സൗ​ജ​ന്യ കു​ടി​വെ​ള്ള പ​രി​ശോ​ധ​ന​; സൗ​ക​ര്യ​മൊ​രു​ക്കി മേ​ക്കാ​ട്ട് ഗ​വ. വി​എ​ച്ച്എ​സ്എ​സ്
Tuesday, October 15, 2024 6:47 AM IST
നീ​ലേ​ശ്വ​രം: തി​ക​ച്ചും സൗ​ജ​ന്യ​മാ​യി കു​ടി​വെ​ള്ള​ത്തി​ന്‍റെ ഗു​ണ​നി​ല​വാ​രം പ​രി​ശോ​ധി​ക്കാ​ൻ സൗ​ക​ര്യ​മൊ​രു​ക്കി​യി​രി​ക്കു​ക​യാ​ണ് മ​ടി​ക്കൈ മേ​ക്കാ​ട്ട് ഗ​വ. വൊ​ക്കേ​ഷ​ണ​ൽ ഹ​യ​ർ സെ​ക്ക​ൻ​ഡ​റി സ്കൂ​ൾ.

ശു​ദ്ധ​ജ​ല ല​ഭ്യ​ത ഉ​റ​പ്പാ​ക്കാ​നും ജ​ല​മ​ലി​നീ​ക​ര​ണം കു​റ​യ്ക്കാ​നു​മാ​യി ഹ​രി​ത​കേ​ര​ളം മി​ഷ​ൻ ആ​വി​ഷ്ക​രി​ച്ച പ​ദ്ധ​തി​യു​ടെ ഭാ​ഗ​മാ​യാ​ണ് സ്കൂ​ളി​ൽ ജ​ല ഗു​ണ​നി​ല​വാ​ര ലാ​ബ് സ്ഥാ​പി​ച്ച​ത്. മ​ടി​ക്കൈ പ​ഞ്ചാ​യ​ത്തി​ലു​ള്ള​വ​ർ​ക്കു മാ​ത്ര​മ​ല്ല, ആ​ർ​ക്കു വേ​ണ​മെ​ങ്കി​ലും ത​ങ്ങ​ളു​ടെ പ​ക്ക​ലു​ള്ള കു​ടി​വെ​ള്ള​ത്തി​ന്‍റെ സാ​മ്പി​ളു​മാ​യി ഇ​വി​ടെ​യെ​ത്തി അ​തി​ന്‍റെ ഗു​ണ​നി​ല​വാ​രം സൗ​ജ​ന്യ​മാ​യി പ​രി​ശോ​ധി​ച്ച​റി​യാം. 100 മി​ല്ലി​ലി​റ്റ​ർ വെ​ള്ള​മാ​ണ് പ​രി​ശോ​ധ​ന​യ്ക്ക് കൊ​ണ്ടു​വ​രേ​ണ്ട​ത്.

കോ​ളി​ഫോം ബാ​ക്ടീ​രി​യ​യു​ടെ സാ​ന്നി​ധ്യം, ആ​സി​ഡി​റ്റി, നി​റം, മ​ണം എ​ന്നി​വ​യ​ട​ക്കം ഒ​ൻ​പ​ത് ത​രം പ​രി​ശോ​ധ​ന​ക​ൾ ന​ട​ത്തും. ഗു​ണ​നി​ല​വാ​രം കു​റ​വാ​ണെ​ങ്കി​ൽ പ്ര​തി​വി​ധി​ക​ളും നി​ർ​ദേ​ശി​ക്കും.

വീ​ടു​ക​ളി​ൽ നി​ന്നും ഹോ​ട്ട​ലു​ക​ൾ, ത​ട്ടു​ക​ട​ക​ൾ, ജ്യൂ​സ് ക​ട​ക​ൾ, കാ​റ്റ​റിം​ഗ് ഏ​ജ​ൻ​സി​ക​ൾ എ​ന്നി​വി​ട​ങ്ങ​ളി​ൽ നി​ന്നും ഇ​വി​ടെ വെ​ള്ളം പ​രി​ശോ​ധ​ന​യ്ക്കാ​യി എ​ത്തി​ക്കു​ന്നു​ണ്ട്.

വൊ​ക്കേ​ഷ​ണ​ൽ ഹ​യ​ർ സെ​ക്ക​ൻ​ഡ​റി വി​ഭാ​ഗ​ത്തി​ലെ കു​ട്ടി​ക​ൾ​ക്ക് ജ​ല​പ​രി​ശോ​ധ​ന ന​ട​ത്താ​നു​ള്ള പ്ര​ത്യേ​ക പ​രി​ശീ​ല​നം ന​ൽ​കി​യി​ട്ടു​ണ്ട്. മാ​ർ​ഗ​നി​ർ​ദേ​ശ​ങ്ങ​ൾ ന​ൽ​കാ​ൻ ര​സ​ത​ന്ത്ര വി​ഭാ​ഗ​ത്തി​ലെ അ​ധ്യാ​പി​ക ഡോ. ​അ​മ്പി​ളി തോ​മ​സും ഒ​പ്പ​മു​ണ്ട്. പ്രി​ൻ​സി​പ്പ​ൽ പ്രീ​തി ശ്രീ​ധ​ർ, പി​ടി​എ പ്ര​സി​ഡ​ന്‍റ് ശ​ശീ​ന്ദ്ര​ൻ മ​ടി​ക്കൈ എ​ന്നി​വ​രും ലാ​ബി​ന്‍റെ പ്ര​വ​ർ​ത്ത​ന​ങ്ങ​ൾ​ക്ക് പൂ​ർ​ണ പി​ന്തു​ണ​യു​മാ​യി കൂ​ടെ​യു​ണ്ട്. അ​വ​ധി ദി​വ​സ​ങ്ങ​ളി​ലും ലാ​ബി​ന്‍റെ പ്ര​വ​ർ​ത്ത​നം സ​ജീ​വ​മാ​ണ്.