ജി​ല്ലാ ആ​ശു​പ​ത്രി​യി​ൽനി​ന്ന് പ്ര​സ​വ വാ​ർ​ഡ് അ​മ്മ​യും കു​ഞ്ഞും ആ​ശു​പ​ത്രി​യി​ലേ​ക്ക്
Friday, September 13, 2024 1:30 AM IST
കാ​ഞ്ഞ​ങ്ങാ​ട്: പു​തു​താ​യി ഒ​ന്നും ത​രാ​തെ നി​ല​വി​ലു​ള്ള സൗ​ക​ര്യ​ങ്ങ​ളും ത​സ്തി​ക​ക​ളും ഒ​രി​ട​ത്തു​നി​ന്ന് മ​റ്റൊ​രി​ട​ത്തേ​ക്ക് മാ​റ്റി കാ​സ​ർ​ഗോ​ഡ് ജി​ല്ല​യു​ടെ ക​ണ്ണി​ൽ പൊ​ടി​യി​ടു​ന്ന ആ​രോ​ഗ്യ​വ​കു​പ്പി​ന്‍റെ പ​തി​വ് തെ​റ്റി​യി​ല്ല. ഉ​ദ്ഘാ​ട​നം ക​ഴി​ഞ്ഞ് വ​ർ​ഷ​ങ്ങ​ൾ ക​ഴി​ഞ്ഞി​ട്ടും ഒ​ന്നു​മാ​കാ​ത്ത കാ​ഞ്ഞ​ങ്ങാ​ട്ടെ അ​മ്മ​യും കു​ഞ്ഞും ആ​ശു​പ​ത്രി​യി​ൽ കൂ​ടു​ത​ൽ വി​ഭാ​ഗ​ങ്ങ​ളും ത​സ്തി​ക​ക​ളും അ​നു​വ​ദി​ക്ക​ണ​മെ​ന്ന ആ​വ​ശ്യ​ത്തി​ന് പ​രി​ഹാ​ര​മാ​യി ജി​ല്ലാ ആ​ശു​പ​ത്രി​യി​ലെ പ്ര​സ​വ വാ​ർ​ഡും അ​നു​ബ​ന്ധ ത​സ്തി​ക​ക​ളും ഇ​ങ്ങോ​ട്ടു മാ​റ്റാ​ൻ തീ​രു​മാ​ന​മാ​യി.

ഇ​ക്കാ​ര്യ​ത്തി​ൽ സം​സ്ഥാ​ന സ​ർ​ക്കാ​രി​ന്‍റെ ഭാ​ഗ​ത്തു​നി​ന്നു​ള്ള നി​ർ​ദേ​ശ​ത്തി​ന് ന​ഗ​ര​സ​ഭ​യു​ടെ നി​യ​ന്ത്ര​ണ​ത്തി​ലു​ള്ള ഹോ​സ്പി​റ്റ​ൽ മാ​നേ​ജ്മെ​ന്‍റ് ക​മ്മി​റ്റി (എ​ച്ച്എം​സി) ത​ത്വ​ത്തി​ൽ അം​ഗീ​കാ​രം ന​ല്കി. പ്ര​സ​വ വി​ഭാ​ഗം ഇ​ങ്ങോ​ട്ട് മാ​റ്റു​മ്പോ​ൾ കൂ​ടു​ത​ൽ കി​ട​ക്ക​ക​ളും സൗ​ക​ര്യ​ങ്ങ​ളും ത​സ്തി​ക​ക​ളും അ​നു​വ​ദി​ക്ക​ണ​മെ​ന്ന ആ​വ​ശ്യം കൂ​ടി എ​ച്ച്എം​സി യോ​ഗം മു​ന്നോ​ട്ടു​വ​ച്ചി​ട്ടു​ണ്ടെ​ങ്കി​ലും അ​ത് പി​ന്നീ​ട് പ​രി​ഗ​ണി​ക്കാ​മെ​ന്ന പ​തി​വു ധാ​ര​ണ​യോ​ടെ മാ​റ്റം ഉ​ട​ൻ ന​ട​പ്പി​ലാ​കാ​നാ​ണ് സാ​ധ്യ​ത.
അ​തേ​സ​മ​യം പ്ര​സ​വ​ചി​കി​ത്സാ വി​ഭാ​ഗം അ​മ്മ​യും കു​ഞ്ഞും ആ​ശു​പ​ത്രി​യി​ലേ​ക്ക് മാ​റ്റു​ന്ന​തോ​ടെ ജി​ല്ലാ ആ​ശു​പ​ത്രി​യി​ൽ ല​ക്ഷ​ങ്ങ​ൾ ചെ​ല​വ​ഴി​ച്ച് സ്ഥാ​പി​ച്ച ആ​ധു​നി​ക സൗ​ക​ര്യ​ങ്ങ​ളു​ള്ള പ്ര​സ​വ​ചി​കി​ത്സാ വാ​ർ​ഡു​ക​ളും ന​വ​ജാ​ത​ശി​ശു പ​രി​ച​ര​ണ വി​ഭാ​ഗ​വും വെ​റു​തെ​യാ​കും. അ​തു മു​ഴു​വ​ൻ പൊ​ളി​ച്ചു​മാ​റ്റി അ​മ്മ​യും കു​ഞ്ഞും ആ​ശു​പ​ത്രി​യി​ൽ സ്ഥാ​പി​ക്കു​ക​യെ​ന്ന​ത് പ്രാ​യോ​ഗി​ക​വു​മ​ല്ല.


