തിരുവല്ല: ഇരുവള്ളിപ്ര സെന്‍റ് തോമസ് ഹയർ സെക്കൻഡറി സ്കൂൾ പ്ലാറ്റിനം ജൂബിലി വിളംബര ജാഥയും ഉപജില്ലാ കലോത്സവ വിജയദിനവും ആഘോഷിച്ചു. അതിരൂപത മുഖ്യ വികാരി ജനറാൾ മോൺ. ഐസക് പറപ്പള്ളിൽ ഉദ്ഘാടനം ചെയ്തു.
അതിരൂപത കോർപറേറ്റ് മാനേജർ ഫാ. മാത്യു പുനക്കുളം അധ്യക്ഷത വഹിച്ചു. ഫാ. വർഗീസ് ചാമക്കാലായിൽ, പിടിഎ പ്രസിഡന്‍റ് സജി ഏബ്രഹാം, മുനിസിപ്പൽ കൗൺസിലർ ലെജു എം. സഖറിയ, ഹെഡ്മാസ്റ്റർ ഷാജി മാത്യു, പ്രിൻസിപ്പൽ ജയ മാത്യൂസ്, ടീച്ചേഴ്സ് ഗിൽഡ് പ്രസിഡന്‍റ് ഫാ. ഫിലിപ്പ് തായില്യം എന്നിവർ പ്രസംഗിച്ചു. പ്ലാറ്റിനം ജൂബിലി വിളംബര ജാഥ സ്കൂൾ അങ്കണത്തിൽനിന്ന് ആരംഭിച്ച് തിരുമൂലപുരം ജംഗ്ഷനിൽ എത്തി തിരികെ സ്കൂളിൽ സമാപിച്ചു.