അടിമാലി: കൊച്ചി - ധനുഷ്ക്കോടി ദേശീയപാതയില് അടിമാലിക്ക് സമീപം വാഹനാപകടം. കൂമ്പന്പാറ ഇടശേരി വളവിനു സമീപം കാര് നിയന്ത്രണം നഷ്ടപ്പെട്ട് പാതയോരത്തേക്ക് കയറി. ദേശീയപാത നവീകരണജോലികള് നടക്കുന്ന ഭാഗത്താണ് അപകടം സംഭവിച്ചത്.
മൂന്നാര് ഭാഗത്തുനിന്ന് അടിമാലി ഭാഗത്തേക്ക് വരികയായിരുന്ന വാഹനമാണ് അപകടത്തില്പ്പെട്ടത്. ആര്ക്കും പരിക്കുകള് ഇല്ല. അപകടമുണ്ടായ ഭാഗത്ത് ദേശീയപാതയുടെ വീതി വര്ധിപ്പിക്കുന്ന ജോലികളും മണ്തിട്ടയുടെ ഭാഗത്ത് സംരക്ഷണഭിത്തിയുടെ നിര്മാണവും നടന്നുവരുകയാണ്.