ജി​ല്ല​യി​ല്‍ ത​ന്നെ സ​ര്‍​ക്കാ​ര്‍ ത​ല​ത്തി​ല്‍ ഏ​റ്റ​വും മി​ക​ച്ച സൗ​ക​ര്യ​ങ്ങ​ളു​ള്ള പ്ര​സ​വ​ചി​കി​ത്സാ വി​ഭാ​ഗ​മാ​ണ് നി​ല​വി​ല്‍ ജി​ല്ലാ ആ​ശു​പ​ത്രി​യി​ലു​ള്ള​ത്. അ​മ്മ​യും കു​ഞ്ഞും ആ​ശു​പ​ത്രി പ്ര​ത്യേ​ക​മാ​യി തു​ട​ങ്ങാ​ന്‍ തീ​രു​മാ​ന​മാ​യ​തി​നു ശേ​ഷ​വും ഈ ​മേ​ഖ​ല​യ്ക്കാ​യി കേ​ന്ദ്ര സ​ര്‍​ക്കാ​രി​ല്‍ നി​ന്നു​ള്‍​പ്പെ​ടെ ല​ഭി​ച്ച ഫ​ണ്ട് മു​ഴു​വ​നും വി​നി​യോ​ഗി​ച്ച​ത് ജി​ല്ലാ ആ​ശു​പ​ത്രി​യി​ലെ സൗ​ക​ര്യ​ങ്ങ​ള്‍ വ​ര്‍​ധി​പ്പി​ക്കു​ന്ന​തി​നാ​ണ്.

ജി​ല്ലാ ആ​ശു​പ​ത്രി​യി​ല്‍ അ​ത്യ​ന്താ​ധു​നി​ക സം​വി​ധാ​ന​ങ്ങ​ളു​ള്ള ന​വ​ജാ​ത ശി​ശു പ​രി​പാ​ല​ന യൂ​ണി​റ്റ് ആ​രോ​ഗ്യ​മ​ന്ത്രി​യെ​ത്തി ഉ​ദ്ഘാ​ട​നം ചെ​യ്ത​ത് ക​ഷ്ടി​ച്ച് ര​ണ്ടു​വ​ർ​ഷം മു​മ്പാ​ണ്. ല​ക്ഷ​ങ്ങ​ള്‍ വി​ല​മ​തി​ക്കു​ന്ന ഉ​പ​ക​ര​ണ​ങ്ങ​ളാ​ണ് ഇ​വി​ടെ​യും പ്ര​സ​വ​ചി​കി​ത്സാ വി​ഭാ​ഗ​ത്തി​ലും സ്ഥാ​പി​ച്ചി​ട്ടു​ള്ള​ത്.

ഇ​തി​നാ​യി പ്ര​ത്യേ​ക മു​റി​ക​ളും വാ​ര്‍​ഡു​ക​ളും സ​ജ്ജീ​ക​രി​ക്കു​ന്ന​തി​നാ​യി ചെ​ല​വ​ഴി​ച്ച ല​ക്ഷ​ങ്ങ​ള്‍ അ​തി​നു പു​റ​മെ​യാ​ണ്. ഇ​വ​യെ​ല്ലാം വെ​റു​തെ​യാ​കു​ന്ന​തി​നൊ​പ്പം ഇ​നി അ​മ്മ​യും കു​ഞ്ഞും ആ​ശു​പ​ത്രി​യി​ൽ എ​ല്ലാം വീ​ണ്ടും ഒ​ന്നി​ൽ​നി​ന്ന് തു​ട​ങ്ങേ​ണ്ട അ​വ​സ്ഥ​യാ​കും.

പ്ര​സ​വ​ചി​കി​ത്സാ വി​ഭാ​ഗ​ത്തി​നും ന​വ​ജാ​ത​ശി​ശു പ​രി​ച​ര​ണ​ത്തി​നു​മു​ള്ള അ​ടി​സ്ഥാ​ന​സൗ​ക​ര്യ​ങ്ങ​ളൊ​രു​ക്കാ​ൻ ത​ന്നെ വീ​ണ്ടും ല​ക്ഷ​ങ്ങ​ൾ ചെ​ല​വ​ഴി​ക്കേ​ണ്ടി​വ​രും.