പ​റ​മ്പു​ക​ൾ കൈ​യ​ട​ക്കി അ​ധി​നി​വേ​ശ ജീ​വി​ക​ളും സ​സ്യ​ങ്ങ​ളും
Sunday, September 8, 2024 6:58 AM IST
കാ​ഞ്ഞ​ങ്ങാ​ട്: കാ​ലാ​വ​സ്ഥാ​മാ​റ്റ​ത്തി​നൊ​പ്പം വീ​ട്ടു​പ​രി​സ​ര​ങ്ങ​ളി​ലും പ​റ​മ്പു​ക​ളി​ലും അ​ധി​നി​വേ​ശ ജീ​വി​ക​ളും സ​സ്യ​ങ്ങ​ളും നി​റ​യു​ന്നു.

വ​ർ​ഷ​ങ്ങ​ൾ​ക്കു മു​മ്പ് ഏ​റെ​പ്പേ​ർ​ക്കും പ​ത്ര​ങ്ങ​ളി​ലും പു​സ്ത​ക​ങ്ങ​ളി​ലും വാ​യി​ച്ച​റി​ഞ്ഞ പ​രി​ച​യം മാ​ത്ര​മു​ണ്ടാ​യി​രു​ന്ന ആ​ഫ്രി​ക്ക​ൻ ഒ​ച്ചു​ക​ൾ ഇ​പ്പോ​ൾ ജി​ല്ല​യി​ൽ പ​ല സ്ഥ​ല​ങ്ങ​ളി​ലും വീ​ട്ടു​പ​രി​സ​ര​ങ്ങ​ളി​ലെ പ​തി​വു കാ​ഴ്ച​യാ​യി മാ​റു​ക​യാ​ണ്. ജി​ല്ല​യി​ലെ വി​വി​ധ റെ​യി​ൽ​വേ സ്റ്റേ​ഷ​നു​ക​ളു​ടെ പ​രി​സ​ര​ത്താ​ണ് ഇ​വ​യെ ആ​ദ്യം ക​ണ്ട​ത്. ക​ണ്ണൂ​ർ ജി​ല്ല​യി​ലെ ക​ണ്ണ​പു​രം, പ​ഴ​യ​ങ്ങാ​ടി റെ​യി​ൽ​വേ സ്റ്റേ​ഷ​നു​ക​ളു​ടെ പ​രി​സ​ര​ങ്ങ​ളി​ൽ വ​ർ​ഷ​ങ്ങ​ളാ​യി ഇ​വ​യെ കാ​ണാ​റു​ണ്ട്. അ​വി​ടെ​നി​ന്ന് ട്രെ​യി​നു​ക​ളി​ൽ പ​റ്റി​പ്പി​ടി​ച്ചാ​ണ് മ​റ്റു സ്റ്റേ​ഷ​നു​ക​ളു​ടെ പ​രി​സ​ര​ത്തെ​ത്തി​യ​തെ​ന്ന് ക​രു​തു​ന്നു. റെ​യി​ൽ​വേ സ്റ്റേ​ഷ​ൻ പ​രി​സ​ര​ങ്ങ​ളി​ലെ ച​തു​പ്പു​ക​ളി​ൽ നി​ന്ന് എ​ളു​പ്പ​ത്തി​ൽ പെ​രു​കി​യാ​ണ് ഇ​വ ചു​റ്റു​മു​ള്ള പ്ര​ദേ​ശ​ങ്ങ​ളി​ലേ​ക്ക് വ്യാ​പി​ക്കു​ന്ന​ത്. മ​ഴ​ക്കാ​ല​വും ഇ​വ പെ​ട്ടെ​ന്ന് പെ​രു​കു​ന്ന​തി​നു​ള്ള അ​നു​കൂ​ല സാ​ഹ​ച​ര്യ​മാ​ണ്.

