ADVERTISEMENT

ADVERTISEMENT

മുതിർന്ന പൗരൻമാർക്ക് നിയമ ബോധവത്കരണം നൽകി

പൊഴുതന: ജില്ലാ ജനമൈത്രി പോലീസിന്‍റെ നേതൃത്വത്തിൽ പഞ്ചായത്തിലെ വയോജന കൂട്ടായ്മ അംഗങ്ങൾക്ക് നിയമ ബോധവത്കരണം നൽകി.

പഞ്ചായത്ത് കമ്മ്യൂണിറ്റി ഹാളിൽ ജനമൈത്രി ജില്ലാ അസിസ്റ്റന്‍റ് നോഡൽ ഓഫീസർ കെ.എം. ശശിധരൻ ഉദ്ഘാടനം ചെയ്തു. പി. ആലി അധ്യക്ഷത വഹിച്ചു. മൊയ്തീൻ കുട്ടി, വിശ്വനാഥൻ, ഓമനയമ്മ എന്നിവർ പ്രസംഗിച്ചു.

"വയോജനങ്ങളും മാനസികാരോഗ്യവും’ എന്ന വിഷയത്തിൽ സിവിൽ പോലീസ് ഓഫീസർ എസ്.എസ്. അഖിൽ ക്ലാസെടുത്തു.

ADVERTISEMENT

താളൂർ ബസ് സ്റ്റാൻഡിൽ തമിഴ്നാടിന്‍റെ ബോർഡ്: എംഎൽഎമാർ ചർച്ച നടത്തി

സുൽത്താൻബത്തേരി: നെൻമേനി പഞ്ചായത്ത് പരിധിയിലെ താളൂർ ബസ് സ്റ്റാൻഡിലെ തമിഴ്നാട് ബോർഡുകൾ മാറ്റുന്നത് സംബന്ധിച്ച് ഐ.സി. ബാലകൃഷ്ണൻ എംഎൽഎയും ഗൂഡല്ലൂർ എംഎൽഎ പൊൻജയശീലനും താളൂരിൽ ചർച്ച നടത്തി. നെൻമേനി പഞ്ചായത്ത് വൈസ് പ്രസിഡന്‍റ് ടിജി ചെറുതോട്ടിൽ, സ്റ്റാൻഡിംഗ് കമ്മിറ്റി അധ്യക്ഷരായ സുജാത ഹരിദാസ്, ജയ മുരളി, വി.ടി. ബേബി, അംഗങ്ങളായ കെ.വി. ശശി, ഉഷ വേലായുധൻ, തഹസിൽദാർമാരായ എം.എസ്. ശിവദാസൻ, സുരാജ് നിഷ, രാഷ്ട്രീയപ്പാർട്ടി നേതാക്കളായ കെ.കെ. പോൾസൻ, മൊയ്തീൻ കരടിപ്പാറ, ഷാജി ചുള്ളിയോട്, രാജേഷ് നന്പിച്ചാൻകുടി തുടങ്ങിയവരുടെ സാന്നിധ്യത്തിലായിരുന്നു ചർച്ച. ബത്തേരി എംഎൽഎയുടെ ആസ്തി വികസന നിധിയിൽനിന്നു താളൂർ ബസ്‌സ്റ്റാൻഡ് നിർമാണത്തിന് 54 ലക്ഷം രൂപ അനുവദിച്ചിരുന്നു. പ്രവൃത്തി ആരംഭിക്കാൻ കരാറുകാരൻ എത്തിയപ്പോളാണ് ബോർഡ് പ്രശ്നം ഉടലെടുത്തത്. തമിഴ്നാട് സർക്കാർ ദശകങ്ങൾ മുന്പ് സ്ഥാപിച്ച രണ്ട് ബോർഡുകൾ സ്ഥലത്തുണ്ട്. ഈ ബോർഡുകൾ നീക്കം ചെയ്യുകയോ മാറ്റാൻ അനുമതി ലഭ്യമാക്കുകയോ ചെയ്യണമെന്ന് ആവശ്യപ്പെട്ട് ചേരന്പാടി പഞ്ചായത്ത്, ഗൂഡല്ലൂർ ബ്ലോക്ക് പഞ്ചായത്ത് അധികൃതർക്ക് നെൻമേനി പഞ്ചായത്ത് കത്ത് നൽകിയെങ്കിലും നടപടി ഉണ്ടായില്ല. ഇതേത്തുടർന്ന് നെൻമേനി പഞ്ചായത്ത് ഭരണസമിതി മുൻകൈയെടുത്താണ് സെന്‍റ് മേരീസ് ഓർത്തഡോക്സ് പള്ളി ഹാളിൽ ചർച്ച സംഘടിപ്പിച്ചത്. വിഷയം വയനാട്, നീലഗിരി ജില്ലാ കളക്ടർമാരുടെ ശ്രദ്ധയിൽപ്പെടുത്താനും എത്രയും വേഗം പരിഹരിക്കാനും ചർച്ചയിൽ തീരുമാനമായി.

കാട്ടാനക്കൂട്ടം കൃഷി നശിപ്പിച്ചു

ഗൂഡല്ലൂർ: നെല്ലാക്കോട്ട പഞ്ചായത്തിലെ പാട്ടവയൽ, വീട്ടിപ്പടി, കൈവട്ട മേഖലകളിൽ കാട്ടാനശല്യം രൂക്ഷമായി. കഴിഞ്ഞദിവസം രാത്രി വീട്ടിപ്പടിയിൽ ഇറങ്ങിയ രണ്ട് ആനകൾ പ്രദേശത്തെ അബ്ദുൾ അസീസ്, കെ.കെ. ബാവ, കെ.കെ. അബ്ദുൾ കരീം എന്നിവരുടെ വാഴക്കൃഷി നശിപ്പിച്ചു. ആയിരക്കണക്കിനു രൂപയുടെ നഷ്ടമാണ് കർഷകർക്കുണ്ടായത്. നേരം ഇരുട്ടുന്നതോടെ ജനവാസ മേഖലയിൽ എത്തുന്ന ആനകൾ നാട്ടുകാരെ മുൾമുനയിൽ നിർത്തുകയാണ്. ആനകളെ ഉൾവനത്തിലേക്ക് തുരത്തണമെന്നാണ് നാട്ടുകാരുടെ ആവശ്യം.

തൃശിലേരിയിൽ മാംഗോ ഫെസ്റ്റ് നടത്തി

മാനന്തവാടി: തൃശിലേരി ഗവ. ഹയർ സെക്കഡറി സ്കൂളിൽ നാട്ടുമാഞ്ചോട്ടിൽ എന്ന പേരിൽ മാങ്ങ ഫെസ്റ്റ് നടത്തി. അന്പത് വിത്യസ്തയിനം മാങ്ങൾ ഉപയോഗിച്ചാണ് ഫെസ്റ്റ് നടത്തിയത്. ഫെസ്റ്റിനോടനുബന്ധിച്ച് ജില്ല കേന്ദ്രമാക്കി നാട്ടുമാഞ്ചോട്ടിൽ എന്ന സംഘടനയും രൂപീകരിച്ചു. കേരള ശാസ്ത്ര സാഹിത്യ പരിഷത്ത്, വാക്ക് തൃശിലേരി, നാഷണൽ സർവീസ് സ്കീം, ഗൈഡ്സ് തൃശിലേരി യൂണിറ്റ് എന്നിവർ സംയുക്തമായാണ് ഫെസ്റ്റ് നടത്തിയത്. മൂന്ന് സംസ്ഥാനങ്ങളിൽ നിന്നുള്ള വ്യത്യസ്തയിനം മാങ്ങകളും അവയുപയോഗിച്ചുണ്ടാക്കിയ ഭക്ഷ്യോത്പന്നങ്ങളും പ്രദർശിപ്പിച്ചു. കാലാപാടി, റുമാനിയ, നീലൻ, സീന്ദൂർ, ബംഗനപ്പള്ളി, മല്ലിക, മൾഗോവ തുടങ്ങിയ ഇനം മാങ്ങകളും മാന്പഴപുളിശേരി, മാങ്ങാ പച്ചടി, മാങ്ങാ പ്രഥമൻ, മാങ്ങാ കഞ്ഞി, മധുര അച്ചാർ, കടുമാങ്ങ അച്ചാർ, മാങ്ങാ ചമ്മന്തി, മാങ്ങാ രസായനം തുടങ്ങി മാങ്ങകൾ ഉപയോഗിച്ചുണ്ടാക്കിയ വിഭവങ്ങളും ഏവരുടെയും ശ്രദ്ധയാകർഷിച്ചു.

കൃപാലയ സ്കൂളിൽ ഡോക്ടർമാരുടെ ദിനം ആഘോഷിച്ചു

പുൽപ്പള്ളി: കൃപാലയ സ്പെഷൽ സ്കൂളിൽ ഡോക്ടർമാരുടെ ദിനം ആഘോഷിച്ചു. സാമൂഹികാരോഗ്യ കേന്ദ്രത്തിലെ മെഡിക്കൽ ഓഫീസർ ഡോ.പ്രഭാകരനെ ആദരിച്ചു. പ്രിൻസിപ്പൽ സിസ്റ്റർ ആൻസീന ഉദ്ഘാടനം ചെയ്തു. ടി.യു. ഷിബു അധ്യക്ഷത വഹിച്ചു. ഹെൽത്ത് ഇൻസ്പെക്ടർ മനോജ്, സി.ഡി. ബാബു, സസ്റ്റർ ടീസ, സിസ്റ്റർ ആൻസ് മരിയ, സിസ്റ്റർ ദിയ, ലിന്‍റ മോൾ, സിസ്റ്റർ ആൻ ട്രീസ, സിസ്റ്റർ ജിൽസ, സിസ്റ്റർ ജിൻസി, സിസ്റ്റർ സെലിൻ, രഞ്ജിത എന്നിവർ പ്രസംഗിച്ചു.

ഡോ.ടി.പി.വി. സുരേന്ദ്രനെ ആദരിച്ചു

കൽപ്പറ്റ: ജില്ലയിലെ മുതിർന്ന ഡോക്ടർമാരിൽ ഒരാളായ ടി.പി.വി. സുരേന്ദ്രനെ ഡോക്ടേഴ്സ് ദിനത്തിൽ സീനിയർ സിറ്റിസണ്‍സ് സംസ്ഥാന കൗണ്‍സിൽ ആദരിച്ചു.ലിയോ ഹോസ്പിറ്റൽ കോണ്‍ഫറൻസ് ഹാളിൽ(ഡോ. ബി.സി. റോയി നഗർ) നടന്ന ചടങ്ങ് ടി. സിദ്ദിഖ് എംഎൽഎ ഉദ്ഘാടനം ചെയ്തു. കഴിഞ്ഞ അഞ്ച് പതിറ്റാണ്ടിനിടെ വയനാട്ടിൽ ആതുരസേവന രംഗത്ത് വിലപ്പെട്ട സംഭാവനകളാണ് ഡോ.സുരേന്ദ്രൻ നൽകിയതെന്നു എംഎൽഎ പറഞ്ഞു. ഡോ.സുരേന്ദ്രനെ അദ്ദേഹം പൊന്നാട അണിയിച്ചു. അഡ്വ.പി. ചാത്തുകുട്ടി അധ്യക്ഷത വഹിച്ചു. ഡോ.പി. ലക്ഷ്മണൻ, ബി. രാധാകൃഷ്ണപിള്ള, പി.ടി. ഗോപാലക്കുറുപ്പ്, റസാഖ് കൽപ്പറ്റ, ഡോ.ഗോകുൽദേവ്, സുലോചന രാമകൃഷ്ണൻ, വി.പി. വർക്കി, കടമന ബാബു, ഉണ്ണിക്കൃഷ്ണൻ ചിക്കല്ലൂർ, ഏച്ചോം ഗോപി എന്നിവർ പ്രസംഗിച്ചു.

കോണ്‍ഗ്രസ് മെഡിക്കൽ കോളജ് ആശുപത്രി മാർച്ച് നടത്തി

മാനന്തവാടി: ജില്ലാ കോണ്‍ഗ്രസ് കമ്മിറ്റിയുടെ നേതൃത്വത്തിൽ മെഡിക്കൽ കോളജ് ആശുപത്രിയിലേക്ക് മാർച്ച് നടത്തി. ആരോഗ്യമേഖലയെ തകർക്കുന്ന സർക്കാർ നയങ്ങളിൽ പ്രതിഷേധിച്ചും ആരോഗ്യമന്ത്രിയുടെ രാജി ആവശ്യപ്പെട്ടും പാർട്ടി സംസ്ഥാന വ്യാപകമായി ആഹ്വാനം ചെയ്തതനുസരിച്ചായിരുന്നു സമരം. പോലീസ് വലയം ഭേദിച്ച് പ്രവർത്തകർ ആശുപത്രി പരിസരത്ത് പ്രവേശിച്ചത് കുറച്ചുനേരം സംഘർഷത്തിനു കാരണമായി. രംഗം ശാന്തമായശേഷം നടന്ന യോഗം ടി. സിദ്ദിഖ് എംഎൽഎ ഉദ്ഘാടനം ചെയ്തു. സർക്കാർ ആരോഗ്യ മേഖലയെ മരണക്കിടക്കയിലാക്കിയെന്നും ആവശ്യത്തിന് ഉപകരണങ്ങളും മരുന്നും ഇല്ലാതെ രോഗികൾക്കു മുന്പിൽ ഡോക്ടർമാർ നിസഹായരായി നിൽക്കേണ്ട അവസ്ഥയാണെന്നും അദ്ദേഹം പറഞ്ഞു. ഡിസിസി പ്രസിഡന്‍റ് എൻ.ഡി. അപ്പച്ചൻ അധ്യക്ഷത വഹിച്ചു. നേതാക്കളായ എ.എം. നിഷാന്ത്, സംഷാദ് മരയ്ക്കാർ, പി.കെ. ജയലക്ഷ്മി, അഡ്വ.എൻ.കെ. വർഗീസ്, ടി.ജെ. ഐസക്, കെ.എൽ. പൗലോസ്, ഒ.വി. അപ്പച്ചൻ, എം.ജി. ബിജു, പി.വി. ജോർജ്, കെ.ഇ. വിനയൻ, എച്ച്.ബി. പ്രദീപ്, പി.പി. ആലി, സുനിൽ ആലക്കൽ എന്നിവർ പ്രസംഗിച്ചു.

ഗ്യാസ് സിലിണ്ടർ ചോർച്ച; വീടിന്‍റെ മേൽക്കൂരയുടെ ഭാഗം തകർന്നു

പുൽപ്പളളി: ഗ്യാസ് സിലിണ്ടർ ചോർച്ചയെത്തുടർന്ന് വീടിന്‍റെ മേൽക്കൂരയുടെ ഭാഗം തകർന്നു. കന്നാരംപുഴ കണ്ടേത്ത് വർഗീസിന്‍റെ വീട്ടിലെ സിലിണ്ടറിലാണ് വാതകച്ചോർച്ച ഉണ്ടായത്. കടുത്ത മർദമാണ് മേൽക്കൂര തകരുന്നതിനു കാരണമായത്. 150 ഓളം ഓട് പൊട്ടി. ഇന്നലെ രാവിലെ ചായയ്ക്ക് വെള്ളം വച്ച് വീട്ടുകാർ പുറത്തിറങ്ങിയപ്പോഴാണ് സംഭവം. ഭാഗ്യത്തിനാണ് പരിക്കില്ലാതെ രക്ഷപ്പെട്ടതെന്നു വീട്ടുകാർ പറഞ്ഞു.

ലഹരിവിരുദ്ധ ബോധവത്കരണം നൽകി

നടവയൽ: കാർഡ് ലൈറ്റ് ടു ലൈഫ് പ്രോജക്ടിന്‍റെ നേതൃത്വത്തിൽ കാവടം, ഹരിതഗിരി, പാതിരിയന്പം ട്യൂഷൻ സെന്‍ററുകളിലെ കുട്ടികൾക്കും രക്ഷിതാക്കൾക്കും ലഹരിവിരുദ്ധ ബോധവത്കരണം നൽകി. കാവടം സെന്‍ററിൽ നടന്ന പരിപാടിയിൽ ആലീസ് ജോയ് അധ്യക്ഷത വഹിച്ചു. കാവലൻ, ആര്യ അനിൽ, ഉഷ അനീഷ് എന്നിവർ പ്രസംഗിച്ചു. എക്സൈസ് ഉദ്യോഗസ്ഥൻ നിക്കോളാസ് ജോസ് ക്ലാസെടുത്തു.

