പു​തി​യ ബ​സ് സ്റ്റാ​ൻ​ഡ് ഇ​പ്പോ​ഴും പ​ഴ​യ​പ​ടി
Saturday, August 24, 2024 1:43 AM IST
കാ​ഞ്ഞ​ങ്ങാ​ട്: നി​ർ​മാ​ണം പൂ​ർ​ത്തി​യാ​യി വ​ർ​ഷ​ങ്ങ​ൾ ക​ഴി​ഞ്ഞി​ട്ടും ശാ​പ​മോ​ക്ഷ​മാ​കാ​തെ കാ​ഞ്ഞ​ങ്ങാ​ട് ആ​ലാ​മി​പ്പ​ള്ളി​യി​ലെ പു​തി​യ ബ​സ് സ്റ്റാ​ൻ​ഡ്. ഷോ​പ്പിം​ഗ് കോം​പ്ല​ക്സി​ലെ ക​ട​മു​റി​ക​ളു​ടെ ലേ​ലം ക​ഴി​ഞ്ഞാ​ലു​ട​ൻ ബ​സ് സ്റ്റാ​ൻ​ഡ് സ​ജീ​വ​മാ​കു​മെ​ന്നാ​യി​രു​ന്നു ഏ​റ്റ​വു​മൊ​ടു​വി​ൽ ന​ഗ​ര​സ​ഭ​യു​ടെ പ്ര​ഖ്യാ​പ​നം. ഉ​യ​ർ​ന്ന വാ​ട​ക​യു​ടെ​യും സ്ഥി​ര​നി​ക്ഷേ​പ​ത്തി​ന്‍റെ​യും പേ​രി​ൽ ക​ട​മു​റി​ക​ൾ ലേ​ല​ത്തി​നെ​ടു​ക്കാ​ൻ വ്യാ​പാ​രി​ക​ൾ ത​യാ​റാ​കാ​തി​രു​ന്ന​തോ​ടെ സ​ർ​ക്കാ​രി​ന്‍റെ അ​നു​മ​തി വാ​ങ്ങി വാ​ട​ക​യും സ്ഥി​ര​നി​ക്ഷേ​പ​വും കു​റ​ച്ചു. തൊ​ട്ടു​പി​ന്നാ​ലെ ക​ട​മു​റി​ക​ളെ​ല്ലാം റി​ക്കാ​ർ​ഡ് തു​ക​യ്ക്ക് ലേ​ല​ത്തി​ൽ പോ​വു​ക​യും ചെ​യ്തു. അ​തു ക​ഴി​ഞ്ഞി​ട്ടി​പ്പോ​ൾ ആ​റു​മാ​സ​മാ​കു​ന്നു. ക​ട​മു​റി​ക​ൾ ലേ​ല​ത്തി​നെ​ടു​ത്ത​വ​ർ​ക്ക് കൈ​മാ​റി പ്ര​വ​ർ​ത്ത​ന​സ​ജ്ജ​മാ​ക്കു​ന്ന​തി​നു​ള്ള ന​ട​പ​ടി​ക​ൾ ഇ​നി​യും പൂ​ർ​ത്തി​യാ​യി​ട്ടി​ല്ല.

ലേ​ലം ക​ഴി​ഞ്ഞയു​ട​ൻ ലോ​ക്സ​ഭാ തെ​ര​ഞ്ഞെ​ടു​പ്പി​ന്‍റെ പെ​രു​മാ​റ്റ​ച്ച​ട്ടം വ​ന്ന​താ​ണ് ലേ​ല​ന​ട​പ​ടി​ക​ൾ പൂ​ർ​ത്തീ​ക​രി​ക്കു​ന്ന​തി​ന് ത​ട​സ​മാ​യ​തെ​ന്നാ​യി​രു​ന്നു നേ​ര​ത്തേ ന​ഗ​ര​സ​ഭാ അ​ധി​കൃ​ത​രു​ടെ വി​ശ​ദീ​ക​ര​ണം. പെ​രു​മാ​റ്റ​ച്ച​ട്ടം മാ​റി​യി​ട്ട് ഇ​പ്പോ​ൾ മൂ​ന്നു​മാ​സ​മാ​കാ​ൻ പോ​കു​ന്നു.

ബ​സ് സ്റ്റാ​ൻ​ഡ് നി​ർ​മാ​ണ​ത്തി​നാ​യി ഹ​ഡ്കോ​യി​ൽ നി​ന്നെ​ടു​ത്ത വാ​യ്പ വ​ർ​ഷ​ങ്ങ​ളാ​യി ന​ഗ​ര​സ​ഭ​യു​ടെ ത​ന​തു​ഫ​ണ്ടി​ൽ നി​ന്ന് തി​രി​ച്ച​ട​ച്ചു​കൊ​ണ്ടി​രി​ക്കു​ക​യാ​ണ്. കോ​ടി​ക​ളു​ടെ ബാ​ധ്യ​ത​യാ​ണ് ഈ​യി​ന​ത്തി​ൽ ന​ഗ​ര​സ​ഭ​യ്ക്കു​ണ്ടാ​കു​ന്ന​ത്. സ്ഥി​ര​നി​ക്ഷേ​പ​വും മാ​സ​വാ​ട​ക​യും കി​ട്ടി​ത്തു​ട​ങ്ങി​യാ​ൽ ഇ​ക്കാ​ര്യ​ത്തി​ലെ​ങ്കി​ലും ആ​ശ്വാ​സ​മാ​കു​മാ​യി​രു​ന്നു. പ​ക്ഷേ അ​തി​നു​ള്ള താ​ത്പ​ര്യം പോ​ലും ന​ഗ​ര​സ​ഭ​യു​ടെ ഭാ​ഗ​ത്തു​നി​ന്ന് ഉ​ണ്ടാ​കു​ന്നി​ല്ല.


