തിരുവല്ല: പതിനേഴുകാരിയെ തട്ടിക്കൊണ്ടുപോയി ലൈംഗികമായി പീഡിപ്പിച്ച കേസില് യുവാവിനെ തിരുവല്ല പോലീസ് പിടികൂടി. ഇരവിപേരൂര് വള്ളംകുളം പുത്തന്പറമ്പില് അനീഷ് കുര്യാനാണ് (36) അറസ്റ്റിലായത്.
കഴിഞ്ഞ ഫെബ്രുവരിയിലാണ് കേസിനാസ്പദമായ സംഭവം. കുട്ടി പഠിക്കാന് പോയപ്പോള് മല്ലപ്പള്ളി ബസ് സ്റ്റാന്ഡില്നിന്നും സ്കൂട്ടറില് കയറ്റിക്കൊണ്ടു പോയി ഇയാളുടെ അമ്മയുടെ വെങ്കോട്ടയിലെ വീട്ടിലെത്തിച്ച് ബലാല്സംഗം ചെയ്യുകയായിരുന്നു. കുട്ടിയുടെ ആധാര് കാര്ഡ്, പാസ്പോര്ട്ട്, ജനന സര്ട്ടിഫിക്കറ്റിന്റെ പകര്പ്പ് തുടങ്ങിയ രേഖകള് കൈക്കലാക്കുകയും ചെയ്തു. തിരുവല്ല പോലീസിൽ ലഭിച്ച പരാതിയുടെ അടിസ്ഥാനത്തിലാണ് അന്വേഷണം നടന്നത്. രേഖകള് റാന്നി അങ്ങാടി പേട്ടയിലെ സ്വകാര്യവ്യക്തിയുടെ കടമുറിക്കുള്ളില്നിന്ന് കണ്ടെടുത്തു.