സൂംബ ഡാൻസ്: സർക്കാർ മുന്നോട്ടുപോകണമെന്ന് കെഎസ്ടിസി

കൽപ്പറ്റ: ലഹരിവിരുദ്ധ പ്രവർത്തനങ്ങളുടെ ഭാഗമായി വിദ്യാഭ്യാസ സ്ഥാപനങ്ങളിൽ സൂംബ പരിശീലനം നടത്താനുള്ള തീരുമാനവുമായി മുന്നോട്ടുപോകണമെന്ന് കേരള സ്റ്റേറ്റ് സ്കൂൾ ടീച്ചേഴ്സ് സെന്‍റർ(കെഎസ്ടിസി) ജില്ലാ കമ്മിറ്റി സർക്കാരിനോട് ആവശ്യപ്പെട്ടു. ശാസ്ത്രീയ അടിത്തറയുള്ള വ്യായാമമുറകൾ ശരീരഭാരം കുറയ്ക്കുന്നതിനും ജീവിതശൈലി രോഗ പ്രതിരോധത്തിനും ഉതകുന്നതാണെന്ന് യോഗം ചൂണ്ടിക്കാട്ടി. ഷാനവാസ് ഓണാട്ട് അധ്യക്ഷത വഹിച്ചു. എ.എ. സന്തോഷ് കുമാർ, പി.ജെ. ജോമിഷ്, സിജോയ് ചെറിയാൻ, പി.ആർ. ദിവ്യ, എ.വൈ. നിഷാല, വി.കെ. കൃഷ്ണപ്രസാദ് എന്നിവർ പ്രസംഗിച്ചു.

ഗവ.സ്കൂളുകളിലെ ഭക്ഷണശാലകളിൽ സൗകര്യം മെച്ചപ്പെടുത്തും: മന്ത്രി ഒ.ആർ. കേളു

പനമരം: സർക്കാർ സ്കൂളുകളിലെ ഭക്ഷണശാലകളിൽ സൗകര്യം മെച്ചപ്പെടുത്തുമെന്ന് പട്ടികജാതി-വർഗ പിന്നാക്ക ക്ഷേമ മന്ത്രി ഒ.ആർ. കേളു. നീർവാരം ഗവ.ഹയർ സെക്കൻഡറി സ്കൂളിൽ പുതിയ പാചകപ്പുരയുടെ ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. ജില്ലയിലെ സർക്കാർ സ്കൂളുകളിൽ അടിസ്ഥാന സൗകര്യങ്ങൾ മെച്ചപ്പെടുത്തിവരികയാണെന്നും ഗുണനിലവാരമുള്ള വിദ്യാഭ്യാസമാണ് ഇനി ആവശ്യമെന്നും മന്ത്രി പറഞ്ഞു. പിടിഎ പ്രസിഡന്‍റ് എം.എസ്. സനീഷ് അധ്യക്ഷത വഹിച്ചു. ജില്ലാ പഞ്ചായത്ത് ഡിവിഷൻ അംഗം ബിന്ദു പ്രകാശ്, ബ്ലോക്ക് പഞ്ചായത്ത് ഡിവിഷൻ അംഗം നിഖില പി. ആന്‍റണി, പഞ്ചായത്ത് മെംബർമാരായ ജയിംസ് കാഞ്ഞിരത്തിങ്കൽ, കല്യാണി ബാബു, മാനന്തവാടി എഇഒ എം. സുനിൽ കുമാർ, ഉച്ചഭക്ഷണ പദ്ധതി ഓഫീസർ പി.സി. സന്തോഷ്, പ്രിൻസിപ്പൽ ഇൻ ചാർജ് ടി.എം. സന്തോഷ്, ഹെഡ്മിസ്ട്രസ് ട്രീസ കെന്നി ഫെർണാണ്ടസ്, എച്ച്എസ്എസ് സീനിയർ അസിസ്റ്റന്‍റ് സജി ജയിംസ്, എച്ച്എസ് സീനിയർ അസിസ്റ്റന്‍റ് ടി.വി. ശ്രീജ, എച്ച്എസ്എസ് മാനേജ്മെന്‍റ് കമ്മിറ്റി ചെയർമാൻ കെ.എസ്. പ്രദീഷ്, എംപിടിഎ പ്രസിഡന്‍റ് എൻ. ജലജ, കെ.എ. ഫിലോമിന എന്നിവർ പ്രസംഗിച്ചു.

അശാസ്ത്രീയമായ പരിഷ്കാരങ്ങൾ പൊതു വിദ്യാലയങ്ങളെ തകർക്കും: കെപിഎസ്ടിഎ

സുൽത്താൻ ബത്തേരി: പൊതുവിദ്യാഭ്യാസ വകുപ്പിൽ നിന്നും പുറത്തിറങ്ങുന്ന ഉത്തരവുകൾ പൊതുവിദ്യാലയങ്ങളിൽ നിന്നും കുട്ടികളെ അകറ്റുന്ന തരത്തിലുള്ളവയാണെന്ന് ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ. ബത്തേരിയിൽ കേരള പ്രദേശ് സ്കൂൾ ടീച്ചേഴ്സ് അസോസിയേഷൻ ജില്ലാ നേതൃത്വ പരിശീലന ക്യാന്പ് ഉദ്ഘാടനം ചെയ്തു പ്രസംഗിക്കുകയാരുന്നു അദ്ദേഹം. അധ്യാപകരുടെ ചെലവിൽ സർക്കാർ മേനി നടിക്കേണ്ട. പരിഷ്കരിച്ച ഉച്ചഭക്ഷണമെനുവിന്‍റെ സാന്പത്തികബാധ്യത പ്രധാനാധ്യാപകരുടെ മേൽ കെട്ടിവയ്ക്കാൻ അനുവദിക്കില്ല. ജില്ലാ പ്രസിഡന്‍റ് ഷാജു ജോണ്‍ അധ്യക്ഷത വഹിച്ചു. സംസ്ഥാനജനറൽ സെക്രട്ടറി പി.കെ. അരവിന്ദൻ, വൈസ് പ്രസിഡന്‍റ് പി.എസ്. ഗിരീഷ് കുമാർ, സെക്രട്ടറി പി.എം. ശ്രീജിത്ത്, ടി.എൻ. സജിൻ, ബിജു മാത്യു, ടി.എം. അനൂപ്, സി.കെ. സേതു, എം. പ്രദീപ്കുമാർ, ഷേർളി സെബാസ്റ്റ്യൻ, കെ.കെ. പ്രേമചന്ദ്രൻ, കെ. സത്യജിത്ത്, ഷിജു കുടിലിൽ, എം.ഒ. ചെറിയാൻ, കെ.ജി. ബിജു, എം.വി. ബിനു എന്നിവർ പ്രസംഗിച്ചു.

ലൈഫ് പദ്ധതി: വയനാട്ടിൽ 26,235 വീടുകൾ നിർമിച്ചു

കൽപ്പറ്റ: ലൈഫ് പദ്ധതിയിൽ വയനാട്ടിൽ 26,235 വീടുകൾ നിർമിച്ചു. ഇത് ലക്ഷ്യമിട്ടതിന്‍റെ 81.17 ശതമാനമാണ്. നിർമാണം പൂർത്തിയായ ആകെ വീടുകളുടെ എണ്ണം സെപ്റ്റംബറോടെ 26,702 ആകും. കണ്ണൂരിൽ മുഖ്യമന്ത്രിയുടെ അധ്യക്ഷതയിൽ ചേർന്ന വയനാട്, കോഴിക്കോട്, കണ്ണൂർ, കാസർഗോഡ് ജില്ലകളുടെ മേഖലാതല അവലോകന യോഗത്തിൽ ബന്ധപ്പെട്ടവർ അറിയിച്ചതാണ് വിവരം. വീട് വയ്ക്കാൻ ഇടം ഇല്ലാത്തവർക്ക് ജനം സ്വമേധയാ ഭൂമി നൽകുന്ന ’മനസോടിത്തിരി മണ്ണ്’ പദ്ധതിയിൽ വയനാട്ടിൽ വാഗ്ദാനം ലഭിച്ച 100 ശതമാനം ഭൂമിയും സർക്കാരിലേക്ക് രജിസ്റ്റർ ചെയ്തു. 1.25 ഏക്കർ ഭൂമിയാണ് സുമനസുകൾ നൽകിയത്. ഈ ഭൂമി ലൈഫ് മിഷനിൽ ഭവന നിർമാണത്തിന് പ്രയോജനപ്പെടുത്തും. ജില്ലയിലെ 98 ശതമാനം വിദ്യാലയങ്ങളിൽ ജൈവമാലിന്യ സംസ്കരണത്തിനും 99 ശതമാനം സ്കൂളുകളിൽ അജൈവമാലിന്യ സംസ്കരണത്തിനും 249 സ്കൂളുകളിൽ (89 ശതമാനം ഇ മാലിന്യ പരിപാലനത്തിനും സംവിധാനമുണ്ടെന്നു ഉദ്യോഗസ്ഥർ അറിയിച്ചു. ഹരിത കേരളം മിഷന്‍റെ നേതൃത്വത്തിൽ ജില്ലയിലെ 100 ശതമാനം തദ്ദേശസ്വയംഭരണ സ്ഥാപനങ്ങളും ജല ബജറ്റ് പ്രസിദ്ധപ്പെടുത്തിയിട്ടുണ്ട്.

അറുതിയില്ലാതെ ഗൂഡല്ലൂർ താലൂക്കിലെ കാട്ടാനശല്യം

ഗൂഡല്ലൂർ: താലൂക്കിന്‍റെ വിവിധ ഭാഗങ്ങളിൽ കാട്ടാനശല്യം വർധിച്ചു. ആനകൾ ഒറ്റയ്ക്കും കൂട്ടമായും ജനവാസ മേഖലകളിൽ ഇറങ്ങുകയാണ്. എട്ടാംമൈൽ, കടച്ചനകൊല്ലി, പള്ളിപ്പാടി, തമിഴർപാടി, നെല്ലിക്കുന്ന്, ദേവർഷോല, ത്രീഡിവിഷൻ, പാടന്തറ, കെണിയംവയൽ, മാക്കമൂല, തേൻവയൽ, കുണ്ടിത്താൽ, കുനിൽവയൽ, സമർട്ടണ്‍, മാർത്തോമാ നഗർ, കോഴിപ്പാലം, തുറപ്പള്ളി, മരപ്പാലം, വാച്ചികൊല്ലി, സിൽവർ ക്ലൗഡ്, ഈപ്പൻകാട്, തോട്ടമൂല, അന്പലക്കാട്, ഈട്ടിമൂല, ആനചത്തകൊല്ലി, ചെളുക്കാടി, കന്പാടി, ദേവൻ, കോട്ടായ്മട്ടം, ബീച്ചനകൊല്ലി, കൗണ്ടൻകൊല്ലി, നടു ഗൂഡല്ലൂർ, നന്തട്ടി, പുളിയംപാറ, കാരക്കുന്ന്, അഞ്ചുകുന്ന്, വുഡ് ബ്രയർ, കറക്കപാളി, മാരക്കര, നാടുകാണി, ഓവാലി പ്രദേശങ്ങളിലാണ് കാട്ടാനശല്യം അതിരൂക്ഷം. രാപകൽ വ്യത്യാസമില്ലാതെയാണ് ഇവിടങ്ങളിൽ കാട്ടാനകളുടെ വിഹാരം. ജനങ്ങൾ ഭീതിയോടെയാണ് കഴിയുന്നത്. ജനവാസ മേഖലയിൽ എത്തുന്ന ആനകളെ ജീവൻ പണയംവച്ചാണ് നാട്ടുകാർ തുരത്തുന്നത്. ജനങ്ങളുടെ ആശങ്ക അകറ്റാൻ വനം വകുപ്പിന് സാധിക്കുന്നില്ല. ആനകളെ നിരീക്ഷിക്കാനും തുരത്താനും വിവിധ സ്ഥലങ്ങളിൽ വനപാലകരെ നിയോഗിച്ചിട്ടുണ്ടെങ്കിലും ഫലപ്രദമാകുന്നില്ല. കൃഷിടിയങ്ങളിലെത്തുന്ന ആനകളെ നിരീക്ഷിക്കുന്ന രീതി മാറ്റണമെന്നും അവ നാട്ടിലിറങ്ങുന്നതു തടയാൻ നടപടി സ്വീകരിക്കണമെന്നുമാണ് ജനങ്ങളുടെ ആവശ്യം.

ശന്പള പരിഷ്കരണതത്വം അട്ടിമറിക്കാൻ ശ്രമം: എൻ.ഡി. അപ്പച്ചൻ

കൽപ്പറ്റ: സംസ്ഥാനത്ത് ശന്പള പരിഷ്കരണതത്വം അട്ടിമറിക്കാൻ നീക്കം നടക്കുന്നതായി ഡിസിസി പ്രസിഡന്‍റ് എൻ.ഡി. അപ്പച്ചൻ. വഞ്ചനാദിനാചരണത്തിന്‍റെ ഭാഗമായി എൻജിഒ അസോസിയേഷൻ ജില്ലാ കമ്മിറ്റി സിവിൽ സ്റ്റേഷനുമുന്പിൽ നടത്തിയ ധർണ ഉദ്ഘാടനം ചെയ്യുകയായിരുന്നു അദ്ദേഹം. സർക്കാർ ജീവനക്കാരുടെയും അധ്യാപകരുടെയും ശന്പളം പരിഷ്കരിക്കേണ്ട സമയം അതിക്രമിച്ചിട്ടും കമ്മിഷനെ പോലും പ്രഖ്യാപിക്കാത്തത് ശന്പള പരിഷ്കരണതത്വം അട്ടിമറിക്കാനാണ്. ജീവനക്കാരുടെ 11-ാം ശന്പള പരിഷ്കരണ കുടിശിക, ക്ഷാമബത്ത കുടിശിക, പങ്കാളിത്ത പെൻഷൻ പദ്ധതി, ലീവ് സറണ്ടർ, മെഡി സെപ്പ് തുടങ്ങിയവയിൽ സർക്കാർ വഞ്ചനാപരമായ നിലപാടാണ് സ്വകരിക്കുന്നതെന്നു അപ്പച്ചൻ പറഞ്ഞു. അസോസിയേഷൻ ജില്ലാ പ്രസിഡന്‍റ് കെ.ടി. ഷാജി അധ്യക്ഷത വഹിച്ചു. ലൈജു ചാക്കോ, എൻ.വി. അഗസ്റ്റ്യൻ, സി.കെ. ജിതേഷ്, ഇ.വി. ജയൻ, ഗ്ലോറിൻ സെക്വീറ, എം. നസീമ, ടി. പരമേശ്വരൻ, എം.വി. സതീഷ്, സിനീഷ് ജോസഫ്, എം.എ. ബൈജു എന്നിവർ പ്രസംഗിച്ചു. റോബിൻസണ്‍ ദേവസി, കെ.ജി. പ്രശോഭ്, വി. മുരളി, പി. സെൽജി, ഫാസില, എം.എസ്. സാനു, റജീസ് കെ. തോമസ്, ജയിൻ അന്പലവയൽ എന്നിവർ നേതൃത്വം നൽകി.

