നെടുങ്കണ്ടം: ചെമ്മണ്ണാര് സെന്റ് സേവ്യേഴ്സ് ഹയര് സെക്കൻഡറി സ്കൂളില് പെണ്കുട്ടികള്ക്ക് സ്വയം പ്രതിരോധ പരിശീലനവും (ആര്ച്ച) പോലീസിന്റെ മൊബൈല് ആപ്ലിക്കേഷനായ പോല് ആപ്പ് പരിചയപ്പെടുത്തലും നടന്നു.
പോലീസ് വകുപ്പിന്റെ സഹകരണത്തോടെ നടന്ന പരിപാടിയില് ഇടുക്കി വനിതാസെല് എഎസ്ഐ ടി.ജി. ബിന്ദു, എസ്പിഒ കെ.എസ്. സോഫിയ, സിപിഒമാരായ ബിന്ദുമോള്, അഞ്ജു ഷാജി എന്നിവര് ക്ലാസെടുത്തു. രക്തദാനം മഹാദാനം എന്ന ആശയം മുന്നിര്ത്തി എന്എസ്എസ് വോളണ്ടിയേഴ്സിനായി ഡിസിആര്ബി എഎസ്ഐ വിജയകുമാര്, സിപിഒ വി.വി. വിജേഷ് എന്നിവര് പോല് ആപ്പ് പരിചയപ്പെടുത്തി. സ്കൂള് പ്രിന്സിപ്പൽ ജോയി കെ. ജോസ്, എന്എസ്എസ് പ്രോഗ്രാം കോ-ഓര്ഡിനേറ്റര് സൗമി ജോസ് എന്നിവര് നേതൃത്വം നല്കി.