മാലോം: വള്ളിക്കടവ് സെന്റ് സാവിയോ ഇംഗ്ലീഷ് മീഡിയം സ്കൂളിലെ വിദ്യാർഥികളുടെ സർഗാത്മക സൃഷ്ടികൾ ഉൾക്കൊള്ളിച്ചുകൊണ്ട് തയാറാക്കിയ ബ്ലൂമിംഗ് ബഡ്സ് എന്ന വാർത്താപത്രിക ബ്ലോക്ക് പഞ്ചായത്ത് അംഗം ഷോബി ജോസഫ് മാലോം ഫൊറോന വികാരി ഫാ. ജോസഫ് തൈക്കുന്നുംപുറത്തിന് നൽകി പ്രകാശനം ചെയ്തു.
സ്കൂൾ വൈസ് പ്രിൻസിപ്പൽ സിസ്റ്റർ ക്രിസ്റ്റീന എസ്എബിഎസ് അധ്യക്ഷത വഹിച്ചു. പഞ്ചായത്ത് അംഗം ജെസി കിഴക്കനാകത്ത്, സ്കൂൾ മാനേജർ സിസ്റ്റർ ടെസ്മി എസ്എബിഎസ്, വിദ്യാർഥികളായ അന്ന രാരിച്ചൻ, എഡ്വിൻ സിജോ, ഐവിൻ ജിബു എന്നിവർ പ്രസംഗിച്ചു. തുടർന്ന് കുട്ടികളുടെ വിവിധ കലാപരിപാടികളും അരങ്ങേറി.