ജി​ല്ല​യി​ല്‍ വ​ര്‍​ധി​ച്ച​ത് 61 പ​ഞ്ചാ​യ​ത്ത് വാ​ര്‍​ഡു​ക​ള്‍
Monday, September 9, 2024 1:11 AM IST
കാ​സ​ര്‍​ഗോ​ഡ്: ത​ദ്ദേ​ശ​സ്വ​യം​ഭ​ര​ണ​സ്ഥാ​പ​ന​ങ്ങ​ളി​ലേ​ക്കു​ള്ള തെ​ര​ഞ്ഞെ​ടു​പ്പി​നു മു​ന്നോ​ടി​യാ​യി ജി​ല്ല​യി​ല്‍ വാ​ര്‍​ഡു​ക​ള്‍ പു​ന​ര്‍​വി​ഭ​ജി​ച്ച​പ്പോ​ള്‍ ജി​ല്ല​യി​ല്‍ വ​ര്‍​ധി​ച്ച​ത് 38 ഗ്രാ​മ​പ​ഞ്ചാ​യ​ത്തു​ക​ളി​ലാ​യി വ​ര്‍​ധി​ച്ച​ത് 61 വാ​ര്‍​ഡു​ക​ള്‍. ബി​ജെ​പി​യു​ടെ കു​ത്ത​ക പ​ഞ്ചാ​യ​ത്താ​യ മ​ധൂ​രി​ല്‍ നാ​ലു വാ​ര്‍​ഡു​ക​ള്‍ വ​ര്‍​ധി​ച്ച​താ​ണ് ഇ​തി​ല്‍ ശ്ര​ദ്ധേ​യം. 20 വാ​ര്‍​ഡു​ക​ള്‍ ഉ​ണ്ടാ​യി​രു​ന്ന ഈ ​പ​ഞ്ചാ​യ​ത്തി​ല്‍ ഇ​നി 24 വാ​ര്‍​ഡു​ക​ള്‍ ഉ​ണ്ടാ​കും. മ​ഞ്ചേ​ശ്വ​രം, മു​ളി​യാ​ര്‍ പ​ഞ്ചാ​യ​ത്തു​ക​ളി​ല്‍ മൂ​ന്ന് വാ​ര്‍​ഡു​ക​ള്‍ വീ​തം വ​ര്‍​ധി​ച്ചു.

ബേ​ഡ​ഡു​ക്ക, വോ​ര്‍​ക്കാ​ടി, പു​ത്തി​ഗെ, മീ​ഞ്ച, പൈ​വ​ളി​ഗെ, ബ​ദി​യ​ഡു​ക്ക, മൊ​ഗ്രാ​ല്‍​പു​ത്തൂ​ര്‍, ഉ​ദു​മ, കോ​ടോം-​ബേ​ളൂ​ര്‍, പ​ള്ളി​ക്ക​ര, പ​ന​ത്ത​ടി, പു​ല്ലൂ​ര്‍-​പെ​രി​യ, ഈ​സ്റ്റ് എ​ളേ​രി, പി​ലി​ക്കോ​ട്, കി​നാ​നൂ​ര്‍-​ക​രി​ന്ത​ളം, തൃ​ക്ക​രി​പ്പൂ​ര്‍ എ​ന്നീ 16 പ​ഞ്ചാ​യ​ത്തു​ക​ളി​ല്‍ ര​ണ്ടു വാ​ര്‍​ഡു​ക​ള്‍ വീ​ത​മാ​ണ് വ​ര്‍​ധി​ച്ച​ത്. ബെ​ള്ളൂ​ര്‍, കും​ബ​ഡാ​ജെ, മം​ഗ​ല്‍​പാ​ടി, കു​മ്പ​ള, എ​ന്‍​മ​ക​ജെ, കാ​റ​ഡു​ക്ക, ദേ​ലം​പാ​ടി, ചെ​ങ്ക​ള, ചെ​മ്മ​നാ​ട്, കു​റ്റി​ക്കോ​ല്‍, അ​ജാ​നൂ​ര്‍, ബ​ളാ​ല്‍, മ​ടി​ക്കൈ, ക​ള്ളാ​ര്‍, ചെ​റു​വ​ത്തൂ​ര്‍, ക​യ്യൂ​ര്‍-​ചീ​മേ​നി, വെ​സ്റ്റ് എ​ളേ​രി, പ​ട​ന്ന, വ​ലി​യ​പ​റ​മ്പ എ​ന്നീ 19 പ​ഞ്ചാ​യ​ത്തു​ക​ളി​ല്‍ ഓ​രോ വാ​ര്‍​ഡ് വീ​ത​മാ​ണ് വ​ര്‍​ധി​ച്ച​ത്.


ആ​റു ബ്ലോ​ക്ക് പ​ഞ്ചാ​യ​ത്തു​ക​ളി​ലാ​യി ആ​കെ ഒ​മ്പ​ത് ഡി​വി​ഷ​നു​ക​ളാ​ണ് വ​ര്‍​ധി​ച്ച​ത്. കാ​സ​ര്‍​ഗോ​ഡ് ബ്ലോ​ക്കി​ല്‍ മൂ​ന്നു ഡി​വി​ഷ​നുകളിൽ 15 സീ​റ്റ് ഉ​ണ്ടാ​യി​രു​ന്ന​ത് 18 ആ​യി വ​ര്‍​ധി​ച്ചു. കാ​ഞ്ഞ​ങ്ങാ​ട് ബ്ലോ​ക്കി​ല്‍ ര​ണ്ടു ഡി​വി​ഷ​നു​ക​ളും വ​ര്‍​ധി​ച്ചു. മ​ഞ്ചേ​ശ്വ​രം, നീ​ലേ​ശ്വ​രം, കാ​റ​ഡു​ക്ക, പ​ര​പ്പ ബ്ലോ​ക്കു​ക​ളി​ല്‍ ഓ​രോ ഡി​വി​ഷ​നു​ക​ള്‍ വ​ര്‍​ധി​ച്ചു. കാ​സ​ര്‍​ഗോ​ഡ് ജി​ല്ലാ പ​ഞ്ചാ​യ​ത്തി​ല്‍ 17 ഡി​വി​ഷ​ന്‍ എ​ന്ന​ത് ഒ​രെ​ണ്ണം കൂ​ടി 18 ആ​യി വ​ര്‍​ധി​ച്ചു.