ചിന്നക്കനാൽ പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​ൽ ഗു​ണ്ടാ ആ​ക്ര​മ​ണം
Wednesday, October 16, 2024 6:20 AM IST
മൂ​ന്നാ​ർ: ചി​ന്ന​ക്ക​നാ​ൽ പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​ൽ ഗു​ണ്ടാസം​ഘ​ത്തി​ന്‍റെ ആ​ക്ര​മ​ണം. ക്ല​ർ​ക്കി​ന​ട​ക്കം മ​ർ​ദ​ന​മേ​റ്റു. ഇ​ന്ന​ലെ വൈ​കു​ന്നേ​രം നാ​ലോ​ടെ മ​ദ്യ​പി​ച്ചെ​ത്തി​യ നാ​ലം​ഗ സം​ഘം വ​നി​താജീ​വ​ന​ക്കാ​രെ അ​സ​ഭ്യം പ​റ​യു​ക​യും ത​ട​യാ​ൻ ശ്ര​മി​ച്ച ക്ല​ർ​ക്ക് ആ​ന​ന്ദി​നെ മ​ർ​ദി​ക്കു​ക​യും ചെ​യ്തു. ഡ്യൂ​ട്ടി ക​ഴി​ഞ്ഞ് ഡോ​ക്ട​ർ മ​ട​ങ്ങി​യ​താ​യി ന​ഴ്സ് അ​റി​യി​ച്ച​തോ​ടെ​യാ​ണ് പ്ര​കോ​പ​ന​മു​ണ്ടാ​യ​ത്.

ഡോ​ക്ട​ർ എ​ന്തു​കൊ​ണ്ട് 24 മ​ണി​ക്കൂ​റും ഡ്യൂ​ട്ടി ചെ​യ്യു​ന്നി​ല്ലെ​ന്ന് പ​റ​ഞ്ഞാ​യി​രു​ന്നു അ​സ​ഭ്യ​വും ഭീ​ഷ​ണി​യും. ഇ​വ​രെ അ​നു​ന​യി​പ്പി​ച്ച് പ​റ​ഞ്ഞ​യ​യ്ക്കാ​ൻ ശ്ര​മി​ച്ച ക്ല​ർ​ക്ക് ആ​ന​ന്ദ്, ഹെ​ൽ​ത്ത് ഇ​ൻ​സ്പെ​ക്ട​ർ മു​ഹ​മ്മ​ദ​ലി എ​ന്നി​വ​രെ സം​ഘം കൈ​യേ​റ്റം ചെ​യ്തു. ബ​ഹ​ളം കേ​ട്ട് നാ​ട്ടു​കാ​ർ എ​ത്തി​യ​പ്പോ​ഴേ​ക്കും സം​ഘം ജീ​പ്പി​ൽ ക​യ​റി സ്ഥ​ലം വി​ട്ടു. ശാ​ന്ത​ന്പാ​റ പോ​ലീ​സ് സ്ഥ​ല​ത്തെ​ത്തി.


ചി​ന്ന​ക്ക​നാ​ൽ പി​എ​ച്ച്സി​യി​ൽ ആ​ക്ര​മണം ന​ട​ത്തി​യ സം​ഘ​ത്തെ ഉ​ട​ൻ അ​റ​സ്റ്റ് ചെ​യ്യ​ണ​മെ​ന്ന് എ​ൻ​ജി​ഒ അ​സോ​സി​യേ​ഷ​ൻ ദേ​വി​കു​ളം ബ്രാ​ഞ്ച് പ്ര​സി​ഡ​ന്‍റ് എം.​ രാ​ജ​ൻ ആ​വ​ശ്യ​പ്പെ​ട്ടു.