നർക്കിലക്കാട്: കിഫ്ബി പദ്ധതിയിൽ ഉൾപ്പെടുത്തി നിർമാണം നടന്നുകൊണ്ടിരിക്കുന്ന ഭീമനടി - ചിറ്റാരിക്കാൽ റോഡിൽ വരക്കാട് ജംഗ്ഷന് സമീപം റോഡിന്‍റെ പഴയ പാർശ്വഭിത്തി ഇടിഞ്ഞുവീണത് അപകടഭീഷണി ഉയർത്തുന്നു.
എളേരി ഭാഗത്തുനിന്നും ചിറ്റാരിക്കാൽ ഭാഗത്തുനിന്നും ഒരേസമയം വാഹനങ്ങൾ വന്നാൽ വശം മാറിക്കൊടുക്കുമ്പോൾ കൂടുതൽ ഭാഗം ഇടിഞ്ഞുവീഴുമോ എന്നാണ് ആശങ്ക. അപകടങ്ങൾ സംഭവിക്കുന്നതിനുമുമ്പ് ഇവിടെ പുതിയ പാർശ്വഭിത്തി കെട്ടിയുയർത്തണമെന്നാണ് നാട്ടുകാരുടെ ആവശ്യം.