കോ​ട്ടി​ക്കു​ളം റെ​യി​ൽ​വേ സ്റ്റേ​ഷ​ൻ പ​രി​സ​ര​ത്തു​നി​ന്ന് പാ​ല​ക്കു​ന്ന് ടൗ​ൺ ഉ​ൾ​പ്പെ​ടെ ഉ​ദു​മ പ​ഞ്ചാ​യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ലേ​ക്കും പ​ള്ളി​ക്ക​ര, അ​ജാ​നൂ​ർ പ​ഞ്ചാ​യ​ത്തു​ക​ളി​ലേ​ക്കും ഇ​വ പ​ട​ർ​ന്നി​ട്ടു​ണ്ട്. തൃ​ക്ക​രി​പ്പൂ​ർ, ചെ​റു​വ​ത്തൂ​ർ ഭാ​ഗ​ങ്ങ​ളി​ലും ഇ​വ​യെ കാ​ണു​ന്നു​ണ്ട്.

വീ​ട്ടു​മു​റ്റ​ത്തെ അ​ല​ങ്കാ​ര​ച്ചെ​ടി​ക​ൾ മു​ത​ൽ കാ​ർ​ഷി​ക വി​ള​ക​ൾ​ക്കു വ​രെ ക​ന​ത്ത നാ​ശ​മാ​ണ് ഇ​വ വ​രു​ത്തു​ന്ന​ത്. വാ​ഴ​യു​ടെ ഇ​ല​യും കൂ​മ്പും പ​പ്പാ​യ​യും ക​ഴി​ഞ്ഞ് ക​മു​കു​ക​ളു​ടെ​യും തെ​ങ്ങു​ക​ളു​ടെ​യും മു​ക​ളി​ലേ​ക്കു​വ​രെ ഇ​വ ക​യ​റി​ത്തു​ട​ങ്ങി. ചെ​റി​യ സ​സ്യ​ങ്ങ​ളു​ടെ ഇ​ല​ക​ളൊ​ന്നും ബാ​ക്കി​വ​യ്ക്കു​ന്നി​ല്ല. കെ​ട്ടി​ട ചു​വ​രു​ക​ളി​ൽ മ​ഴ​യി​ൽ ന​ന​ഞ്ഞു​നി​ല്ക്കു​ന്ന പോ​സ്റ്റ​റു​ക​ൾ വ​രെ തി​ന്നു​തീ​ർ​ക്കു​ന്നു. വീ​ടു​ക​ളു​ടെ അ​ടു​ക്ക​ള​യി​ലും ശു​ചി​മു​റി​യി​ലും വ​രെ ഇ​വ എ​ത്തി​ത്തു​ട​ങ്ങി.

ചെ​മ്പോ​ത്ത് പോ​ലു​ള്ള പ​ക്ഷി​ക​ൾ ഇ​വ​യെ തി​ന്നാ​റു​ണ്ടെ​ന്ന് പ​റ​യ​പ്പെ​ടു​ന്നു​ണ്ടെ​ങ്കി​ലും ഇ​പ്പോ​ൾ പ​റ​മ്പു​ക​ളി​ൽ ചെ​മ്പോ​ത്തി​നെ കാ​ണു​ന്ന​തു​ത​ന്നെ വ​ല്ല​പ്പോ​ഴു​മാ​ണ്. ആ​ഫ്രി​ക്ക​ൻ ഒ​ച്ചു​ക​ളെ ഉ​പ്പ് വി​ത​റി ന​ശി​പ്പി​ക്കു​ക​യാ​ണ് പ​തി​വു​രീ​തി. എ​ന്നാ​ൽ ഇ​വ​യു​ടെ എ​ണ്ണ​ത്തി​നും വ​ലി​പ്പ​ത്തി​നും അ​നു​സ​രി​ച്ച് ചാ​ക്കു​ക​ണ​ക്കി​ന് ഉ​പ്പ് ക​രു​തേ​ണ്ടി​വ​രു​ന്ന അ​വ​സ്ഥ​യാ​ണെ​ന്ന് പ​ല​രും പ​റ​യു​ന്നു. ഇ​വ​യെ കൈ​കൊ​ണ്ട് സ്പ​ർ​ശി​ച്ചാ​ൽ ചൊ​റി​ച്ചി​ലും അ​ല​ർ​ജി​യും ഉ​ണ്ടാ​കു​ന്ന​തി​നാ​ൽ ഉ​പ്പ് വി​ത​റി​യ ശേ​ഷം ചൂ​ലു​കൊ​ണ്ട് വാ​രി​ക്കൂ​ട്ടി ക​ത്തി​ക്കു​ക​യാ​ണ് മി​ക്ക​വ​രും ചെ​യ്യു​ന്ന​ത്. കോ​പ്പ​ർ സ​ൾ​ഫേ​റ്റും പു​ക​യി​ല​യും ചേ​ർ​ത്ത് പൊ​ടി​ച്ച് വെ​ള്ള​ത്തി​ൽ ക​ല​ക്കി​വ​ച്ച മി​ശ്രി​തം ത​ളി​ച്ചാ​ൽ ഇ​വ​യെ പെ​ട്ടെ​ന്ന് ന​ശി​പ്പി​ക്കാ​നാ​കു​മെ​ന്ന് കാ​ർ​ഷി​ക വി​ദ​ഗ്ധ​ർ പ​റ​യു​ന്നു. ആ​ഫ്രി​ക്ക​ൻ ഒ​ച്ചു​ക​ൾ​ക്കൊ​പ്പം സാ​ധാ​ര​ണ ഒ​ച്ചു​ക​ളും മി​ക്ക​യി​ട​ങ്ങ​ളി​ലും ക്ര​മാ​തീ​ത​മാ​യി പെ​രു​കി​യി​ട്ടു​ണ്ട്.


