കാ​റ​ഡു​ക്ക​യു​ടെ ഉ​റ​ക്കംകെ​ടു​ത്തി വീ​ണ്ടും ഒ​റ്റ​യാ​ൻ
Tuesday, September 24, 2024 1:35 AM IST
കാ​റ​ഡു​ക്ക: ഓ​ണം ക​ഴി​ഞ്ഞ നാ​ളി​ൽ സൗ​രോ​ർ​ജ​വേ​ലി മ​റി​ട​ക​ന്നെ​ത്തി​യ ഒ​റ്റ​യാ​ൻ വീ​ണ്ടും കാ​റ​ഡു​ക്ക​യു​ടെ ഉ​റ​ക്കം കെ​ടു​ത്തി​ത്തു​ട​ങ്ങി.

കു​ണ്ട​ടു​ക്കം ഭാ​ഗ​ത്താ​ണ് ആ​ന വ്യാ​പ​ക കൃ​ഷി​നാ​ശം വ​രു​ത്തി​യ​ത്. ബാ​ല​കൃ​ഷ്ണ​ൻ, രാ​മ​ൻ, മ​ധു​സൂ​ദ​ന​ൻ എ​ന്നി​വ​രു​ടെ തോ​ട്ട​ങ്ങ​ളി​ലെ നി​ര​വ​ധി തെ​ങ്ങു​ക​ളും വാ​ഴ​ക​ളും ന​ശി​പ്പി​ച്ചു.

ഇ​വി​ടെ​നി​ന്ന് നാ​ട്ടു​കാ​ർ തു​ര​ത്താ​ൻ ശ്ര​മി​ച്ച​പ്പോ​ൾ ആ​ന കൊ​ട്ടം​കു​ഴി ഭാ​ഗ​ത്തേ​ക്ക് നീ​ങ്ങി​യി​ട്ടു​ണ്ട്. ഒ​രാ​ഴ്ച മു​മ്പ് പു​ലി​പ്പ​റ​മ്പി​ലെ സൗ​രോ​ർ​ജ​വേ​ലി മ​റി​ക​ട​ന്ന​യു​ട​ൻ ത​ന്നെ ആ​ന​യെ തി​രി​കെ കാ​ട്ടി​ലേ​ക്ക് തു​ര​ത്ത​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടി​രു​ന്നു. എ​ന്നാ​ൽ വ​നം​വ​കു​പ്പി​ന്‍റെ നി​സം​ഗ​ത മൂ​ല​മാ​ണ് ആ​ന വീ​ണ്ടും ജ​ന​വാ​സ​കേ​ന്ദ്ര​ങ്ങ​ളി​ലേ​ക്ക് നീ​ങ്ങി​യ​തെ​ന്ന് അ​വ​ർ ചൂ​ണ്ടി​ക്കാ​ട്ടു​ന്നു.
ആ​ന വീ​ണ്ടും മു​ളി​യാ​ർ പ​ഞ്ചാ​യ​ത്തി​ലെ​ത്തി​യാ​ൽ കാ​ട്ടി​ലേ​ക്ക് തു​ര​ത്തു​ന്ന​ത് ശ്ര​മ​ക​ര​മാ​കും.

ഉ​ദു​മ​യി​ൽ നെ​ൽ​പ്പാ​ടം
ച​വി​ട്ടി​മെ​തി​ച്ച് കാ​ട്ടു​പ​ന്നി​ക​ൾ

ഉ​ദു​മ: കു​മ്പ​ള​യ്ക്കു പി​ന്നാ​ലെ ഉ​ദു​മ​യി​ലും നെ​ൽ​പ്പാ​ടം ച​വി​ട്ടി​മെ​തി​ച്ച് കാ​ട്ടു​പ​ന്നി​ക​ൾ. ബാ​ര വെ​ള്ള​ച്ചാ​ൽ, പാ​ലോ​ടം പാ​ട​ശേ​ഖ​ര​ങ്ങ​ളി​ലാ​ണ് കൊ​യ്ത്തി​ന് പാ​ക​മാ​യ നെ​ൽ​ച്ചെ​ടി​ക​ളെ പ​ന്നി​ക്കൂ​ട്ടം ച​വി​ട്ടി​മെ​തി​ച്ച​ത്. റി​ട്ട. അ​സി. ക​മാ​ൻ​ഡ​ന്‍റ് മു​ല്ല​ച്ചേ​രി​യി​ലെ എം. ​ബാ​ല​കൃ​ഷ്ണ​ൻ നാ​യ​ർ, റി​ട്ട. ബാ​ങ്ക് ഉ​ദ്യോ​ഗ​സ്ഥ​നാ​യ സ​ഹോ​ദ​ര​ൻ പു​രു​ഷോ​ത്ത​മ​ൻ നാ​യ​ർ എ​ന്നി​വ​രു​ടെ നെ​ൽ​ക്കൃ​ഷി​യാ​ണ് ന​ശി​പ്പി​ച്ച​ത്.


മി​ക​ച്ച ഉ​ത്പാ​ദ​ന​ശേ​ഷി​യു​ള്ള വ​ർ​ഷ എ​ന്ന വി​ത്താ​ണ് ഇ​വ​ർ വി​ത​ച്ചി​രു​ന്ന​ത്. വി​ശ്ര​മ​ജീ​വി​ത​കാ​ല​ത്ത് കൃ​ഷി​യി​ലേ​ക്കു തി​രി​ഞ്ഞ സ​ഹോ​ദ​ര​ങ്ങ​ൾ​ക്ക് ക​ന​ത്ത ന​ഷ്ട​മാ​ണ് സം​ഭ​വി​ച്ച​ത്. പ​ക​ൽ​സ​മ​യ​ങ്ങ​ളി​ൽ മ​യി​ലു​ക​ളും ത​ത്ത​ക​ളു​മെ​ത്തി ക​തി​രു​ക​ൾ കൊ​ത്തി​യെ​ടു​ക്കു​ന്ന​തി​നു പി​ന്നാ​ലെ​യാ​ണ് രാ​ത്രി​യി​ൽ കാ​ട്ടു​പ​ന്നി​ക​ളും എ​ത്തി​യ​ത്.

തീ​ര​ദേ​ശ പ​ഞ്ചാ​യ​ത്താ​യ ഉ​ദു​മ​യി​ൽ കാ​ട്ടു​പ​ന്നി​ക​ളെ​ത്തു​ന്ന​ത് ഇ​ത്ര​നാ​ളും കേ​ട്ടു​കേ​ൾ​വി​പോ​ലും ഉ​ണ്ടാ​യി​രു​ന്നി​ല്ല. കു​മ്പ​ള​യി​ലും മൊ​ഗ്രാ​ലി​ലും സം​ഭ​വി​ച്ച​തു​പോ​ലെ നാ​ട്ടി​ൽ ത​ന്നെ ത​മ്പ​ടി​ച്ച് പെ​റ്റു​പെ​രു​കി​യ പ​ന്നി​ക്കൂ​ട്ട​ങ്ങ​ളാ​ണ് ഇ​വി​ടെ​യു​മെ​ത്തി​യ​തെ​ന്ന് ക​രു​തു​ന്നു.