നാസർ, എം.പി. ബെന്നി എന്നിവർ രക്ഷാ പ്രവർത്തനത്തിൽ പങ്കെടുത്തു.