കെഎസ്എസ്പിഎ ധർണ നടത്തി

കൽപ്പറ്റ: കേരള സ്റ്റേറ്റ് സർവീസ് പെൻഷനേഴ്സ് അസോസിയേഷൻ മണ്ഡലം കമ്മിറ്റിയുടെ നേതൃത്വത്തിൽ കരിദിനാചരണവും ജില്ലാ ട്രഷറിക്കു മുന്പിൽ ധർണയും നടത്തി. പെൻഷൻ പരിഷ്കരണവും ക്ഷാമാശ്വാസവും നിഷേധിക്കുന്നതിലും മെഡിസെപ്പിലെ കുറവുകൾ പരിഹരിക്കാത്തതിലും പ്രതിഷേധിച്ചായിരുന്നു പരിപാടി. സംസ്ഥാന കമ്മിറ്റിയംഗം വേണുഗോപാൽ എം. കീഴ്ശേരി ഉദ്ഘാടനം ചെയ്തു. നിയോജകമണ്ഡലം വൈസ് പ്രസിഡന്‍റ് അബു ഏലിയാസ് അധ്യക്ഷത വഹിച്ചു. സംസ്ഥാന വനിതാ കമ്മിറ്റി അംഗം ജി. വിജയമ്മ, സി. ജോസഫ്, കെ. ശശികുമാർ, ടി.കെ. സുരേഷ്, വി. രാമനുണ്ണി, പി.എ. ജോസ്, രമേശൻ മാണിക്യൻ, കെ. സുബ്രഹ്മണ്യൻ, എം. വത്സല, ടി. സതീഷ്കുമാർ എന്നിവർ പ്രസംഗിച്ചു. മണ്ഡലം സെക്രട്ടറി കെ. സുരേന്ദ്രൻ സ്വാഗതം പറഞ്ഞു.

നടവയൽ സെന്‍റ് തോമസ് ഹൈസ്കൂളിൽ ലഹരി വിരുദ്ധ പരിപാടി നടത്തി

നടവയൽ: സെന്‍റ് തോമസ് ഹൈസ്കൂളിൽ ലഹരി വിരുദ്ധ ക്ലബ്ബിന്‍റെ ആഭിമുഖ്യത്തിൽ ലഹരിക്കെതിരെ പോരാടാം എന്ന സന്ദേശവുമായി ന്ധനേർവഴിന്ധ പരിപാടി സംഘടിപ്പിച്ചു. പനമരം പോലീസ് സ്റ്റേഷൻ ഹൗസ് ഓഫീസർ സന്തോഷ് ഉദ്ഘാടനം നിർവഹിച്ചു. പിടിഎ പ്രസിഡന്‍റ് വിൽസണ്‍ ചേരവേലിൽ അധ്യക്ഷത വഹിച്ചു. വാർഡ് അംഗം സന്ധ്യാ ലിഷു, ഹെഡ്മാസ്റ്റർ ഇ.കെ. വർഗീസ്, ജെയിംസ് കളർതൊട്ടിയിൽ, തങ്കച്ചൻ, സി. സിനി, മരിയ എന്നിവർ പ്രസംഗിച്ചു. ലഹരി വിരുദ്ധ പ്രവർത്തനങ്ങളുടെ ഭാഗമായി വിദ്യാർഥികൾ കലാപരിപാടികൾ അവതരിപ്പിച്ചു. ലഹരി വിരുദ്ധ പ്രവർത്തനങ്ങൾക്കെതിരെ ദീപശിഖ പ്രയാണത്തിന് ക്രിസ്റ്റീൻ സുനീഷ് നേതൃത്വം നൽകി. ദീപശിഖയിൽ നിന്നും സ്കൂൾ ഹെഡ്മാസ്റ്റർ ദീപം ഏറ്റുവാങ്ങുകയും അധ്യാപകർക്ക് നൽകുകയും അധ്യാപകർ വിദ്യാർഥികൾക്ക് തിരികൾ തെളിച്ചു നൽകുകയും ചെയ്തു. ലഹരിക്കെതിരെ ഫ്ളാഷ് മോബ്, കാൻവാസിൽ ഒപ്പ് ശേഖരണം, ലോഗോ പ്രകാശനം എന്നിവയും നടത്തി. ലഹരി വിരുദ്ധ പ്രവർത്തനങ്ങൾക്കെതിരെയുള്ള കർമ്മ പദ്ധതിക്ക് ’നേർവഴി’ എന്ന പേര് നിർദ്ദേശിച്ച വിദ്യാലയത്തിലെ അധ്യാപിക സ്റ്റെഫി, ലോഗോ നിർമാണം നടത്തിയ അലോണ മരിയ എന്നിവരെ ആദരിച്ചു.

മൃഗാശുപത്രിയിൽ രാത്രികാല ചികിത്സ നൽകണമെന്ന്

മാനന്തവാടി: മൃഗാശുപത്രിയിൽ രാത്രികാല ചികിത്സയ്ക്ക് ഡോക്ടറെ നിയമിക്കണമെന്നും ലാബ് ടെക്നീഷനെ സ്ഥിരപ്പെടുത്തണമെന്നും കേരള കർഷക സംഘം മാനന്തവാടി വില്ലേജ് സമ്മേളനം ആവശ്യപ്പെട്ടു. ക്ഷീരമേഖലയിൽ കൂടുതൽ തൊഴിൽ ദിനങ്ങൾ നല്കുക, മുനിസിപ്പാലിറ്റി നൽകാവാനുള്ള കുടിശിക ഉടൻ നൽകുക, പാലിന് 60 രൂപ തറവില നിശ്ചയക്കുക തുടങ്ങിയവ ആവശ്യങ്ങളും ഉന്നയിച്ചു. സമ്മേളനം കേരള കർഷക സംഘം ജില്ലാ വൈസ് പ്രസിഡന്‍റ് കെ.എം. വർക്കി ഉദ്ഘാടനം ചെയ്തു. വില്ലേജ് പ്രസിഡന്‍റ് ടി.കെ. റെജീന അധ്യക്ഷത വഹിച്ചു. വില്ലേജ് സെക്രട്ടറി എ.വി. മാത്യു, പി. രാജൻ, വി.കെ. തുളസിദാസ്, കെ.ടി. വിനു, ടി.കെ. സുരേഷ്, വില്ലേജ് ജോ.സെക്രട്ടറി ബേബി മാത്യു, അന്നമ്മ ജോർജ് തുടങ്ങിയവർ പ്രസംഗിച്ചു.

ലഹരിവിരുദ്ധ സന്ദേശവുമായി അസംപ്ഷൻ യുപി സ്കൂൾ

സുൽത്താൻ ബത്തേരി: കുട്ടികൾക്കും കൗമാരക്കാരിലും ലഹരി വിരുദ്ധ സന്ദേശം എത്തിക്കുക എന്ന ലക്ഷ്യത്തോടെ അസംപ്ഷൻ എയുപി സ്കൂളിലെ വിദ്യാർഥികൾ ബത്തേരി സ്വതന്ത്ര മൈതാനി, ബീനാച്ചി ഗവ. ഹൈസ്കൂൾ എന്നിവിടങ്ങളിൽ വിവിധ പരിപാടികൾ അവതരിപ്പിച്ചു. ലഹരി വിരുദ്ധ സന്ദേശം, ഫ്ളാഷ് മോബ്, നൃത്തശില്പം, സംഗീതശില്പം എന്നിവ ശ്രദ്ധേയമായി. ഹെഡ്മാസ്റ്റർ ഷോജി ജോസഫ്, അധ്യാപകരായ ഐവി സെബാസ്റ്റ്യൻ, ജെസ്റ്റീന ടി. പീറ്റർ, ഷീബ ഫ്രാൻസിസ്, സി. പ്രിയ തോമസ്, എം.ബി. വിഷ്ണു എന്നിവർ നേതൃത്വം നൽകി.

യുപി വിഭാഗത്തിൽ സ്ഥിര നിയമനം : എസ്എസ്കെ ആസ്ഥാനത്ത് സ്പെഷലിസ്റ്റ് അധ്യാപകരുടെ സമരം ഇന്ന്

കൽപ്പറ്റ: വിദ്യാലയങ്ങളിൽ യുപി വിഭാഗത്തിൽ സ്ഥിരനിയമനവും സമയബന്ധിത ശന്പള വിതരണവും ആവശ്യപ്പെട്ട് തിരുവനന്തപുരം എസ്എസ്കെ ആസ്ഥാനത്ത് സ്പെഷലിസ്റ്റ് അധ്യാപകരുടെ സമരം ഇന്ന്. കേരള സ്റ്റേറ്റ് സ്പെഷലിസ്റ്റ് ടീച്ചേഴ്സ് ആൻഡ് സ്റ്റാഫ് യൂണിയന്‍റെ നേതൃത്വത്തിലാണ് പ്രക്ഷോഭം. എസ്എസ്കെ സ്റ്റാഫും സമരത്തിൽ പങ്കെടുക്കും. കല, കായികം, പ്രവൃത്തിപരിചയം എന്നീ വിഭാഗങ്ങളിൽ സംസ്ഥാനത്തെ വിവിധ ജില്ലകളിൽ 2,000 ഓളം സ്പെഷലിസ്റ്റ് അധ്യാപകരാണ് നിലവിൽ. ഇവരിൽ 90 ശതമാനത്തിനു പിഎസ്‌സി മുഖേന അധ്യാപക നിയമനത്തിന് അപേക്ഷിക്കുന്നതിന് പ്രായപരിധി കഴിഞ്ഞു. വിധവകളും അംഗപരിമിതരും അധ്യാപകർക്കിടയിലുണ്ട്. ഈ സാഹചര്യത്തിലാണ് യുപി വിഭാഗത്തിൽ സ്ഥിര നിയമനം തേടിയുള്ള സമരം. കേന്ദ്ര വിഹിതം കിട്ടാതെ രണ്ടു മാസമായി ശന്പളം മുടങ്ങിയതും സമരത്തിനു പ്രേരണയായി. 2011-12 അധ്യയനവർഷം മുതൽ രാജ്യത്തെ എല്ലാ വിദ്യാലയങ്ങളിലും കല, കായിക, പ്രവൃത്തിപരിചയ അധ്യാപകരെ നിയമിക്കാൻ സുപ്രീംകോടതി ഉത്തരവായിരുന്നു. വിദ്യാഭ്യാസ അവകാശ നിയമ വ്യവസ്ഥകളുടെ ലംഘനം ചൂണ്ടിക്കാട്ടി ആന്ധ്രപ്രദേശിലെ ഒരു വിദ്യാർഥി ഫയൽ ചെയ്ത കേസിലായിരുന്നു സുപ്രീം കോടതി വിധി. ഇതിന്‍റെ അടിസ്ഥാനത്തിൽ കേന്ദ്ര സർക്കാർ നിർദേശിച്ചതനുസരിച്ച് 2016ൽ സംസ്ഥാന സർക്കാർ 2,600 സ്പെഷലിസ്റ്റ് അധ്യാപകരെ നിയമിച്ചു. 60 ശതമാനം കേന്ദ്ര വിഹിതവും 40 ശതമാനം സംസ്ഥാന വിഹിതവും ചേർത്ത് 28,500 രൂപയായിരുന്നു ഇവർക്ക് മാസ ശന്പളം. രണ്ടു വർഷത്തിനുശേഷം കേന്ദ്രവിഹിതം വെട്ടിക്കുറച്ചു. ഇതോടെ ശന്പളം 7,000 രൂപയായി കുറഞ്ഞു. കഷ്ടത്തിലായ സ്പെഷലിസ്റ്റ് അധ്യാപകർ നിവേദനം നൽകിയതിനെത്തുടർന്ന് സംസ്ഥാന സർക്കാർ ശന്പളം 14,000 രൂപയായി ഉയർത്തി. ഈ തുക ജീവിക്കാൻ പര്യാപ്തമല്ലാത്ത സാഹചര്യത്തിൽ 600 ഓളം പേർ ജോലിയിൽനിന്നു പിരിഞ്ഞു. മൂന്നു മാസം മുന്പ് ആരംഭിച്ചതാണ് ശന്പള പ്രതിസന്ധി. അധ്യാപകരുടെ നിവേദനം കണക്കിലെടുത്ത് ഏപ്രിലിലെ ശന്പളം പൊതുഖജനാവിൽനിന്നാണ് നൽകിയത്. മെയിലെ ശന്പളം കുടിശികയാണ്. ജൂണിലെ ശന്പള വിതരണം അനിശ്ചിതത്വത്തിലാണ്. എസ്എസ്കെ സ്റ്റാഫിനും രണ്ടുമാസമായി ശന്പളം കിട്ടുന്നില്ല. കേന്ദ്ര ഫണ്ടിന്‍റെ അഭാവത്തിൽ സംസ്ഥാനത്ത് എസ്എസ്കെ പ്രവർത്തനം നിലയ്ക്കുന്ന സ്ഥിതിയാണുള്ളതെന്ന് സ്പെഷലിസ്റ്റ് അധ്യാപക യൂണിയൻ നേതാക്കൾ പറഞ്ഞു.

അവശനിലയില്‍ ജനവാസ മേഖലയില്‍ ചുറ്റിത്തിരിഞ്ഞ പുലിയെ കൂടുവച്ച് പിടിച്ചു

ഗൂഡല്ലൂര്‍: അവശനിലയില്‍ ബിദര്‍ക്കാട് വനമേഖലയിലെ നരികൊല്ലിയിലും സമീപങ്ങൡലും ചുറ്റിത്തിരിഞ്ഞ പുലിയെ വനസേന കൂടുവച്ച് പിടിച്ചു. നരികൊല്ലി വാളാട് ക്ഷേത്രത്തിനു സമീപം സ്ഥാപിച്ച കൂട്ടിലാണ് ഇന്നലെ പുലി അകപ്പെട്ടത്. മുതുമല കടുവ സങ്കേതത്തിലെ തെപ്പാട് എത്തിച്ച പുലിക്ക് ചികിത്സ നല്‍കിവരികയാണ്. അവശതമൂലം കാട്ടില്‍ ഇരതേടാന്‍ കഴിയാത്ത സ്ഥിതിയിലായിരുന്നു പുലിയെന്ന് ബിദര്‍ക്കാട് റേഞ്ച് ഫോറസ്റ്റ് ഓഫീസര്‍ രവി പറഞ്ഞു. രണ്ടാഴ്ചയായി നരികൊല്ലിയിലും സമീപങ്ങളിലും പുലി സാന്നിധ്യമുണ്ട്. പകല്‍ കുറ്റിക്കാടുകളില്‍ പതുങ്ങുന്ന പുലി രാത്രി പുറത്തിറങ്ങി വളര്‍ത്തുമൃഗങ്ങളെ ആക്രമിക്കുന്നത് പതിവായിരുന്നു. ജനം ഭീതിയിലായ സാഹചര്യത്തിലാണ് കൂട് വച്ചത്. പുലി കുടുങ്ങിയത് നാട്ടുകാര്‍ക്ക് ആശ്വാസമായി.