കോ​ടി​ക​ൾ ചെ​ല​വ​ഴി​ച്ച് നി​ർ​മാ​ണം പൂ​ർ​ത്തി​യാ​ക്കി​യെ​ങ്കി​ലും പു​തി​യ ബ​സ് സ്റ്റാ​ൻ​ഡ് പ്ര​വ​ർ​ത്ത​ന​ക്ഷ​മ​മാ​ക്കു​ന്ന കാ​ര്യ​ത്തി​ൽ പ്ര​ത്യേ​കി​ച്ച് ഒ​രു താ​ത്പ​ര്യ​വു​മി​ല്ലാ​ത്ത രീ​തി​യി​ലാ​ണ് ന​ഗ​ര​സ​ഭാ അ​ധി​കൃ​ത​ർ പ്ര​വ​ർ​ത്തി​ക്കു​ന്ന​തെ​ന്ന ആ​ക്ഷേ​പം നേ​ര​ത്തേ ബ​സു​ട​മ​ക​ളു​ടെ​യും നാ​ട്ടു​കാ​രു​ടെ​യും ഭാ​ഗ​ത്തു​നി​ന്ന് ഉ​യ​ർ​ന്നി​രു​ന്നു. വ​ർ​ഷ​ങ്ങ​ളാ​യി ന​ഗ​ര​ത്തി​ലെ പൊ​തു​പ​രി​പാ​ടി​ക​ൾ​ക്കും എ​ക്സി​ബി​ഷ​നു​ക​ൾ​ക്കു​മു​ള്ള വേ​ദി മാ​ത്ര​മാ​യി ഒ​തു​ങ്ങു​ക​യാ​ണ് പു​തി​യ ബ​സ് സ്റ്റാ​ൻ​ഡ്. വ​രു​ന്ന ഓ​ണ​ക്കാ​ല​ത്തും ഇ​വി​ടം ഓ​ണ​ച്ച​ന്ത​ക​ൾ​ക്കും എ​ക്സി​ബി​ഷ​നു​ക​ൾ​ക്കു​മു​ള്ള വേ​ദി​യാ​യി ഒ​തു​ങ്ങാ​നാ​ണ് സാ​ധ്യ​ത.

ടാ​റിം​ഗ് ഇ​ള​കി കു​ഴി​ക​ൾ നി​റ​ഞ്ഞു​കി​ട​ക്കു​ന്ന ടൗ​ണി​ലെ പ​ഴ​യ ബ​സ് സ്റ്റാ​ൻ​ഡ് അ​റ്റ​കു​റ്റ​പ​ണി​ക​ൾ​ക്കാ​യി അ​ട​ച്ചി​ടു​മെ​ന്നും പു​തി​യ സ്റ്റാ​ൻ​ഡ് പൂ​ർ​ണ രൂ​പ​ത്തി​ൽ പ്ര​വ​ർ​ത്ത​ന​സ​ജ്ജ​മാ​ക്കു​മെ​ന്നും മ​ഴ​യ്ക്കു മു​മ്പേ പ്ര​ഖ്യാ​പ​ന​മു​ണ്ടാ​യി​രു​ന്നു. പ​ക്ഷേ അ​തും ന​ട​പ്പാ​യി​ല്ല. ചെ​ളി​വെ​ള്ളം നി​റ​ഞ്ഞ കു​ഴി​ക​ളി​ൽ ആ​ടി​യു​ല​ഞ്ഞു​കൊ​ണ്ടാ​ണ് പ​ഴ​യ സ്റ്റാ​ൻ​ഡി​ലൂ​ടെ ബ​സു​ക​ൾ നീ​ങ്ങു​ന്ന​ത്. ഇ​പ്പോ​ൾ മ​ഴ മാ​റി​നി​ന്നി​ട്ടും ഇ​ക്കാ​ര്യ​ത്തി​ൽ ന​ഗ​ര​സ​ഭ​യു​ടെ ഭാ​ഗ​ത്തു​നി​ന്ന് ന​ട​പ​ടി​ക​ളൊ​ന്നും ഉ​ണ്ടാ​കു​ന്നി​ല്ല.

ക​ഴി​ഞ്ഞ ന​ഗ​ര​സ​ഭാ തെ​ര​ഞ്ഞെ​ടു​പ്പി​ന് തൊ​ട്ടു​മു​മ്പാ​ണ് ആ​ലാ​മി​പ്പ​ള്ളി ബ​സ് സ്റ്റാ​ൻ​ഡി​ൽ ഉ​ദ്ഘാ​ട​ന മാ​മാ​ങ്കം ന​ട​ന്ന​ത്. പ​ഴ​യ സി​നി​മ​ക​ൾ വീ​ണ്ടും പു​റ​ത്തി​റ​ക്കു​ന്ന​തു​പോ​ലെ അ​ടു​ത്ത വ​ർ​ഷം തെ​ര​ഞ്ഞെ​ടു​പ്പി​നു മു​മ്പ് വീ​ണ്ടു​മൊ​രു ഉ​ദ്ഘാ​ട​നം ന​ട​ത്താ​നാ​ണോ ന​ഗ​ര​സ​ഭാ അ​ധി​കൃ​ത​ർ കാ​ത്തി​രി​ക്കു​ന്ന​തെ​ന്നാ​ണ് ഇ​പ്പോ​ൾ നാ​ട്ടു​കാ​രു​ടെ ചോ​ദ്യം.