കാഞ്ഞങ്ങാട്: ആലുവ എടത്തല അല് അമീന് കോളജില് നടന്ന സംസ്ഥാന വടംവലി ചാമ്പ്യന്ഷിപ്പില് കാസര്ഗോഡിന് മിന്നുന്നവിജയം. 11 കാറ്റഗറിയില് നടന്ന മത്സരത്തില് ഏഴ് ഇനത്തിനും കാസര്ഗോഡ് ജില്ലാ ടീം മെഡലുകള് നേടി. അണ്ടര്-19 ആണ്കുട്ടികളുടെ വിഭാഗത്തില് ഒന്നാം സ്ഥാനവും മിക്സഡ് വിഭാഗത്തില് രണ്ടാംസ്ഥാനവും അണ്ടര്-17 ആണ്, പെണ്, മിക്സഡ് വിഭാഗങ്ങളിലും അണ്ടര്-15, 13 പെണ്കുട്ടികളുടെ വിഭാഗത്തില് മൂന്നാംസ്ഥാനം നേടി.
കുണ്ടംകുഴി ജിഎച്ച്എസ്എസിലെ രഹന്, അഭിഷേക് ബി. സതീഷ്, ആദര്ശ്, അമല്, ദക്ഷിണ്, ശ്രീഹരി, അഭിഷേക്, അഭിറാം, തോമപുരം സെന്റ് തോമസ് എച്ച്എസ്എസിലെ എം.എസ്. അലന്ജോ, ഇവിന് ഷിബു എന്നിവരാണ് ഒന്നാം സ്ഥാനം നേടിയ ടീമിലെ അംഗങ്ങള്. ജില്ലയെ പ്രതിനിധീകരിച്ച് ബന്തടുക്ക ജിഎച്ച്എസ്എസ്, ബാനം ജിഎച്ച്എസ്, വെള്ളരിക്കുണ്ട് സെന്റ് ജൂഡ്സ് എച്ച്എസ്എസ് സ്കൂളിലെ വിദ്യാര്ഥികളും ജില്ലയ്ക്കുവേണ്ടി കളത്തിലിറങ്ങി. കെ. വാസന്തി, കെ.എം. റിജു, ഷൈജന് ചാക്കോ, മണി ബാനം, ശിവരാജ് എന്നിവരാണ് ടീം കോച്ചുമാര്. ജില്ലാ സെക്രട്ടറി എം.വി. രതീഷ് വെള്ളച്ചാല് സെലക്ടറും ബാബു കോട്ടപ്പാറ റഫറിയുമായിരുന്നു.