ജലനിധി പദ്ധതി: പൂതാടിയില്‍ പിരിച്ച രണ്ടരക്കോടി വെള്ളക്കരം വാട്ടര്‍ അഥോറിറ്റിക്കു നല്‍കിയില്ല

കല്‍പ്പറ്റ: പൂതാടി പഞ്ചായത്തില്‍ ജലനിധി പദ്ധതിയില്‍ വെള്ളക്കരമായി ഗുണഭോക്താക്കളില്‍നിന്നു പിരിച്ച രണ്ടരക്കോടി രൂപ സ്ക്രീന്‍ ലെവല്‍ എക്സിക്യുട്ടീവ് കമ്മിറ്റി(എസ്എല്‍ഇസി)വാട്ടര്‍ അഥോറിറ്റിക്ക് നല്‍കിയില്ല. പഞ്ചായത്തിലെ 22 വാര്‍ഡുകളിലും ജലനിധി പദ്ധതിയില്‍ കുടിവെള്ള വിതരണം ആരംഭിച്ച 2017 മുതല്‍ പിരിച്ച തുകയാണ് കുടിശികയായത്. പദ്ധതിയില്‍ എല്ലാ വാര്‍ഡുകളിലുമായി 2,430 വാട്ടര്‍ കണക്‌ഷനാണുള്ളത്. ഓരോ ഗുണഭോക്താവില്‍നിന്നും മാസം 100 രൂപയാണ് കരം വാങ്ങിയത്. 2021 മുതല്‍ വെള്ളക്കരമായി നാമമാത്ര തുക പോലും പഞ്ചായത്തില്‍നിന്നു വാട്ടര്‍ അഥോറിറ്റിയുടെ അക്കൗണ്ടില്‍ എത്തിയില്ലെന്നാണ് രേഖകള്‍ വ്യക്തമാക്കുന്നത്. ജലനിധി പ്രോജക്ട് മാനേജരായി 18-ാം വാര്‍ഡിലെ കെ. മഹേഷിനെയാണ് പഞ്ചായത്ത് ഭരണസമിതിയും എസ്എല്‍ഇസിയും ചേര്‍ന്നു നിയമിച്ചത്. സിപിഎം ലോക്കല്‍ കമ്മിറ്റി അംഗമാണ് ഇദ്ദേഹം. കരം പിരിവിനും മറ്റും ഏഴ് ജീവനക്കാര്‍ ഉണ്ടായിരുന്നു. പഞ്ചായത്ത് ഭരണസമിതി പലതവണ ആവശ്യപ്പെട്ടെങ്കിലും പിരിച്ച കരത്തിന്‍റെ കണക്ക് പ്രോജക്ട് മാനേജര്‍ ഹാജരാക്കിയില്ല. എസ്എല്‍ഇസി ഓഫീസ് പ്രോജക്ട് മാനേജര്‍ പൂട്ടുകയുമുണ്ടായി. പിന്നീട് പഞ്ചായത്ത് അധികൃതരുടെ പരിശോധനയില്‍ ഓഫീസ് കംപ്യൂട്ടര്‍ ഡാറ്റയും സോഫ്റ്റ് വേറും നശിപ്പിച്ച നിലയിലാണ് കണ്ടെത്തിയത്. പദ്ധതി നടത്തിപ്പിലെ ക്രമക്കേടുമായി ബന്ധപ്പെട്ട് പ്രോജക്ട് മാനേജര്‍ക്കെതിരേ വിജിലന്‍സിന് പരാതി നല്‍കാന്‍ 2024 ജൂലൈ 15ന് ചേര്‍ന്ന പഞ്ചായത്ത് ഭരണസമിതി യോഗം ഐകകണ്ഠ്യേന തീരുമാനിച്ചിരുന്നു. പരാതി നല്‍കുന്നതിന് പഞ്ചായത്ത് സെക്രട്ടറിയെയാണ് ചുമതലപ്പെടുത്തിയത്. ഇക്കാര്യം മിനുട്സില്‍ രേഖപ്പെടുത്തുകയുമുണ്ടായി. എന്നാല്‍ മാസങ്ങള്‍ കഴിഞ്ഞിട്ടും ഭരണസമിതി തീരുമാനം നടപ്പാക്കാന്‍ സെക്രട്ടറി തയാറായില്ല. ഇത് വിവാദമായിരിക്കേ പഞ്ചായത്ത് ഭരണ സമിതിയംഗം വിജിലന്‍സ് അന്വേഷണം ആവശ്യപ്പെട്ട് രംഗത്തുവന്നിട്ടുണ്ട്. 18-ാം വാര്‍ഡ് അംഗം ടി.എസ്. പ്രകാശനാണ് മീനങ്ങാടി വിജിലന്‍സ് ഡിവൈഎസ്പിക്ക് പരാതി നല്‍കിയത്. ഭരണസമിതിയിലെ ബിജെപി അംഗമാണ് പ്രകാശന്‍. പിരിച്ച വെള്ളക്കരം ഉത്തരവാദപ്പെട്ടവരില്‍നിന്നു വസൂല്‍ ചെയ്യുന്നതിനും സോഫ്റ്റ്‌വേറും ഡാറ്റയും നശിപ്പിച്ചതിന് പിഡിപിപി(പ്രിവന്‍ഷന്‍ ഓഫ് ഡാമേജ് ടു പബ്ലിക് പ്രോപ്പര്‍ട്ടി)നിയമത്തിലെ വകുപ്പുള്‍ പ്രകാരം കേസെടുക്കുന്നതിനും നടപടിയാണ് പ്രകാശന്‍ ആവശ്യപ്പെട്ടുന്നത്. ജലനിധി പ്രശ്നത്തില്‍ എല്‍ഡിഎഫ്, യുഡിഎഫ് ഒത്തുകളിയുണ്ടെന്ന ആരോപണം ഭരണസമിതിയിലെ ബിജെപി അംഗങ്ങള്‍ ഉയര്‍ത്തുന്നുണ്ട്. പിരിച്ച വെള്ളക്കരം ബാങ്ക് മുഖേന വാട്ടര്‍ അഥോറിറ്റിക്ക് ലഭിക്കുന്നുവെന്ന് ഉറപ്പുവരുത്തുന്നതില്‍ പഞ്ചായത്ത് അധികൃതര്‍ ഗുരുതര വീഴ്ച വരുത്തിയതായും അവര്‍ പറയുന്നു. വെള്ളക്കരം കുടിശികയായ വിഷയത്തില്‍ ലോക്കല്‍ കമ്മിറ്റിയംഗം ഉള്‍പ്പെട്ടത് സിപിഎമ്മില്‍ ചര്‍ച്ചയായിട്ടുണ്ട്.

വയനാട് ചീരാലിൽ ഭീതിപരത്തിയ പുലി കൂട്ടിലായി

സുൽത്താൻ ബത്തേരി: വയനാട്ടിലെ ബത്തേരി താലൂക്കിൽപ്പെട്ട ചീരാലിലും സമീപങ്ങളിലും ഭീതി പരത്തിയ പുലി കൂട്ടിലായി. ഇന്നലെ പുലർച്ചെ നാലോടെയാണ് നന്പ്യാർകുന്ന് കല്ലൂർ ശ്മശാനത്തിനു സമീപം സ്വകാര്യ ഭൂമിയിൽ വനം വകുപ്പ് സ്ഥാപിച്ച കൂട്ടിൽ നാല് വയസ് മതിക്കുന്ന ആണ്‍ പുലി കുടുങ്ങിയത്. പാൽ അളവുകേന്ദ്രത്തിലേക്കു പോയ ക്ഷീര കർഷകരാണ് കൂട്ടിൽ അകപ്പെട്ട നിലയിൽ പുലിയെ ആദ്യം കണ്ടത്. വിവരം അറിഞ്ഞയുടൻ മുത്തങ്ങ, മേപ്പാടി റേഞ്ച് ഫോറസ്റ്റ് ഓഫീസുകളിൽനിന്നു വനപാലകരും നൂൽപ്പുഴയിൽനിന്നു പോലീസും നന്പ്യാർകുന്നിലെത്തി. നൂറുകണക്കിനാളുകളും സ്ഥലത്ത് തടിച്ചുകൂടി. രാവിലെ ഏഴരയോടെ പുലിയെ കുപ്പാടി പച്ചാടിയിൽ വനം വകുപ്പിനു അധീനതയിലുള്ള അനിമൽ ഹോസ്പീസിലേക്ക് മാറ്റി. ഒറ്റനോട്ടത്തിൽ പുലിക്ക് ആരോഗ്യപ്രശ്നങ്ങൾ ഇല്ലെന്ന് വനം അധികൃതർ പറഞ്ഞു. രണ്ട് മാസമായി ജനവാസകേന്ദ്രങ്ങളിൽ ചുറ്റിത്തിരിയുന്ന പുലി കൂട്ടിലായത് ജനങ്ങൾക്കും വനസേനയ്ക്കും ആശ്വാസമായി. പശവും ആടും ഉൾപ്പെടെ 12 വളർത്തുജീവികളെയാണ് ഇതിനകം പുലി ആക്രമിച്ചത്. ഇതിൽ ആറെണ്ണം ചത്തു. നന്പ്യാർകുന്ന്, സേവാശ്രമം, ചീരാൽ, കരിങ്കാളി, വെള്ളച്ചാൽ, ആർത്തവയൽ, കല്ലൂർ, ആശാരിപ്പടി, പണിക്കരുപടി തുടങ്ങിയ പ്രദേശങ്ങളിവായമ് വളർത്തുമൃഗങ്ങളെ പുലി പിടിച്ചത്. കഴിഞ്ഞ 15ന് നന്പ്യാർകുന്ന് പാറക്കൊഴുപ്പ് പീതാംബരന്‍റെ രണ്ട് ആടിനെയും മുക്കുപുര കൃഷ്ണന്‍റെ പശുക്കിടാവിനെയും പുലി ആക്രമിച്ചു. ആടുകളിൽ ഒന്നു ചത്തു. ഈ ആടിന്‍റെ ജഡം ഇരയാക്കിയാണ് കല്ലൂർ ശ്മശാനത്തിന് സമീപം കൂട് സ്ഥാപിച്ചത്. പുലിയ പിടിക്കുന്നതിന് നാല് കുടുകളാണ് വച്ചത്. ഇതിലൊന്ന് നന്പ്യാർകുന്നിനു കുറച്ചകലെ പൂളക്കുണ്ടിൽ തമിഴ്നാട് വനസേന സ്ഥാപിച്ചതാണ്. തമിഴ്നാട്ടിലെ നീലഗിരി ജില്ലയുമായി അതിരുപങ്കിടുന്നതാണ് നന്പ്യാർകുന്നും അടുത്തുള്ള പ്രദേശങ്ങളും. പുലിയെ ഉൾവനത്തിൽ തുറന്നുവിടുമോ മൃഗശാലയിലേക്ക് മാറ്റുമോ എന്നതിൽ വ്യക്തതയായില്ല. പുലിയെ മൃഗശാലയിലേക്ക് മാറ്റുന്നതാണ് ഉചിതമെന്നാണ് ചീരാലിലും സമീപങ്ങളിലുള്ള ജനങ്ങളുടെ അഭിപ്രായം.

ഇറച്ചിയിൽ പുഴുവിനെകണ്ട സംഭവം : വിൽപ്പന നടത്തിയ സ്റ്റാൾ ആരോഗ്യ വകുപ്പ് അടപ്പിച്ചു

പുൽപ്പള്ളി: പുൽപ്പള്ളി താഴെയങ്ങാടിയിലെ മാർക്കറ്റിൽ നിന്നും പുഴുവരിച്ച പോത്തിറിച്ചി വില്പന നടത്തിയെന്ന പരാതിയെത്തുടർന്ന് ആരോഗ്യ വകുപ്പ് സ്ഥാപനം അടപ്പിച്ചു. ഭക്ഷ്യ സുരക്ഷാ വകുപ്പിന്‍റെയും ആരോഗ്യ വകുപ്പിന്‍റെയും പഞ്ചായത്തിന്‍റെയും ഉദ്യോഗസ്ഥരുടെ സംയുക്ത സംഘം മാർക്കറ്റിൽ പരിശോധന നടത്തിയ ശേഷമാണ് ഇനിയൊരു അറിയിപ്പുണ്ടാകുന്നതുവരെ സ്ഥാപനം അടച്ചുപൂട്ടാൻ നിർദേശം നൽകിയത്. മാർക്കറ്റിലെ മറ്റ് സ്ഥാപനങ്ങൾക്കും കർശന നിർദേശം നൽകിയിട്ടുണ്ട്. പുൽപ്പള്ളി സാമൂഹികാരോഗ്യ കേന്ദ്രം മെഡിക്കൽ ഓഫീസർ ഡോ.കെ. പ്രഭാകരൻ, ഹെൽത്ത് ഇൻസ്പെക്ടർ എ.കെ. മനോജ്, ഫുഡ് സേഫ്റ്റി ഓഫീസർ രേഷ്മ, പഞ്ചായത്ത് ഹെൽത്ത് ഇൻസ്പെക്ടർ സത്പ്രിയൻ തുടങ്ങിയവരുടെ നേതൃത്വത്തിലായിരുന്നു പരിശോധന.ദേവർഗദ്ദ സ്വദേശി പാലയ്ക്കൽ മനീഷ് ശനിയാഴ്ച രാത്രി മാർക്കറ്റിൽ നിന്ന് വാങ്ങിയ പോത്തിറച്ചി വീട്ടിലെത്തി പാചകം ചെയ്യുന്നതിനായി കഴുകുന്പോഴാണ് ഇറച്ചിയിൽ പുഴുക്കളെ കണ്ടത്. ഇതേത്തുടർന്ന് വിവരം പഞ്ചായത്തംഗം മണി പാന്പനാലേയും നാട്ടുകാരേയും അറിയിക്കുകയായിരുന്നു. ഞായറാഴ്ച ഉച്ചയോടെ ഡിവൈഎഫ്ഐ പ്രവർത്തകരുടെ നേതൃത്വത്തിൽ മാർക്കറ്റിലേക്ക് മാർച്ച് നടത്തുകയും ആരോപണ വിധേയമായ ഇറച്ചി സ്റ്റാൾ അടച്ചുപൂട്ടിക്കുകയും ചെയ്തിരുന്നു.

കാട്ടാനയുടെ ആക്രമണത്തിൽ നിന്നും തലനാരിഴയ്ക്ക് രക്ഷപ്പെട്ട് മണീന്ദ്രൻ പിള്ള

പുൽപ്പള്ളി: വണ്ടിക്കടവിൽ വീടിനു നേരേ കാട്ടാനയുടെ ആക്രമണം. ഗൃഹനാഥൻ തലനാരിഴയ്ക്കാണ് രക്ഷപ്പെട്ടത്. വണ്ടിക്കടവ് പ്ലാമൂട്ടിൽ മണീന്ദ്രൻ പിള്ള (72) യാണ് ചീറിയടുത്ത കാട്ടാനയുടെ മുന്നിൽ നിന്നു തലനാരിഴയ്ക്ക് രക്ഷപെട്ടത്. ഇന്നലെ പുലർച്ചെ 3.30ഓടെയാണ് സംഭവം. മൂത്രമൊഴിക്കാൻ വീടിനു പുറത്തിറങ്ങിയപ്പാഴാണ് കാട്ടുകൊന്പൻ പാഞ്ഞടുത്തത്. ഉടനെ വിടിനുള്ളിലേക്ക് ഓടിക്കയറി. പാഞ്ഞുവന്ന ആന വീടിനു മുന്നിൽ കെട്ടിയിരുന്ന ടാർപോളിൻ ഷീറ്റ് വലിച്ചു പറിച്ചു. പിന്നെ മണീന്ദ്രൻ പിള്ളയുടെ കിടപ്പുമുറിയിലെ വെളിച്ചം കണ്ട് അവിടേക്ക് നീങ്ങിയ ആന ജനലിനു നേരേ കുത്തി. മണീന്ദ്രൻ പിള്ളയുടെ നിലവിളി കേട്ട് ആന പിൻമാറുകയായിരുന്നു. വണ്ടിക്കടവിൽ ഫെൻസിംഗ് സ്ഥാപിച്ചതിന് മുകളിൽ മരം തള്ളിയിട്ട് തൂക്കുവേലി തകർത്ത് നാടുചുറ്റിയ ഒറ്റയാൻ വനത്തിലേക്കു മടങ്ങും വഴിയാണ് വീടും ആക്രമിച്ചത്. പക്ഷാഘാതം പിടിപെട്ട് ഇദ്ദേഹത്തിന്‍റെ ഭാര്യ ലതിക (65) ഏറെക്കാലമായി വീടിനുള്ളിൽ കിടപ്പാണ്. ഡെപ്യുട്ടി റേഞ്ച് ഓഫീസർ എ. നിജേഷിന്‍റെ നേതൃത്വത്തിൽ വനപാലകർ സ്ഥലത്തെത്തി തുടർ നടപടികൾ സ്വീകരിച്ചു. കഴിഞ്ഞ ഒരാഴ്ചയായി വണ്ടിക്കടവ് പ്രദേശത്ത് കാട്ടാന കൃഷി നശിപ്പിക്കുന്നത് പതിവായിട്ടും വനംവകുപ്പിന്‍റെ ഭാഗത്ത്നിന്ന് യാതൊരു നടപടിയുമില്ലെന്നാണ് കർഷകരുടെ പരാതി. അക്രമകാരിയായ ആനയെ പിടികൂടി ഉൾവനത്തിലേക്ക് തുരത്താൻ നടപടി വേണമെന്നാണ് കർഷകരുടെ ആവശ്യം

