തൊടുപുഴ: മുതലക്കോടം ഹോളി ഫാമിലി ആശുപത്രി, നാകപ്പുഴ സെന്റ് മേരിസ് പള്ളി വിൻസന്റ് ഡി പോൾ യൂണിറ്റ്, പൈങ്കുളം കാത്തലിക് സിറിയൻ ബാങ്ക് എന്നിവയുടെ ആഭിമുഖ്യത്തിൽ നാകപ്പുഴ സെന്റ് മേരീസ് പബ്ലിക് സ്കൂളിൽ സൗജന്യ മെഡിക്കൽ ക്യാന്പ് സംഘടിപ്പിച്ചു.
വികാരി ഫാ. പോൾ നെടുംപുറത്ത്, ഹോളി ഫാമിലി ആശുപത്രി അഡ്മിനിസ്ട്രേറ്റർ സിസ്റ്റർ. മേഴ്സി കുര്യൻ എസ്എച്ച്, ബാങ്ക് മാനേജർ ലുസീന അലക്സ് എന്നിവർ പ്രസംഗിച്ചു. വിൻസന്റ് ഡി പോൾ സൊസൈറ്റി പ്രസിഡന്റ് ജെയ്സണ് മാത്യു പുത്തൻപുരക്കൽ, ജോസ് പാലക്കുഴി, ജയിംസ് അറയ്ക്കൽ, ജോബി മാറാട്ടിൽ എന്നിവർ ക്യാന്പിന് നേതൃത്വം നൽകി.