തൊടുപുഴ: വാടകയിൽ 18 ശതമാനം ജിഎസ്ടി ഈടാക്കാനുള്ള തീരുമാനം ചെറുകിട വ്യാപാര മേഖലയിൽ ഏറെ ബുദ്ധിമുട്ടും പ്രത്യാഘാതങ്ങളും ഉണ്ടാക്കുമെന്നതിനാൽ വിഷയത്തിൽ ഇടപെടണമെന്നാവശ്യപ്പെട്ട് തൊടുപുഴ മർച്ചന്റ്സ് അസോസിയേഷന്റെ നേതൃത്വത്തിൽ കേന്ദ്രമന്ത്രി ജോർജ് കുര്യന് നിവേദനം നൽകി.
വിഷയം കേന്ദ്ര ധനമന്ത്രിയുടെ ശ്രദ്ധയിൽപ്പെടുത്തുമെന്നും ആവശ്യമായ പരിഹാരമുണ്ടാക്കുമെന്നും അദ്ദേഹം വ്യാപാരികൾക്ക് ഉറപ്പു നൽകി. പ്രസിഡന്റ് രാജു തരണിയിൽ, ഭാരവാഹികളായ ആർ. രമേശ്, സി.കെ. നവാസ്, ടി. എൻ. പ്രസന്നകുമാർ, സാലി. എസ്.മുഹമ്മദ്, അനിൽ പീടികപ്പറന്പിൽ, നാസർ സൈര എന്നിവരുടെ നേതൃത്വത്തിലാണ് നിവേദനം നൽകിയത്.