അടിസ്ഥാന സൗകര്യ വികസനത്തിനൊപ്പം സാമൂഹികസാംസ്ക്കാരിക ഉന്നമനം കൈവരിക്കണം: മന്ത്രി

കൽപ്പറ്റ: ഉന്നതികൾ കേന്ദ്രീകരിച്ചുള്ള അടിസ്ഥാന സൗകര്യ വികസനത്തിനൊപ്പം പിന്നാക്ക വിഭാഗക്കാർ സാമൂഹികസാംസ്ക്കാരിക മേഖലകളിൽ ഉന്നമനം കൈവരിക്കുന്പോഴാണ് മുഖ്യധാരയിലെത്തുകയുള്ളുവെന്ന് പട്ടികജാതി-വർഗ-പിന്നാക്കക്ഷേമ മന്ത്രി ഒ.ആർ. കേളു. നൂൽപ്പുഴ ഗ്രാമപഞ്ചായത്തിലെ തീണ്ണൂർ എസ്‌സി നഗറിൽ പൂർത്തീകരിച്ച അംബേദ്കർ ഗ്രാമവികസന പദ്ധതി ഉദ്ഘാടനം ചെയ്ത് പ്രസംഗിക്കുകയായിരുന്നു മന്ത്രി. യുവതീയുവാക്കളുടെ നൈപുണി ശേഷി വർധിപ്പിക്കാൻ മാറുന്ന കാലത്തിനൊപ്പം നൂതന സാധ്യതകൾ ഉൾക്കൊണ്ട് വകുപ്പ് പദ്ധതികൾ ആവിഷ്കരിച്ച് നടപ്പാക്കുന്നതായും അദ്ദേഹം പറഞ്ഞു. ഒരു കോടി രൂപ ചെലവഴിച്ചാണ് അംബേദ്കർ ഗ്രാമ വികസന പദ്ധതികൾ പൂർത്തിയാക്കിയത്. അംബേദ്കർ ഗ്രാമ വികസന പദ്ധതിയിൽ ഉൾപ്പെടുത്തി കൾവർട്ട് നിർമാണം, ഇന്‍റർലോക്ക്, ചുറ്റുമതിൽ, വൈദ്യുതീകരണം തുടങ്ങിയ അടിസ്ഥാനപശ്ചാത്തല വികസനമാണ് നടപ്പാക്കിയത്. ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ അധ്യക്ഷത വഹിച്ചു. ബത്തേരി ബ്ലോക്ക് പഞ്ചായത്ത് പ്രസിഡന്‍റ് സി. അസൈനാർ, നൂൽപ്പുഴ ഗ്രാമപഞ്ചായത്ത് പ്രസിഡന്‍റ് ഷീജ സതീഷ്, വൈസ് പ്രസിഡന്‍റ് എ.എൻ. ഉസ്മാൻ, ജില്ലാ പട്ടികജാതി വികസന ഓഫീസർ ഐ.ആർ. സരിൻ, ജില്ലാ പഞ്ചായത്ത് അംഗം അമൽ ജോയ്, ബ്ലോക്ക് പഞ്ചായത്ത് അംഗം എം.എ. അസൈനാർ, ഗ്രാമപഞ്ചായത്ത് അംഗം സുമ ഭാസ്കരൻ, ജില്ലാ നിർമിതി കേന്ദ്ര എക്സിക്യുട്ടീവ് സെക്രട്ടറി ഒ.കെ. സജിത്ത്, ജനപ്രതിനിധികൾ, രാഷ്ട്രീയ പാർട്ടി പ്രവർത്തകർ, ഉദ്യോഗസ്ഥർ എന്നിവർ പങ്കെടുത്തു.

ഉന്നത വിജയം നേടിയ കുട്ടികളെ ആദരിച്ചു

വടുവഞ്ചാൽ: വൈഎംസിഎ വടുവഞ്ചാൽ യൂണിറ്റിന്‍റെ നേതൃത്വത്തിൽ ഈ വർഷം എസ്എസ്എൽസി പ്ലസ് ടു പരീക്ഷയിൽ മികച്ച വിജയം നേടിയ വിദ്യാർഥികളെ ആദരിച്ചു. മികവ് 2025 എന്ന പേരിൽ നടത്തിയ പ്രോഗ്രാം വൈഎംസിഎ സബ് റീജിയണ്‍ ചെയർമാൻ സി.ജെ. ടോമി ഉദ്ഘാടനം ചെയ്തു. വൈഎംസിഎ രക്ഷാധികാരി ഫാ. ഗീവർഗീസ് മഠത്തിൽ അനുഗ്രഹ സന്ദേശം നൽകി. സബ് റീജിയണ്‍ ജനറൽ കണ്‍വീനർ ജയിംസ് ജോസഫ് വിജയികളെ ആദരിച്ചു. വൈഎംസിഎ വടുവഞ്ചാൽ യൂണിറ്റ് വൈസ് പ്രസിഡന്‍റ് സാബു വർഗീസ് അധ്യക്ഷത വഹിച്ചു. വൈഎംസിഎ യൂണിറ്റ് സെക്രട്ടറി കെ.എം. ജോസ്, ട്രഷറർ ജോണ്‍സണ്‍ തൊഴുതുങ്കൽ, മോഹൻ, റോഷിനി, സാജൻ, ജയിംസ് രാജ് തുടങ്ങിയവർ പ്രസംഗിച്ചു. സി.വി. ജോണ്‍സണ്‍, എ.ജെ. ബെന്നിഎന്നിവർ പരിപാടിക്ക് നേതൃത്വം നൽകി.

ലഹരിവിരുദ്ധ റാലി നടത്തി

പുൽപ്പള്ളി: ലോക ലഹരിവിരുദ്ധ ദിനത്തോടനുബന്ധിച്ച് സഹകരണത്തോടെ പുൽപ്പള്ളി ടൗണിൽ ലഹരി വിരുദ്ധ റാലിയും ഫ്ളാഷ് മോബും സംഘടിപ്പിച്ചു. പുൽപ്പള്ളി സ്റ്റേഷന്‍റെ ആഭിമുഖ്യത്തിൽ വ്യാപാരി വ്യവസായി ഏകോപന സമിതി അംഗങ്ങൾ, പൊതുജനങ്ങൾ, വൈഎംസിഎ, ചുമട്ടുതൊഴിലാളികൾ, സംയുക്ത ഓട്ടോ ടാക്സി ഡ്രൈവേഴ്സ് യൂണിയൻ, സ്റ്റുഡന്‍റ് പോലീസ് കേഡറ്റുകൾ, നാഷണൽ സർവീസ് സ്കീം അംഗങ്ങൾ തുടങ്ങിയവരുടെ സഹകരണത്തോടെയായിരുന്നു പരപാടി. കാപ്പിസെറ്റ് ഗവ. ഹൈസ്കൂൾ എസ്പിസി യൂണിറ്റ്, കല്ലുവയൽ ജയശ്രീ ഹൈസ്കൂൾ എസ്പിസി യൂണിറ്റിൽ നിന്നുള്ള വിദ്യാർഥികൾ പങ്കെടുത്തു. മുള്ളൻകൊല്ലി സെന്‍റ് മേരീസ് ഹയർ സെക്കൻഡറി സ്കൂൾ എൻഎസ്എസ് യൂണിറ്റ് വിദ്യാർഥികൾ ഫ്ളാഷ് മോബും നൃത്തവിരുന്നും അവതരിപ്പിച്ചു. സിബി മൈക്കിൾ ഗസൽ സംഗീതം അവതരിപ്പിച്ചു. ഇൻസ്പെക്ടർ കെ.എസ്. അജേഷ് ലഹരി വിരുദ്ധ പ്രതിജ്ഞയും സബ് ഇൻസ്പെക്ടർ സി. രാംകുമാർ ലഹരി വിരുദ്ധ സന്ദേശവും നൽകി. ചടങ്ങിൽ എഎസ്ഐ കെ.വി. സജി അധ്യക്ഷത വഹിച്ചു. വനിത സിപിഒ ആതിര, വ്യാപാരി വ്യവസായി ഏകോപനസമിതി പ്രസിഡന്‍റ് മത്തായി ആതിര, വൈഎംസിഎ പ്രതിനിധി ലിയോ, വ്യാപാരി വ്യവസായി ഏകോപന സമിതി യൂത്ത് വിംഗ് അംഗം അജേഷ് കുമാർ, വ്യാപാരി വ്യവസായി സഹകരണ ബാങ്ക് പ്രസിഡന്‍റ് ഇ.ടി. ബാബു, സ്റ്റേഷൻ റൈറ്റർ വി.പി. ബിജു, ബാബു പ്രണവം എന്നിവർ പ്രസംഗിച്ചു. പുൽപ്പള്ളി: യാക്കോബായ സുറിയാനി സഭയുടെ ശ്രേഷ്ഠ കാതോലിക്കാ ബാവയുടെ കൽപ്പനപ്രകാരം ലഹരിവിരുദ്ധ ദിനമാചരിച്ചു. ചീയന്പം മോർ ബസേലിയോസ് പള്ളിയിൽ വികാരി ഫാ. മത്തായിക്കുഞ്ഞ് ചാത്തനാട്ടുകുടി പ്രതിജ്ഞാ വാചകം ചൊല്ലിക്കൊടുത്തു. മയക്കുമരുന്നും രാസലഹരിയും ഉപയോഗിക്കുകയില്ലെന്നും ലഹരി വിമുക്തസമൂഹത്തിനായി പ്രയത്നിക്കുമെന്നും ഇടവക ജനങ്ങൾ പ്രതിജ്ഞ ചെയ്തു. ട്രസ്റ്റി സിജു പൗലോസ് തോട്ടത്തിൽ, സെക്രട്ടറി ഏബ്രഹാം ചുമതയിൽ തുടങ്ങിയവർ നേതൃത്വം നൽകി.

നിയന്ത്രണം വിട്ട പിക്കപ്പ് വാൻ ഇടിച്ച് ആറ് കുട്ടികൾക്ക് പരിക്ക്

മാനന്തവാടി: കല്ലോടി പള്ളിക്കൽ റോഡിൽ കമ്മോത്ത് ഭാഗത്ത് സ്കൂൾ കുട്ടികളുമായി വന്ന ഓട്ടോറിക്ഷയിൽ നിയന്ത്രണംവിട്ട പിക്കപ്പ് വാൻ ഇടിച്ച് ആറ് കുട്ടികൾക്ക് പരിക്ക്. പള്ളിക്കൽ ഗവ. എൽപിസ്കൂളിൽ മൂന്ന്, നാല് ക്ലാസുകളിൽ പഠിക്കുന്ന കുട്ടികൾക്കാണ് പരിക്കേറ്റത്. ഇന്നലെ വൈകുന്നേരം അഞ്ചോടെ നിയന്ത്രണം നഷ്ടമായ വാൻ ഓട്ടോയുടെ പിറകിൽ ഇടിക്കുകയായിരുന്നു. പരിക്കേറ്റ മൂന്ന് കുട്ടികളെ വയനാട് ഗവ. മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ല.

സർക്കാർ മെഡിക്കൽ കോളജുകളിലെ ദുരവസ്ഥ : പ്രതിഷേധ സമരം ഇന്ന്

കൽപ്പറ്റ: കേരളത്തിലെ ആരോഗ്യമേഖല ആകെ കുത്തഴിഞ്ഞു കിടക്കുകയാണ്. സാന്പത്തിക പ്രതിസന്ധിയുടെ പേരിൽ മെഡിക്കൽ കോളജുകൾക്കുള്ള പദ്ധതി വിഹിതത്തിൽ നിന്നും 146 കോടിയുടെ കടുംവെട്ടാണ് സർക്കാർ നടത്തിയിട്ടുള്ളത്. മെഡിക്കൽ കോളജുകളുടെ വികസനത്തിനായി 217.4 കോടി രൂപ ബജറ്റിൽ വകയിരുത്തിയപ്പോൾ അനുവദിച്ചത് വെറും 157.37 കോടി രൂപ മാത്രമാണ്. ദന്തൽ കോളജ് വികസനത്തിന് 22.79 കോടി രൂപ വകയിരുത്തിയെങ്കിലും അനുവദിച്ചത് 8.65 കോടിരൂപ മാത്രം. മെഡിക്കൽ കോളജുകളിലെ രോഗീ സൗഹൃദത്തിനായി 5.5 കോടി രൂപ വകയിരുത്തിയതിൽ അനുവദിച്ചത് 4.85 കോടി രൂപ മാത്രമാണ്. മെഡിക്കൽ കോളജിലെ ഉപകരണങ്ങളുടെ ക്ഷാമവും, ശസ്ത്രക്രിയ പ്രതിസന്ധിയും മുൻകൂട്ടിത്തന്നെ മെഡിക്കൽ കോളജ് അധികൃതർ സർക്കാരിനെ അറിയിച്ചിട്ടും സർക്കാർ ഒരു നടപടികളും സ്വീകരിച്ചിട്ടില്ല. ഉപകരണങ്ങൾ വാങ്ങുവാനുള്ള തുക രോഗികളിൽ നിന്നുതന്നെ നിർബന്ധിച്ച് ഈടാക്കുകയാണ് സർക്കാർ ചെയ്യുന്നത്. കേരളത്തിലെ ആരോഗ്യ മേഖല തകർത്ത സർക്കാർ നടപടിയിൽ പ്രധിഷേധിച്ചും ആരോഗ്യ മന്ത്രി രാജിവക്കണമെന്ന് ആവശ്യപ്പെട്ടും ജില്ലാ കോണ്‍ഗ്രസ് കമ്മിറ്റിയുടെ ആഭിമുഖ്യത്തിൽ ഇന്ന് രാവിലെ 10.30ന് മാനന്തവാടി മെഡിക്കൽ കോളജിലേക്ക് നടത്തുന്ന പ്രതിക്ഷേധ സമരത്തിൽ ജില്ലയിലെ എല്ലാ കോണ്‍ഗ്രസ് പ്രവർത്തകരും പങ്കെടുക്കണമെന്ന് ഡിസിസി പ്രസിഡന്‍റ് എൻ.ഡി. അപ്പച്ചൻ അറിയിച്ചു.