വാ​ഴ​യി​ല​ക​ൾ കാ​ർ​ന്നു​തി​ന്ന് ചൊ​റി​യ​ൻ പു​ഴു​ക്ക​ൾ

ഇ​ട​ക്കാ​ല​ത്ത് മ​ഴ​യൊ​ന്ന് മാ​റി​നി​ന്ന​പ്പോ​ൾ ചൊ​റി​യ​ൻ പു​ഴു​ക്ക​ൾ വ്യാ​പ​ക​മാ​യി പ​ട​ർ​ന്ന് വാ​ഴ​യ്ക്കും ചെ​റു​സ​സ്യ​ങ്ങ​ൾ​ക്കും നാ​ശ​മു​ണ്ടാ​ക്കി​യ​ത് അ​ടു​ത്തി​ടെ​യാ​ണ്.

മ​റ്റു ജി​ല്ല​ക​ളി​ലും ഏ​താ​ണ്ട് ഇ​തേ സാ​ഹ​ച​ര്യ​മാ​യി​രു​ന്നു. വാ​ഴ​യി​ല​ക​ളു​ടെ ഹ​രി​ത​ക​മെ​ല്ലാം ഇ​വ കാ​ർ​ന്നു​തി​ന്നു​ന്ന​തോ​ടെ ദി​വ​സ​ങ്ങ​ൾ​ക്ക​കം ഇ​ല വാ​ടി​യു​ണ​ങ്ങും. കു​ല വ​രാ​നി​രു​ന്ന വാ​ഴ​ക​ൾ പോ​ലും ഒ​റ്റ ഇ​ല​യു​മി​ല്ലാ​തെ ഉ​ണ​ങ്ങി​നി​ല്ക്കു​ന്ന ദ​യ​നീ​യ കാ​ഴ്ച പ​ല​യി​ട​ങ്ങ​ളി​ലു​മു​ണ്ട്. പു​ഴു​ക്ക​ളെ കൊ​ത്തി​ത്തി​ന്നാ​ൻ പ​ക്ഷി​ക​ളെ​ത്തു​മെ​ന്ന പ്ര​തീ​ക്ഷ​യും വെ​റു​തെ​യാ​യി. ആ​ഴ്ച​ക​ൾ​ക്കു​ശേ​ഷം ജീ​വി​ത​ച​ക്രം പൂ​ർ​ത്തി​യാ​ക്കി പു​ഴു​ക്ക​ൾ താ​നേ ന​ശി​ച്ച​തു മാ​ത്ര​മാ​ണ് മി​ക്ക​യി​ട​ങ്ങ​ളി​ലും ആ​ശ്വാ​സ​മാ​യ​ത്.

