പുൽപ്പള്ളി: സെന്റ് തോമസ് അസോസിയേഷൻ ഫോർ റൂറൽ സർവീസ്(സ്റ്റാർസ്)സ്നേഹജ്വാല സൊസൈറ്റിയുടെ സഹകരണത്തോടെ ജൈവഗ്രാമ ക്ലസ്റ്ററിലെ കർഷകർക്ക് ജൈവവളങ്ങൾ വിതരണം ചെയ്തു. ഇൻഡോസെർട്ട് സർട്ടിഫിക്കേഷൻ കന്പനിയുടെ വളം നാഷണൽ എൻജിഒ കോണ്ഫെഡറേഷന്റെ 50 ശതമാനം സബ്സിഡിയോടെയാണ് ലഭ്യമാക്കിയത്.
മരകാവ് സെന്റ് തോമസ് പാരിഷ് ഹാളിൽ സ്നേഹജ്വാല പ്രസിഡന്റ് സിസ്റ്റർ ആൻസ് മരിയ എസ്എബിഎസ് ഉദ്ഘാടനം ചെയ്തു. വാർഡ് അംഗം ഡോ.ജോമറ്റ് കോതവഴിക്കൽ അധ്യക്ഷത വഹിച്ചു. സിസ്റ്റർ അപ്പിത എസ്എബിഎസ്, പഞ്ചായത്തംഗം ജോഷി ചാരുവേലിൽ, സ്റ്റാഴ്സ് പ്രതിനിധി ജോർജ് കൊല്ലിയിൽ, ബേബി തുത്തിൽ, മാത്യു മാർക്കരയിൽ എന്നിവർ പ്രസംഗിച്ചു.