പേഴ്സണൽ അസിസ്റ്റന്‍റ് ലീവിൽ: എയ്ഡഡ് ജീവനക്കാരുടെ ശന്പളം വൈകാൻ സാധ്യത

സുൽത്താൻ ബത്തേരി: അധ്യയന വർഷത്തിന്‍റെ ആരംഭത്തിൽ തന്നെ ജില്ലയിലെ എയ്ഡഡ് ജീവനക്കാരുടെ ശന്പളം വൈകാൻ സാധ്യത. തെക്കൻ ജില്ലയിൽ നിന്ന് ഉദ്യോഗക്കയറ്റം ലഭിച്ച പേഴ്സണൽ അസിസ്റ്റന്‍റ് ലീവ് എടുത്തതോടെയാണ് വിദ്യാഭ്യാസ ഓഫീസിലെ എയ്ഡഡ് മേഖലയിലെ പ്രവർത്തനങ്ങൾ സ്തംഭിച്ചത്. അധ്യാപകരുടെ സ്ഥലംമാറ്റം വിദ്യാലയ വർഷാരംഭത്തോടുകൂടിയാണ് നടക്കാറുള്ളത്. എന്നാൽ ഇത് സ്പാർക്കിൽ ക്രമീകരിക്കേണ്ടത് അതത് വിദ്യാഭ്യാസ ഓഫീസുകൾ ആണ്. ഇത്തരത്തിൽ ജില്ലാ വിദ്യാഭ്യാസ ഓഫീസിന് കീഴിൽ പ്രവർത്തിക്കുന്ന എയ്ഡഡ് സ്ഥാപനങ്ങളിലെ അധ്യാപകരുടെയും അനധ്യാപകരുടെയും സ്ഥലംമാറ്റം ഇതുവരെയും സ്പാർക്കിൽ ക്രമീകരിക്കപ്പെട്ടിട്ടില്ല. ഇതോടെ ജൂണ്‍ മാസത്തെ ശന്പളം സമയബന്ധിതമായി ലഭിക്കില്ലെന്ന ആശങ്കയിലാണ് ജീവനക്കാർ. ജീവനക്കാരുടെ ശന്പള പരിഷ്കരണ ബില്ലുകളും പിഎഫ് വായ്പകളും പാസാക്കാൻ സാധിക്കാത്ത അവസ്ഥയാണ് നിലവിലുള്ളത്. വിദ്യാഭ്യാസ ഉപഡയറക്ടറുടെ കാര്യാലയത്തിലെ സീനിയർ അസിസ്റ്റന്‍റിന് താത്കാലിക ചുമതല നൽകി വിഷയം പരിഹരിക്കാൻ ശ്രമിച്ചെങ്കിലും അദ്ദേഹത്തെ സ്ഥലംമാറ്റി പുതിയ ഉത്തരവ് വന്നതോടെ തിരുവനന്തപുരത്തു നിന്നും പുതിയ ആൾ വന്ന ചാർജ് എടുക്കുന്നതുവരെ ജീവനക്കാർ ബുദ്ധിമുട്ടിലാകും. സ്കൂൾ തുറക്കുന്ന അവസരങ്ങളിൽ ജീവനക്കാരുടെയും വിദ്യാഭ്യാസ വകുപ്പിന്‍റെയും പ്രവർത്തനം താളംതെറ്റിക്കുന്ന രീതിയിലുള്ള അവസ്ഥയ്ക്ക് മാറ്റം വരണമെന്ന് ജീവനക്കാർ ആവശ്യപ്പെട്ടു. സർക്കാർ ജീവനക്കാരുടെ സേവന വേതന വ്യവസ്ഥകൾ ക്രമീകരിക്കുന്ന സ്പാർക്ക് സോഫ്റ്റ് വെയറിന്‍റെ കണ്‍ട്രോളിംഗ് ഓഫീസറായി എയ്ഡഡ് മേഖലയിലെ പ്രധാന അധ്യാപകരെ ഉയർത്തണമെന്ന് അനധ്യാപക സംഘടന പ്രതിനിധികൾ ആവശ്യപ്പെട്ടു. സർക്കാർ നിശ്ചയിച്ചിട്ടുള്ള യോഗ്യതകളുള്ള അതത് മേഖലയിലെ പ്രധാന അധ്യാപകർക്ക് സേവന പുസ്തകം കൈകാര്യം ചെയ്യുന്നതിനുള്ള അധികാരം ഉണ്ടെന്നിരിക്കെ സ്പാർക്കിലെ ഡാറ്റ അണ്‍ലോക്ക് ചെയ്യൽ, സ്ഥലംമാറ്റം ക്രമീകരിക്കൽ, ബില്ലുകൾ നേരിട്ട് ട്രഷറിയിലേക്ക് സമർപ്പിക്കൽ തുടങ്ങിയവ ഇപ്പോഴും അതത് വിദ്യാഭ്യാസ ഓഫീസ് മേലധികാരികൾക്ക് മാത്രം പരിമിതപ്പെടുത്തിയിരിക്കുന്നത് വലിയ ബുദ്ധിമുട്ടിലാക്കുന്നുണ്ട്. സർക്കാർ പ്രധാനാധ്യാപകർക്ക് സ്പാർക്കിൽ നൽകിയിട്ടുള്ള എല്ലാ അവകാശങ്ങളും എയ്ഡഡ് മേഖലയിലെ പ്രധാന അധ്യാപകർക്ക് കൂടി നൽകണമെന്ന് കേരള എയ്ഡഡ് സ്കൂൾ നോണ്‍ ടീച്ചിംഗ് സ്റ്റാഫ് അസോസിയേഷൻ ജില്ല യോഗം ആവശ്യപ്പെട്ടു. സംസ്ഥാന പ്രസിഡന്‍റ് ഷിനോജ് പാപ്പച്ചൻ ഉദ്ഘാടനം ചെയ്തു. ജില്ലാ പ്രസിഡന്‍റ് ബെന്നി തോമസ് അധ്യക്ഷത വഹിച്ചു. കെ. അഷ്കർ അലി, ഇ.സി. ബിജു, കെ.എൽ. ബിനോയ്, ബിനു പോൾ, എൻ.കെ. ജോഷി തുടങ്ങിയവർ പ്രസംഗിച്ചു.

അക്കാദമിക് മാസ്റ്റർ പ്ലാൻ പ്രകാശനവും ലഹരി വിരുദ്ധ സന്ദേശവും

വാഴവറ്റ: സെന്‍റ് സെബാസ്റ്റ്യൻസ് എഎൽപി സ്കൂളിൽ സമഗ്ര ഗുണമേൻമ വിദ്യാഭ്യാസം ലക്ഷ്യമാക്കി തയാറാക്കിയ 2025-2026 വർഷത്തെ അക്കാദമിക് മാസ്റ്റർപ്ലാൻ മുട്ടിൽ ഗ്രാമപഞ്ചായത്ത് അംഗം പി.ജി. സജീവ് പ്രകാശനം ചെയ്തു. യോഗത്തിൽ സ്കൂൾ മാനേജർ ഫാ. കുര്യാക്കോസ് കുന്നത്ത് അധ്യക്ഷത വഹിച്ചു. എം.ടി. ഷൈജു ലഹരി വിരുദ്ധ ബോധവത്കരണ ക്ലാസ് നൽകി.

"മാടക്കര-ചീരാൽ റോഡ് പൊതുമരാമത്ത് വകുപ്പ് ഏറ്റെടുക്കണം’

സുൽത്താൻ ബത്തേരി: മാടക്കര മുതൽ ചീരാൽ വരെയുള്ള അഞ്ച് കിലോമീറ്റർ റോഡ് പൊതുമരാമത്ത് വകുപ്പ് ഏറ്റെടുക്കണമെന്ന് പ്രദേശവാസികളുടെ യോഗം ആവശ്യപ്പെട്ടു. റോഡിന്‍റെ അരികുചാൽ നന്നാക്കുക, വശങ്ങളിലെ കാട് വെട്ടിനീക്കുക, കെട്ടിട നിർമാണ അവശിഷ്ടങ്ങൾ പാതയോരത്ത് കൂട്ടിയിടുന്നതും റോഡ് കൈയേറിയുള്ള നിർമാണങ്ങളും തടയുക തുടങ്ങിയ ആവശ്യങ്ങളും ഉന്നയിച്ചു. കെ.സി.കെ. തങ്ങൾ അധ്യക്ഷത വഹിച്ചു. ടി.കെ. രാധാകൃഷ്ണൻ, ജെ.എ. രാജു, എ. സലിം, വി.എസ്. സദാശിവൻ, സലിം നൂലക്കുന്ന്, എന്നിവർ പ്രസംഗിച്ചു.

അരിമുള പാലം-വാണാറന്പത്ത് റോഡ് തകർന്നു

കേണിച്ചിറ: പൂതാടി പഞ്ചായത്തിലെ താഴെമുണ്ട അരിമുള പാലം-വാണാറന്പത്ത് റോഡ് തകർന്നു. കൃത്യമായ അറ്റകുറ്റപ്പണിയുടെ അഭാവമാണ് റോഡിന്‍റെ ദുരവസ്ഥയ്ക്കു കാരണം. രണ്ടുവർഷം മുന്പ് നാട്ടുകാർ പിരിവെടുത്ത് ഒരുവിധം സഞ്ചാരയോഗ്യമാക്കിയെങ്കിലും മഴ ശക്തമായതോടെ റോഡ് പഴയ സ്ഥിതിയിലായി. തകർന്ന റോഡിലൂടെ ഓടാൻ ടാക്സി, ഓട്ടോ ഡ്രൈവർമാർ മടിക്കുകയാണ്. സ്കൂൾ ബസുകൾ സാഹസപ്പെട്ടാണ് ഇതുവഴി ഓടുന്നത്. കേണിച്ചിറയിൽനിന്നു വരദൂരിലേക്കും പൂതാടി കോട്ടവയൽ ഭാഗത്തും എളുപ്പം എത്താൻ ഉതകുന്നാതാണ് അരിമുള പാലം-വാണാറന്പത്ത് റോഡ്.

ആർജെഡി കണ്‍വൻഷൻ നടത്തി

കൽപ്പറ്റ: അടിയന്തരാവസ്ഥയുടെ 50-ാം വാർഷികം ആർജെഡി ജില്ലാ കമ്മിറ്റി കരിദിനമായി ആചരിച്ചു. ഇതിന്‍റെ ഭാഗമായി നടന്ന കണ്‍വൻഷൻ സംസ്ഥാന സമിതിയംഗം കെ.കെ. ഹംസ ഉദ്ഘാടനം ചെയ്തു. നിയോജകമണ്ഡലം പ്രസിഡന്‍റ് പി.കെ. രാജൻ അധ്യക്ഷത വഹിച്ചു. ഭാരത് സേവിക് അവാർഡും ഡോ.ബി.ആർ. അംബേദ്കർ ദേശീയ പുരസ്കാരവും നേടിയ യു.എൻ. സുധാകരനെ ആദരിച്ചു. ജില്ലാ പ്രസിഡന്‍റ് കെ.കെ. രാജൻ, എൻ.ഒ. ദേവസി, യു.എ. ഖാദർ, കെ.എ. സ്കറിയ, സി.കെ. നൗഷാദ്, കെ.ബി. രാജുകൃഷ്ണ, പി.പി. ഷൈജൽ എന്നിവർ പ്രസംഗിച്ചു.

അടിയന്തരാവസ്ഥ ഭരണഘടനയ്ക്കുനേരേ നടന്ന ആദ്യ കടന്നാക്രമണം: രാഷ്ട്രീയ യുവജനതാദൾ

കൽപ്പറ്റ: അടിയന്തരാവസ്ഥ ഭരണഘടനയ്ക്ക് നേരേ നടന്ന ആദ്യ കടന്നാക്രമണമാണെന്ന് രാഷ്ട്രീയ യുവജനതാദൾ മണ്ഡലം കമ്മിറ്റി സംഘടിപ്പിച്ച ഭരണഘടന സംരക്ഷണ സദസ് അഭിപ്രായപ്പെട്ടു. അടിയന്തരാവസ്ഥയ്ക്കെതിരേ രാജ്യവ്യാപകമായി പോരാട്ടത്തിന് നേതൃത്വം നൽകിയ സോഷ്യലിസ്റ്റുകൾക്ക് മാത്രമേ ഫാസിസ്റ്റ് ഭരണത്തിനെതിരായ പോരാട്ടത്തിനു നേതൃത്വം നൽകാൻ കഴിയൂവെന്ന് വിലയിരുത്തി. ജില്ലാ പ്രസിഡന്‍റ് പി.പി. ഷൈജൽ ഉദ്ഘാടനം ചെയ്തു. മണ്ഡലം പ്രസിഡന്‍റ് ഷൈജൽ കൈപ്പങ്ങൽ അധ്യക്ഷത വഹിച്ചു. പി.ജെ. ജോമിഷ്, നിസാർ പള്ളിമുക്ക്, നിഷാൽ ചുളുക്ക, നിജിൽ വെള്ളേങ്ങര, ജേക്കബ് പുത്തുമല എന്നിവർ പ്രസംഗിച്ചു.

കാലവർഷമായതോടെ കബനീ തീരങ്ങളിൽ വീശുവല നിർമാണം സജീവം

മാനന്തവാടി: കാലവർഷമായതോടെ കബനീ തീരങ്ങളിൽ വിശുവല നിർമാണം സജീവമായി. മാനന്തവാടി അഗ്രഹാഹരം പുഴയുടെ തീരത്താണ് ഒരു പറ്റം യുവാക്കൾ വീശുവല നിർമാണത്തിൽ ഏർപ്പെട്ടിരിക്കുന്നത്. വിവിധ ഭാഗങ്ങളിൽ നിന്ന് വീശുവല അന്വേഷിച്ചെത്തുന്നവർക്ക് വല നിർമിച്ച് നല്കുകയാണിവർ. മാനന്തവാടി അഗ്രഹാരം ഉന്നതിയിൽ എ.കെ. മനുവിന്‍റെ നേതൃത്വത്തിലാണ് വല നിർമിച്ച് നല്കുന്നത്. മഴപെയ്ത് പുഴയിലും വയലിലുമെല്ലാം വെള്ളം കയറിയതോടെ പ്രദേശവാസികളുൾപ്പെടെ ഒട്ടേറെ ആളുകളാണ് അഗ്രഹാരം പുഴയുടെ തീരത്ത് മീൻപിടുത്തത്തിൽ ഏർപ്പെടുന്നത്. വീശുവലയുടെ ലഭ്യതക്കുറവ് മൂലം ഏറെ ആളുകളും തണ്ടാടിയുപയോഗിച്ചാണ് മീൻ പിടിക്കുന്നത്. ഈ സാധ്യത കണക്കിലെടുത്താണ് വീശുവല നിർമാണത്തിൽ ഇവർ സജീവമായിരിക്കുന്നത്. വലയും നൂലും ഈയക്കട്ടികളുമാണ് നീർമാണ സാമഗ്രികൾ. ഇവ വാങ്ങി നല്കിയാൽ മൂന്നു ദിവസത്തിനുള്ളിൽ വല തയാറാക്കി നൽകും.

’ദേശീയ പണിമുടക്ക് വിജയിപ്പിക്കും’

കൽപ്പറ്റ: കേന്ദ്ര സർക്കാരിന്‍റെ തെറ്റായ നയങ്ങളിൽ പ്രതിഷേധിച്ചും വിവിധ ആവശ്യങ്ങൾ ഉന്നയിച്ചും ട്രേഡ് യൂണിയൻ കൂട്ടായ്മ ഒന്പതിന് ദേശവ്യാപകമായി നടത്തുന്ന പണിമുടക്ക് വിജയിപ്പിക്കാൻ ടിയുസിഐ ജില്ലാ കമ്മിറ്റി തീരുമാനിച്ചു. സംസ്ഥാന പ്രസിഡന്‍റ് സാം പി. മാത്യു ഉദ്ഘാടനം ചെയ്തു. ജില്ലാ പ്രസിഡന്‍റ് വി.യു. ജോഷി അധ്യക്ഷത വഹിച്ചു. സെക്രട്ടറി കെ. അജയകുമാർ റിപ്പോർട്ട് അവതരിപ്പിച്ചു. എം. ചുരുളി, എ.കെ. കൃഷ്ണൻകുട്ടി, കെ. രാധാകൃഷ്ണൻ. പി. സുകുമാരൻ, കെ. ബാലസുബ്രഹ്മണ്യൻ എന്നിവർ പ്രസംഗിച്ചു.

മത്സ്യ-മാംസ മാർക്കറ്റിൽ പരിശോധന കർശനമാക്കണം: ബിജെപി

പുൽപ്പള്ളി: മാർക്കറ്റിൽ പഴകിയതും കേടുവന്നതുമായ മത്സ്യവും മാംസവും വിൽക്കുന്നില്ലെന്ന് അധികാരികൾ ഉറപ്പുവരുത്തണമെന്ന് ബിജെപി പഞ്ചായത്ത് കമ്മിറ്റി ആവശ്യപ്പെട്ടു. മാർക്കറ്റിലെ സ്റ്റാളുകളിൽ ഒന്നിൽ കഴിഞ്ഞ ദിവസം വിറ്റ പോത്തിറച്ചിൽ പുഴുവിനെ കണ്ടെത്തിയിരുന്നു. ഉദ്യോഗസ്ഥരുടെ വീഴ്ചയിലേക്കാണ് ഇത് വിരൽചൂണ്ടുന്നത്. മാർക്കറ്റിൽനിന്നു വാങ്ങുന്ന മാംസമാണ് ടൗണിലെ ഹോട്ടലുകളിൽ പാകം ചെയ്ത് വിൽക്കുന്നത്. രോഗങ്ങൾ ഇല്ലാത്ത മൃഗങ്ങളുടെ മാംസമാണ് മാർക്കറ്റിൽ വിൽപനയ്ക്കു വയ്ക്കുന്നതെന്ന് ഉത്തരവാദപ്പെട്ടവർ ഉറപ്പുവരുത്തണം. വ്യാപാരികൾ തോന്നിയ വിലയ്ക്ക് പോത്തിറച്ചി വിൽക്കുന്നതിന് തടയിടണമെന്നും യോഗം ആവശ്യപ്പെട്ടു. കെ.കെ. അരുണ്‍ അധ്യക്ഷത വഹിച്ചു. വി.ആർ. ദിനേഷ്, അഭിലാഷ് വാസു, കെ. പ്രതീഷ്, അമൽ അന്പാടി, ഇ. സണ്ണി എന്നിവർ പ്രസംഗിച്ചു.

