മ​ഴ വീ​ണ്ടും ക​ന​ക്കു​ന്നു; നെ​ൽ​ക്ക​ർ​ഷ​ക​ർ​ക്ക് ആ​ശ​ങ്ക
Tuesday, October 15, 2024 6:47 AM IST
നീ​ലേ​ശ്വ​രം: സാ​മാ​ന്യം ശ​ക്ത​മാ​യി പെ​യ്ത കാ​ല​വ​ർ​ഷ​ത്തി​നു പി​ന്നാ​ലെ തു​ലാ​വ​ർ​ഷ​ത്തി​ന്‍റെ തു​ട​ക്ക​ത്തി​ലും ജി​ല്ല​യി​ൽ ക​ന​ത്ത മ​ഴ. ക​ഴി​ഞ്ഞ ഏ​താ​നും ദി​വ​സ​ങ്ങ​ളാ​യി ഇ​ടി​യോ​ടു കൂ​ടി​യ മ​ഴ​യാ​ണ് ജി​ല്ല​യി​ൽ പ​ല​യി​ട​ങ്ങ​ളി​ലും ല​ഭി​ക്കു​ന്ന​ത്. നെ​ൽ​ക്കൃ​ഷി വി​ള​വെ​ടു​പ്പി​നു പാ​ക​മാ​കു​മ്പോ​ൾ പ​തി​വി​ലും ക​ന​ത്ത മ​ഴ പെ​യ്യു​ന്ന​ത് ക​ർ​ഷ​ക​ർ​ക്ക് ആ​ശ​ങ്ക​യാ​യി​ട്ടു​ണ്ട്.

പാ​ട​ത്തു കു​ല​ഞ്ഞു​വീ​ഴു​ന്ന നെ​ൽ​ച്ചെ​ടി​ക​ളി​ലെ ക​തി​രു​ക​ളി​ൽ നി​ന്ന് മു​ള​പൊ​ട്ടാ​നു​ള്ള സാ​ധ്യ​ത കൂ​ടു​ത​ലാ​ണ്. പാ​ട​ത്ത് വെ​ള്ളം ക​യ​റി നെ​ൽ​ച്ചെ​ടി​ക​ളെ​ല്ലാം വീ​ണു​കി​ട​ക്കു​ന്ന അ​വ​സ്ഥ​യാ​യാ​ൽ കൊ​യ്ത്തു​യ​ന്ത്രം ഉ​പ​യോ​ഗി​ക്കാ​നും ബു​ദ്ധി​മു​ട്ടാ​കും. കി​നാ​നൂ​ർ, കീ​ഴ്മാ​ല, പാ​ലാ​യി ഭാ​ഗ​ത്തെ വ​യ​ലു​ക​ളി​ലെ​ല്ലാം ഈ ​സ്ഥി​തി​യു​ണ്ട്.


കൂ​ടു​ത​ൽ ഉ​യ​ര​ത്തി​ൽ വ​ള​രു​ന്ന ആ​തി​ര നെ​ൽ​വി​ത്ത് ഉ​പ​യോ​ഗി​ച്ച് കൃ​ഷി​യി​റ​ക്കി​യ​വ​ർ​ക്കാ​ണ് ആ​ശ​ങ്ക കൂ​ടു​ത​ൽ. ഉ​മ, ശ്രേ​യ വി​ത്തു​ക​ളി​ൽ നി​ന്നു​ള്ള നെ​ൽ​ച്ചെ​ടി​ക​ൾ​ക്ക് താ​ര​ത​മ്യേ​ന ഉ​യ​രം കു​റ​വാ​യ​തി​നാ​ൽ പെ​ട്ടെ​ന്ന് കു​ല​ഞ്ഞു​വീ​ഴാ​നു​ള്ള സാ​ധ്യ​ത കു​റ​വാ​ണ്. ഇ​ത്ത​വ​ണ ഈ ​ഭാ​ഗ​ങ്ങ​ളി​ലെ വ​യ​ലു​ക​ളി​ൽ പ​ല​യി​ട​ങ്ങ​ളി​ലും കാ​ട്ടു​പ​ന്നി​ക്കൂ​ട്ടം ഇ​റ​ങ്ങി വ്യാ​പ​ക കൃ​ഷി​നാ​ശം വ​രു​ത്തി​യി​രു​ന്നു. അ​തി​നു പി​ന്നാ​ലെ​യാ​ണ് മ​ഴ​യും ആ​ശ​ങ്ക​യാ​കു​ന്ന​ത്