കാഞ്ഞങ്ങാട്: അവഗണനയുടെ മലബാർ പാളങ്ങൾ എന്ന ശീർഷകത്തിൽ കുറ്റിപ്പുറം മുതൽ മഞ്ചേശ്വരം വരെയുള്ള റെയിൽവേ പാസഞ്ചേഴ്സ് അസോസിയേഷനുകളുടെ കൂട്ടായ്മ നടത്തുന്ന പ്രചാരണ പരിപാടിയുടെ ഭാഗമായി കാഞ്ഞങ്ങാട് നഗരസഭാ ടൗൺ ഹാളിൽ മീറ്റ് ആൻഡ് ടോക്ക് പരിപാടി സംഘടിപ്പിച്ചു.
ഇ. ചന്ദ്രശേഖരൻ എംഎൽഎ ഉദ്ഘാടനം ചെയ്തു. കാസർഗോഡ് റെയിൽവേ പാസഞ്ചേഴ്സ് അസോസിയേഷൻ പ്രസിഡന്‍റ് ആർ. പ്രശാന്ത് കുമാർ അധ്യക്ഷത വഹിച്ചു. കാഞ്ഞങ്ങാട് നഗരസഭാധ്യക്ഷ കെ.വി. സുജാത, വൈസ് ചെയർമാൻ ബിൽടെക് അബ്ദുള്ള, സ്ഥിരം സമിതി അധ്യക്ഷരായ കെ. ലത, ഫൗസിയ ഷരീഫ്, കൗൺസിലർമാരായ ബാലകൃഷ്ണൻ, സെവൻസ്റ്റാർ അബ്ദുൽ റഹിമാൻ, കാഞ്ഞങ്ങാട് പാസഞ്ചേഴ്സ് അസോസിയേഷൻ സെക്രട്ടറി കെ.പി. മോഹനൻ, പവിത്രൻ എൻജിനീയർ, എം.പി. ജാഫർ, സി.എച്ച്. സുബൈദ, സുബ്രഹ്മണ്യൻ, നാസർ ചെർക്കളം, സിംസാറുൽ ഹഖ് എന്നിവർ പ്രസംഗിച്ചു.