കാഞ്ഞങ്ങാട്: സെപ്റ്റംബര് എട്ട് വരെ നടത്തുന്ന ദേശീയ നേത്രദാന പക്ഷാചരണത്തിന്റെ ജില്ലാതല ഉദ്ഘാടനവും ബോധവത്കരണ സെമിനാറും നടത്തി. ജില്ലാ മെഡിക്കല് ഓഫീസ്, ദേശീയാരോഗ്യ ദൗത്യം, ജില്ലാ അന്ധതാ നിവാരണ സമിതി എന്നിവയുടെ സംയുക്താഭിമുഖ്യത്തില് ദേശീയാരോഗ്യ ദൗത്യം കോണ്ഫറന്സ് ഹാളില് നടന്ന ചടങ്ങ് ജില്ലാ മെഡിക്കല് ഓഫീസര് ഡോ.എ.വി.രാംദാസ് ഉദ്ഘാടനം ചെയ്തു.
ജില്ലാ എഡ്യുക്കേഷന് ആന്ഡ് മീഡിയ ഓഫീസര് അബ്ദുള് ലത്തീഫ് മഠത്തില്, ഡെപ്യൂട്ടി ജില്ലാ എഡ്യുക്കേഷന് ആന്ഡ് മീഡിയ ഓഫീസര് എസ്.സയന, സീനിയര് ഒപ്റ്റോമെട്രിസ്റ്റുമാരായ സുരേഷ് കുമാര്, ഉഷാകുമാരി എന്നിവര് പങ്കെടുത്തു. ജില്ലാ ആശുപത്രി ഒഫ്താല്മോളജിസ്റ്റ് ഡോ.എസ്.അപര്ണ, നീലേശ്വരം താലൂക്കാശുപത്രി ഒപ്റ്റോമെട്രിസ്റ്റ് അജീഷ് കുമാര് എന്നിവര് സെമിനാര് കൈകാര്യം ചെയ്തു.