നടൻ ജോണ്‍സണ്‍ ഐക്കരയെ നടവയൽ നാട്ടൊരുമ ആദരിച്ചു

നടവയൽ: കേരള സംഗീത നാടക അക്കാദമിയുടെ 2024ലെ മികച്ച പ്രഫഷണൽ നാടകനടനുള്ള അവർഡ് നേടിയ ജോണ്‍സണ്‍ ഐക്കരയെ നടവയൽ നാട്ടൊരുമയുടെ നേതൃത്വത്തിൽ ആദരിച്ചു. സെന്‍റ് തോമസ് ഹയർ സെക്കൻഡറി സ്കൂൾ ഓഡിറ്റോറിയത്തിലായിരുന്നു പരിപാടി. ടൗണിൽനിന്നു വാദ്യഘോഷങ്ങളുടെ അകന്പടിയോടെയാണ് സെന്‍റ് തോമസ് ഹയർ സെക്കൻഡറി സ്കൂൾ ഓഡിറ്റോറിയത്തിലേക്ക് ജോണ്‍സനെ ആനയിച്ചത്. സമൂഹത്തിന്‍റെ വിവിധ തുറകളിലുള്ളവർ പങ്കെടുത്തു. ആദരണച്ചടങ്ങിൽ നാട്ടെരുമ ചെയർമാൻ ബാബു ചിറപ്പുറം അധ്യക്ഷത വഹിച്ചു. സാഹിത്യകാരൻ പി.കെ. പാറക്കടവ് മുഖ്യപ്രഭാഷണം നടത്തി. ജനപ്രതിനിധികളായ അന്നക്കുട്ടി ജോസ്, സന്ധ്യ ലിഷു, ഷീമ മാനുവൽ, മേഴ്സി സാബു, വിവിധസംഘടനാ പ്രതിനിധികളായ വിൻസന്‍റ് ചേരവേലിൽ, ഗ്രേഷ്യസ് നടവയൽ, ബേബിച്ചൻ ആലുങ്കൽതാഴെത്ത്, പി.സി. വിൻസന്‍റ്, ഇരുളം രാജേഷ്, ദിവാകരൻ മാസ്റ്റർ, ടോമി ചേന്നാട്ട് എന്നിവർ പ്രസംഗിച്ചു. മറുപടി പ്രസംഗത്തിൽ ജോണ്‍സണ്‍ നാടക സംഭാഷണങ്ങൾ അരങ്ങിലെന്നവണ്ണം പറഞ്ഞത് സദസിന് കൗതുകമായി. സംഘാടക സമിതി കണ്‍വീനർ ബിനു മാങ്കൂട്ടം സ്വാഗതവും ഷാജു പി. ജയിംസ് നന്ദിയും പറഞ്ഞു. ഓർമ ഇന്‍റർനാഷണലിന്‍റെ ഗാനസന്ധ്യ ഉണ്ടായിരുന്നു.

നഞ്ചൻഗോഡ്-നിലന്പൂർ റെയിൽവേ യാഥാർഥ്യമാക്കണം: റിട്ട.പ്രധാനാധ്യാപക സംഗമം

സുൽത്താൻ ബത്തേരി: നഞ്ചൻഗോഡ്-നിലന്പൂർ റെയിൽവേ യാഥാർഥ്യമാക്കണമെന്ന് മത്തായീസ് ഓഡിറ്റോറിയത്തിൽ ചേർന്ന ഉപജില്ലയിലെ റിട്ട.പ്രധാനാധ്യാപകരുടെ സംഗമം സർക്കാരിനോട് ആവശ്യപ്പെട്ടു. ദേശീയപാത 766ലെ രാത്രിയാത്രാ വിലക്ക് നീക്കുന്നതിന് കേരള, കർണാടക സർക്കാരുകൾ യോജിച്ചുനീങ്ങുക, ബത്തേരിയിൽ അനുവദിച്ച ഗവ.കോളജ് പ്രവർത്തനം തുടങ്ങുന്നതിന് നടപടി സ്വീകരിക്കുക, ബത്തേരി താലൂക്ക് ആശുപത്രി ജില്ലാ ആശുപത്രിയായി ഉയർത്തുക, കുട്ടികൾ ലഹരി മാഫിയയുടെ പിടിയിൽ അകപ്പെടാതിരിക്കുന്നതിന് പ്രവർത്തനങ്ങൾ ഊർജിതമാക്കുക തുടങ്ങിയ ആവശ്യങ്ങളും ഉന്നയിച്ചു. 50 ഓളം റിട്ട.അധ്യാപകർ പങ്കെടുത്തു. ശിവദാസൻ മാസ്റ്റർ അനുസ്മരണം, ജീവകാരുണ്യ മേഖലയിൽ വ്യക്തിമുദ്ര പതിച്ച രാധാകൃഷ്ണൻ മാസ്റ്ററെ ആദരിക്കൽ, സമൂഹനൻമയിൽ അധ്യാപകരുടെ പങ്ക് എന്ന വിഷയത്തിൽ സംവാദം എന്നിവ നടന്നു. ജേക്കബ് ബത്തേരി ഉദ്ഘാടനം ചെയ്തു.ഡോ.ജെ. സുനിൽ അധ്യക്ഷത വഹിച്ചു. ഒ.വി. പവിത്രൻ, സി.പി. സുരേഷ്കുമാർ, റോയി വർഗീസ്, പി.പി. ദാമോദരൻ, എൻ.ടി. ജോർജ്, കെ. സുമ ,ഉഷ ബേബി, സൗദാമിനി, എം.സി. കാർമൽ എന്നിവർ പ്രസംഗിച്ചു.

വണ്ടിക്കടവിൽ കാട്ടാനകൾ കൃഷി നശിപ്പിച്ചു

പുൽപ്പള്ളി: വണ്ടിക്കടവിൽ കാട്ടാനകൾ കൃഷി നശിപ്പിച്ചു. വനാതിർത്തിയിലെ തൂക്കുവേലി മരംമറിച്ചു തർത്താണ് കഴിഞ്ഞ ദിവസം രാത്രി ആനകൾ കൃഷിയിടങ്ങളിൽ ഇറങ്ങിയത്. തറയിൽ ദേവസ്യയുടെ തോട്ടത്തിലെ തെങ്ങ്, കമുക്, പ്ലാവ് എന്നിവ ആനകൾ നശിപ്പിച്ചു. നേരം പുലർന്നശേഷമാണ് ആനകൾ വനത്തിലേക്ക് മടങ്ങിയത്. കർണാടക അതിർത്തിയിലൂടെ ഒഴുകുന്ന കന്നാരംപുഴയോടു ചേർന്ന പ്രദേശമാണ് വണ്ടിക്കടവ്. പുഴ കടന്നാണ് ആനകൾ ജനവാസ മേഖലയിൽ എത്തുന്നത്. ആനകളെ ഉൾവനത്തിലേക്കു തുരത്തണമെന്നും വനാതിർത്തിയിലെ പ്രതിരോധ സംവിധാനങ്ങൾ കുറ്റമറ്റതാക്കണമെന്നും നാട്ടുകാർ ആവശ്യപ്പെട്ടു.

മഴ തുടരുന്നത് ജാതി കൃഷിയെ പ്രതിസന്ധിയിലാക്കുന്നു

സുൽത്താൻ ബത്തേരി: ജില്ലയിൽ മികച്ച വിളവ് നൽകിയിരുന്ന ജാതിക്ക ഈ വർഷം ഉത്പാദനം തീരെ കുറഞ്ഞു. ജില്ലയിലെ ജാതി കൃഷിക്ക് അനുയോജ്യമായ കാലാവസ്ഥ ആയിരുന്നെങ്കിലും ഇത്തവണ ലഭിച്ച ശക്തമായ മഴകാരണം കടുത്ത പ്രതിസന്ധിയിലാണ് ജില്ലയിലെ ജാതി കർഷകർ. തുടർച്ചയായി കനത്ത മഴ പെയ്തതോടെ ജാതി മരങ്ങളിൽ വെള്ളക്കായ പൊട്ടുന്നതാണ് കർഷകർക്ക് വിനയായത്. ഇത് വരും ദിവസങ്ങളിലെ ഉത്പാദനത്തെ ഇത് പ്രതികൂലമായി ബാധിക്കുമെന്നാണ് കർഷകർ പറയുന്നത്. മരുന്ന് തളിച്ച് കർഷകർ പ്രതിരോധ മാർഗമൊരുക്കുന്നുവെങ്കിലും വരും ദിവസങ്ങളിലും മഴ തുടർന്നാൽ കൂടുതൽ നാശനഷ്ടമുണ്ടാകും. മേയ് അവസാന വാരം പെയ്ത കനത്തമഴ കാർഷിക മേഖലയിലാകെ വലിയ നഷ്ടം വരുത്തിയിട്ടുണ്ട്. അധികമായി ലഭിച്ച വേനൽ മഴയ്ക്കു പുറമേ കാലവർഷമെത്തിയതാണ് ജാതിമരങ്ങളിൽ വെള്ളക്കായ പൊട്ടുന്നതിന് കാരണമായത്. മഴയ്ക്കൊപ്പം ശക്തമായി വീശിയ കാറ്റും ജാതി കർഷകർക്ക് നഷ്ടം വരുത്തി. ജാതി കായ്ക്കും പത്രിക്കും മെച്ചപ്പെട്ട വില ലഭിക്കുന്നുണ്ടെങ്കിലും ഉത്പാദനം കുറഞ്ഞാൽ ഉയർന്ന വിലയുടെ പ്രയോജനം കർഷകർക്ക് ലഭിക്കില്ല.

ജില്ലയിൽ മണ്ണെണ്ണ വിതരണം പുനഃസ്ഥാപിക്കാനായില്ല

സുൽത്താൻ ബത്തേരി: ജില്ലയിൽ റേഷൻകട വഴി മണ്ണെണ്ണ വിതരണം പുനഃസ്ഥാപിച്ചില്ല. സംസ്ഥാനത്ത് മണ്ണെണ്ണ വിതരണം പുനഃസ്ഥാപിക്കുമെന്ന പ്രഖ്യാപനം വന്നെങ്കിലും ജില്ലയിലെ വിതരണം ഇതുവരെ ആരംഭിക്കാനായിട്ടില്ല. ജില്ലയിൽ മൊത്തംവിതരണം കരാറുകാരൻ ഏറ്റെടുക്കാത്തതും ആവശ്യമായ മണ്ണെണ്ണ പന്പ് സ്റ്റേഷൻ ഇല്ലാത്തതുമാണ് വിതരണം മുടങ്ങാൻ കാരണം. അയൽ ജില്ലകളായ കണ്ണൂർ, കോഴിക്കോട് എന്നിവിടങ്ങളിൽ നേരിട്ട്പോയി ആവശ്യമായ മണ്ണെണ്ണ കൊണ്ടുവരേണ്ട അവസ്ഥയിലാണ് റേഷൻ വ്യാപാരികൾ. 350 മുതൽ 600 ലിറ്റർ വരെ ശരാശരി മണ്ണെണ്ണ വിതരണം ചെയ്യുന്ന റേഷൻ വ്യാപാരിക്ക് ലിറ്ററിന് രണ്ട് രൂപ തൊഴിലാണ് കമ്മീഷൻ ലഭിക്കുക. മറ്റു ജില്ലയിൽ പോയി മണ്ണെണ്ണ എത്തിക്കണമെങ്കിൽ ലിറ്ററിന് ഏഴ് രൂപയോളം ചെലവ് വരും. സർക്കാരിന്‍റെ ഭാഗത്തുനിന്നും കമ്മീഷൻ ഏഴു രൂപ ആക്കണം എന്നാണ് റേഷൻ വ്യാപാരികളുടെ ആവശ്യം. ചെറിയ വാഹനങ്ങളിലും മറ്റും മണ്ണെണ്ണ എത്തിക്കുന്നതിന് മോട്ടോർ വാഹന വകുപ്പിന്‍റെ നിയന്ത്രണങ്ങളുമുണ്ട്. തീ പിടിക്കാൻ സാധ്യതയുള്ള വസ്തുക്കൾ ടാങ്കർ ലോറികളിൽ കൊണ്ടുപോകണമെന്നാണ് നിയമം. വൈദ്യുതിയില്ലാത്ത ഉന്നതികളിൽ മണ്ണെണ്ണയ്ക്ക് പകരം ഡീസൽ ഒഴിച്ചാണ് വിളക്ക് കത്തിക്കുന്നത്. റേഷൻ വിതരണം പുനഃസ്ഥാപിക്കെപ്പെട്ടതറിഞ്ഞ് റേഷൻകടകളിൽ മണ്ണെണ്ണ ചോദിച്ചെത്തുന്ന ആളുകളുടെ എണ്ണം കൂടിക്കൂടി വരികയാണ്. ഇതുവരെയും വിതരണം ചെയ്യുന്നതിന് ആവശ്യമായ സംവിധാനങ്ങൾ ഒരുക്കുന്നതിന് സർക്കാരിന്‍റെ ഭാഗത്തുനിന്ന് ഒരു നടപടിയും ഉണ്ടായിട്ടില്ല. ജില്ലയിൽ മാനന്തവാടിൽ മാത്രമുള്ള മണ്ണെണ്ണ ഫില്ലിംഗ് സ്റ്റേഷൻ ഇപ്പോൾ പ്രവർത്തനരഹിതമാണ്. ഇതിന് ഉടൻ പരിഹാരമുണ്ടാകണമെന്നാണ് റേഷൻ വ്യാപാരികളുടേയും ഉപഭോക്താക്കളുടേയും ആവശ്യം.

എലവഞ്ചേരിയിലെ പൊതു ആസ്തി കൈമാറ്റം ഇന്ന് മന്ത്രി നിർവഹിക്കും

കൽപ്പറ്റ: വെള്ളമുണ്ട ഗ്രാമപഞ്ചായത്തിൽ നബാർഡിന്‍റെ സഹായത്തോടെ എരുവാഞ്ചേരി നീർത്തടത്തിൽ നിർമിച്ച പൊതു ആസ്തികളുടെ കൈമാറ്റം ഇന്ന് വൈകുന്നേരം നാലിന് പട്ടികജാതി-വർഗ-പിന്നാക്കക്ഷേമ മന്ത്രി ഒ.ആർ. കേളു നിർവഹിക്കും. പുലിക്കാട് ഗവ.എൽ.പി. സ്കൂളിൽ നടക്കുന്ന പരിപാടിയിൽ ഗ്രാമപഞ്ചായത്ത് പ്രസിഡന്‍റ് സുധി രാധാകൃഷ്ണൻ അധ്യക്ഷത വഹിക്കും. പൊതു നിർമിത ആസ്തികളായ കോണ്‍ക്രീറ്റ് തടയണ, കോണ്‍ക്രീറ്റ് ഫാം കുളങ്ങൾ, കരിങ്കൽ കുളം എന്നിവ വെള്ളമുണ്ട ഗ്രാമപഞ്ചായത്തിന് കൈമാറും. വെള്ളമുണ്ട ഗ്രാമപഞ്ചായത്തിലെആറ്, എട്ട്, 13, 14, 15, 16 വാർഡുകൾ ഉൾപ്പെടുന്ന എരുവാഞ്ചേരി നീർത്തടത്തിന്‍റെ 562 ഹെക്ടർ ഭൂമിയിലാണ് മണ്ണ് ജല സംരക്ഷണ പ്രവർത്തികളുടെ ഭാഗമായി മണ്‍കയ്യാല, തീറ്റപ്പുല്ല് നടീൽ, മഴവെള്ള സംഭരണി, കിണർ റീചാർജ് യൂണിറ്റ്, ഫലവൃക്ഷതൈകൾ നടീൽ, കോണ്‍ക്രീറ്റ് തടയണ, കുളങ്ങൾ എന്നീ പ്രവർത്തികൾ നടപ്പാക്കിയത്. ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ, മാനന്തവാടി ബ്ലോക്ക്പഞ്ചായത്ത് പ്രസിഡന്‍റ് ജസ്റ്റിൻ ബേബി, ജില്ലാപഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ജുനൈദ് കൈപ്പാണി, ബ്ലോക്ക് ഡിവിഷൻ അംഗങ്ങളായ പി.കെ. അമീൻ, ബാലൻ വെള്ളരിമ്മൽ, ജില്ലാ മണ്ണ് സംരക്ഷണ ഓഫീസർ താര മനോഹരൻ, മണ്ണ് സംരക്ഷണ വകുപ്പ് അഡിഷണൽ ഡയറക്ടർ ഡി. ആനന്ദ ബോസ്, വിവിധ വകുപ്പ് ഉദ്യോഗസ്ഥർ, ജനപ്രതിനിധികൾ എന്നിവർ പങ്കെടുക്കും.