നാ​ടെ​ങ്ങും പ​ട​ർ​ന്ന് സി​ങ്ക​പ്പൂ​ർ ഡെ​യ്സി

നാ​ട്ടു​ഭാ​ഷ​യി​ൽ അ​മ്മി​ണി​പ്പൂ​വ്, ക​മ്മ​ൽ​പ്പൂ​വ് തു​ട​ങ്ങി​യ പേ​രു​ക​ളി​ൽ അ​റി​യ​പ്പെ​ടു​ന്ന സി​ങ്ക​പ്പൂ​ർ ഡെ​യ്സി പു​റം​നാ​ട്ടി​ൽ​നി​ന്ന് ഇ​വി​ടെ​യെ​ത്തി​യ ഒ​രു അ​ധി​നി​വേ​ശ സ​സ്യ​മാ​ണെ​ന്ന് പ​ല​ർ​ക്കും അ​റി​യി​ല്ല. നി​റ​യെ മ​ഞ്ഞ​പ്പൂ​ക്ക​ൾ വി​രി​ഞ്ഞു​നി​ൽ​ക്കു​ന്ന ഈ ​സ​സ്യം പൂ​ന്തോ​ട്ട​ങ്ങ​ളി​ൽ അ​ല​ങ്കാ​ര​ച്ചെ​ടി​യാ​യാ​ണ് ആ​ദ്യ​മെ​ത്തി​യ​ത്. എ​ന്നാ​ൽ പെ​ട്ടെ​ന്ന് പ​ട​ർ​ന്നു​വ​ള​ർ​ന്ന് പൂ​ന്തോ​ട്ടം മു​ഴു​വ​നും കൈ​യ​ട​ക്കി മ​റ്റു ചെ​ടി​ക​ളെ​യെ​ല്ലാം ഞെ​രു​ക്കി​ത്തു​ട​ങ്ങി​യ​തോ​ടെ ഇ​വ പു​റ​ത്താ​യി.

പ​ക്ഷേ പ​റ​മ്പി​ൽ എ​വി​ടെ​യെ​ങ്കി​ലും ഒ​രു ചെ​റി​യ ക​ഷ​ണം കൊ​ണ്ടു​പോ​യി ഇ​ട്ടാ​ലും വേ​രു​പി​ടി​ച്ച് വ​ള​ർ​ന്ന് പ​ട​രു​ന്ന​താ​ണ് ഇ​തി​ന്‍റെ സ്വ​ഭാ​വം. നി​ലം മു​ഴു​വ​നും മൂ​ടു​ന്ന​തോ​ടെ മ​റ്റു ചെ​ടി​ക​ൾ​ക്കൊ​ന്നും വ​ള​രാ​നാ​കാ​ത്ത അ​വ​സ്ഥ​യാ​കും.

ത​രി​ശു​ഭൂ​മി​യി​ൽ പോ​ലും ഇ​വ ത​ഴ​ച്ചു​വ​ള​രു​ന്നു. ഇ​വ​യെ എ​ളു​പ്പം ന​ശി​പ്പി​ക്കാ​നും ക​ഴി​യു​ന്നി​ല്ല. വെ​ട്ടി​മാ​റ്റു​മ്പോ​ൾ വേ​രു​ക​ളു​ടെ ചെ​റി​യ ഭാ​ഗം അ​വ​ശേ​ഷി​ച്ചാ​ൽ പോ​ലും കു​റ​ച്ചു​ദി​വ​സം ക​ഴി​ഞ്ഞാ​ൽ വീ​ണ്ടും ത​ഴ​ച്ചു​വ​ള​രും. വേ​ന​ൽ​ക്കാ​ല​ത്ത് മു​ഴു​വ​നും ഉ​ണ​ക്കി തീ​യി​ടു​ക മാ​ത്ര​മാ​ണ് പ​ല​രും പ​രീ​ക്ഷി​ക്കു​ന്ന വ​ഴി.