തരിയോട് ഗവ.സ്കൂളിൽ വിജയോത്സവം നടത്തി

തരിയോട്: ഗവ.ഹയർ സെക്കൻഡറി സ്കൂളിൽ വിജയോത്സവം നടത്തി. ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ ഉദ്ഘാടനം ചെയ്തു. പഞ്ചായത്ത് പ്രസിഡന്‍റ് ഷമീം പാറക്കണ്ടി അധ്യക്ഷത വഹിച്ചു. എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം നേടിയവർക്ക് മെമന്‍റോ നൽകി. അറക്കപ്പറന്പിൽ തോമസ് എഡ്യൂക്കേഷൻ എൻഡോവ്മെന്‍റ്, ശാരദാമ്മ മെമ്മോറിയൽ എൻഡോവ്മെന്‍റ്, മാത്യു മെമ്മോറിയൽ എൻഡോവ്മെന്‍റ്, ശ്രീമതി മെമ്മോറിയൽ എൻഡോവ്മെന്‍റ് എന്നിവ വിതരണം ചെയ്തു. പഞ്ചായത്ത് അംഗം വിജയൻ തോട്ടുങ്ങൽ, മദർ പിടിഎ പ്രസിഡന്‍റും പഞ്ചായത്ത് അഗവുമായ സൂനാ നവീൻ, എഡിഎൻഒ എസ്പിസി മോഹൻദാസ് കുളങ്ങര, പ്രിൻസിപ്പൽ എം. രാധിക, പിടിഎ വൈസ് പ്രസിഡന്‍റ് ടി.ഒ. പത്രോസ്, മദർ പിടിഎ വൈസ് പ്രസിഡന്‍റ് രഞ്ജിനി അനി, എസ്എംസി ചെയർമാൻ പി.എം. കാസിം, പി.കെ. സത്യൻ, എൻ.പി. മാത്യു, എ. മുഹമ്മദ് ബഷീർ, സ്റ്റാഫ് സെക്രട്ടറി ഷാജു ജോണ്‍ എന്നിവർ പ്രസംഗിച്ചു. പിടിഎ പ്രസിഡന്‍റ് ബെന്നി മാത്യു സ്വാഗതവും സീനിയർ അസിസ്റ്റന്‍റ് മറിയം മഹ്മൂദ് നന്ദിയും പറഞ്ഞു.

ലഹരിവിരുദ്ധ കാന്പയിൻ നടത്തി

പഴൂർ: സെന്‍റ് ആന്‍റണീസ് യുപി സ്കൂളിൽ ലഹരിവിരുദ്ധ കാന്പയിൻ തുടങ്ങി. സിവിൽ എക്സൈസ് ഓഫീസറും വിമുക്തി മിഷൻ താലൂക്ക് കോ ഓർഡിനേറ്ററുമായ നിക്കോളാസ് ജോസ് ഉദ്ഘാടനം ചെയ്തു. കാന്പയിന്‍റെ ഭാഗമായി അദ്ദേഹം ബോധവത്കരണ ക്ലാസെടുത്തു. ഹെഡ്മാസ്റ്റർ കെ.ജി. ജോണ്‍സണ്‍ അധ്യക്ഷത വഹിച്ചു. സീനിയർ അസിസ്റ്റന്‍റ് റെജീന ആൻഡ്രൂസ്, ലഹരി വിരുദ്ധ ക്ലബ് അധ്യാപക പ്രതിനിധി കെ.എസ്. ഷിൽന, വിദ്യാർഥി പ്രതിനിധി നവനീത് പി. അനിൽ, വി.എ. അനിഘ എന്നിവർ പ്രസംഗിച്ചു. കുട്ടികൾ ലഹരിവിരുദ്ധ പ്രതിജ്ഞയെടുത്തു. ലഹരിക്കെതിരേ കയ്യൊപ്പ് ശേഖരണം നടത്തി. ബോധവത്കരണം നൽകി സുൽത്താൻ ബത്തേരി: സെന്‍റ് മേരീസ് കോളജ് ഹയർ സെക്കൻഡറി സ്കൂളിൽ ലഹരി ഉപയോഗത്തിന്‍റെ തിക്തഫലങ്ങൾ സംബന്ധിച്ച് രക്ഷിതാക്കൾക്ക് ക്ലാസ് നൽകി. വിമുക്തി മിഷൻ താലൂക്ക് കോ ഓർഡിനേറ്റർ നിക്കോളാസ് ജോസ് ക്ലാസെടുത്തു. വൈസ് പ്രിൻസിപ്പൽ ബിജുന ബാസ്റ്റിൻ സ്വാഗതം പറഞ്ഞു. വെള്ളമുണ്ട: നശാമുക്ത് ഭാരത് അഭിയാന്‍റെ ഭാഗമായി ജില്ലാ പഞ്ചായത്ത് വെള്ളമുണ്ട ഡിവിഷന്‍റെ നേതൃത്വത്തിൽ എട്ടേനാലിൽ അന്താരാഷ്ട്ര ലഹരിവിരുദ്ധ ദിനം ആചരിച്ചു. ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്തു. ലഹരിവിരുദ്ധ പോസ്റ്റർ പ്രകാശനം അദ്ദേഹംനിർവഹിച്ചു. രാജൻ എക്സൽ അധ്യക്ഷത വഹിച്ചു. പി. റഹ്മാൻ, പി. രാഹുൽ, അബ്ദുള്ള, അജി, മിഥുൻ എന്നിവർ പ്രസംഗിച്ചു. പനമരം: ലഹരിവിരുദ്ധ ബോധവത്കരണത്തിന്‍റെ ഭാഗമായി ഗവ.സ്കൂൾ എസ്പിസി യൂണിറ്റിന്‍റെ നേതൃത്വത്തിൽ ടൗണിൽ അംബ്രല്ല മാർച്ച് നടത്തി. 250 ഓളം വിദ്യാർഥികൾ പങ്കെടുത്തു. വിമുക്തി മിഷൻ ജില്ലാ കോ ഓർഡിനേറ്റർ എൻ.സി. സജിത്ത്കുമാർ, പിടിഎ പ്രസിഡന്‍റ് സി.കെ. മുനീർ, ഹെഡ്മിസ്ട്രസ് ഷീജ ജയിംസ്, കെ. രേഖ, ടി. നവാസ് എന്നിവർ നേതൃത്വം നൽകി. ബൈക്ക് റാലി നടത്തി കൽപ്പറ്റ: അന്താരാഷ്ട്ര ലഹരിവിരുദ്ധ ദിനാചരണത്തിന്‍റെ ഭാഗമായി ജില്ലാ പോലീസ് ബൈക്ക് റാലി നടത്തി. കാക്കവയൽ ജവാൻ സ്മൃതി മണ്ഡപത്തിനടുത്തുനിന്നു പുതിയ സ്റ്റാൻഡ് പരിസരത്തേക്കായിരുന്നു റാലി. ജില്ലാ പോലീസ് മേധാവി തപോഷ് ബസുമതാരി ഫ്ളാഗ് ഓഫ് ചെയ്തു. സമാപനയോഗത്തിൽ ഡിവൈഎസ്പി പി.എൽ. ഷൈജു അധ്യക്ഷത വഹിച്ചു. നർകോടിക് സെൽ ഡിവൈഎസ്പി എം.കെ. ഭരതൻ ലഹരിവിരുദ്ധ പ്രതിജ്ഞ ചൊല്ലിക്കൊടുത്തു. ക്രൈംബ്രാഞ്ച് ഡിവൈഎസ്പി കെ.ജി. പ്രവീണ്‍കുമാർ, ജനമൈത്രി ജില്ലാ അസി.നോഡൽ ഓഫീസർ കെ.എം. ശശിധരൻ, കെപിഒഎ ജില്ലാ സെക്രട്ടറി സജീവൻ, കെപിഎ ജില്ലാ പ്രസിഡന്‍റ് വിപിൻ സണ്ണി, സെക്രട്ടറി ഇർഷാദ് മുബാറക് എന്നിവർ പ്രസംഗിച്ചു.

ചുരത്തിലെ മുടിപ്പിൻ വളവുകളിൽ സോളാർ വിളക്ക്: റോട്ടറി പദ്ധതിക്ക് അനുമതിയായില്ല

സുൽത്താൻ ബത്തേരി: താമരശേരി ചുരത്തിലെ മുടിപ്പിൻ വളവുകളിൽ രണ്ടുവീതം സോളാർ വിളക്കുകൾ സ്വന്തം ചെലവിൽ സ്ഥാപിക്കാൻ റോട്ടറി വയനാട് സമർപ്പിച്ച പദ്ധതിക്ക് നാഷണൽ ഹൈവേ വിഭാഗത്തിന്‍റെ അനുമതിയായില്ല. ചുരത്തിലെ ഒന്പത് മുടിപ്പിൻ വളവുകളിലും രാത്രി വെളിച്ചം ഉറപ്പുവരുത്തുന്നതിനും അപകടങ്ങൾ കുറയ്ക്കുന്നതിനും ഉതകുന്നതാണ് പദ്ധതി. അഞ്ച് ലക്ഷം രൂപയാണ് ഇതിന് കണക്കാക്കിയ ചെലവ്. റോട്ടറി ക്ലബിന് ജില്ലയിൽ ആറ് ശാഖകളുണ്ട്. ചെലവ് ശാഖകൾ സംയുക്തമായി വഹിക്കുന്ന വിധത്തിലാണ് പദ്ധതി ആസൂത്രണം ചെയ്തത്. ബത്തേരി റോട്ടറി ക്ലബിലെ സണ്ണി വിളക്കുന്നേലാണ് പദ്ധതി ജനുവരി ഒന്നിന് നാഷണൽ ഹൈവേ കോഴിക്കോട് ഡിവിഷൻ എക്സിക്യുട്ടീവ് എൻജിനിയർക്ക് സമർപ്പിച്ചത്. റോട്ടറി ഡിസ്ട്രിക്ട് ഗവർണർ ഡോ. സന്തോഷ് ശ്രീധർ പദ്ധതിക്ക് അംഗീകാരം നൽകിയിരുന്നു. പദ്ധതിക്ക് അനുമതി ലഭിക്കാത്തത് ദൗർഭാഗ്യകരമാണെന്ന് റോട്ടറി ക്ലബ് അംഗങ്ങൾ പറഞ്ഞു. റോട്ടറി പദ്ധതിയിൽ താത്പര്യമില്ലെങ്കിൽ നാഷണൽ ഹൈവേ വിഭാഗം നേരിട്ട് മുടിപ്പിൻ വളവുകളിൽ വെളിച്ച സൗകര്യം ഒരുക്കണമെന്ന് അവർ ആവശ്യപ്പെട്ടു.

ഇരുളം വേരുതോട് വനത്തിൽ വിത്തുണ്ടകൾ എറിഞ്ഞു

പുൽപ്പള്ളി: വനം-വന്യജീവി സംരക്ഷണ വകുപ്പിന്‍റെ മിഷൻ ഫുഡ്, ഫോർഡർ, വാട്ടർ പദ്ധതിയുടെ ഭാഗമായി സൗത്ത് വയനാട് ഡിവിഷനിലെ ഇരുളം സ്റ്റേഷൻ പരിധിയിലെ വേരുതോട് ഭാഗത്ത് 1,300 വിത്തുണ്ടകൾ എറിഞ്ഞു. പെരിന്തൽമണ്ണ എംഇഎസ് കോളജിലെ എൻഎസ്എസ് വോളണ്ടിയർമാരും സ്റ്റേഷൻ സ്റ്റാഫും സംയുക്തമായാണ് വിത്തേറ് നടത്തിയത്. സൗത്ത് വയനാട് ഡിഎഫ്ഒ അജിത് കെ. രാമൻ ഉദ്ഘാടനം ചെയ്തു. ചെതലത്ത് റേഞ്ച് ഫോറസ്റ്റ് ഓഫീസർ എം.കെ. രാജീവ്കുമാർ, റേഞ്ച് ഡെപ്യൂട്ടി ഓഫീസർ കെ.പി. അബ്ദുൽഗഫൂർ, ക്യാന്പ് കോ ഓർഡിനേറ്റർ കെ. മുഹമ്മദ് ഷിബിലി, എൻഎസ്എസ് പ്രോഗ്രാം ഓഫീസർ നിധിൻ തുടങ്ങിയവർ പങ്കെടുത്തു.

നൈപുണി വികസന കേന്ദ്രം, സ്കിൽ ടു വെഞ്ചർ ജില്ലാതല ഉദ്ഘാടനം ഇന്ന്

കൽപ്പറ്റ: അന്പലവയൽ ഗവ.വൊക്കേഷണൽ ഹയർ സെക്കൻഡറി സ്കൂളിൽ വിജയാരവം-2കെ25 ഇന്ന് നടത്തും. നൈപുണി വികസന കേന്ദ്രങ്ങളുടെ ജില്ലാതല ഉദ്ഘാടനം, സ്കിൽ ടു വെഞ്ചർ പദ്ധതി ജില്ലാതല ഉദ്ഘാടനം, സ്കൂളിലെ മൂന്നാം ബാച്ച് എസ്പിസി കേഡറ്റുകളുടെ പാസിംഗ് ഔട്ട് പരേഡ്, കഴിഞ്ഞ എസ്എസ്എൽസി പരീക്ഷയിൽ വിദ്യാലയത്തിന് 100 ശതമാനം വിജയം നേടിക്കൊടുത്ത വിദ്യാർഥികളെ ആദരിക്കൽ എന്നിവ പരിപാടിയുടെ ഭാഗമാണെന്ന് പ്രിൻസിപ്പൽ സി.വി. നാസർ, എസ്എസ്കെ ജില്ലാ പ്രോഗ്രാം കോ ഓർഡിനേറ്റർ വി. അനിൽകുമാർ, പിടിഎ പ്രസിഡന്‍റ് ഇ.കെ. ജോണി, സംഘാടക സമിതി ഭാരവാഹികളായ പ്രമോദ് ബാലകൃഷ്ണൻ, പി.ആർ. വിനേഷ്, എൽദോ പൈലി എന്നിവർ അറിയിച്ചു. രാവിലെ 11.30ന് പട്ടികജാതി-വർഗ-പിന്നാക്ക ക്ഷേമ മന്ത്രി ഒ.ആർ. കേളു ഉദ്ഘാടനം ചെയ്യും. ഐ.സി. ബാലകൃഷ്ണൻ എംഎൽഎ അധ്യക്ഷത വഹിക്കും. ജില്ലാ പഞ്ചായത്ത് പ്രസിഡന്‍റ് സംഷാദ് മരക്കാർ മുഖ്യാതിഥിയാകും. ബത്തേരി ബ്ലോക്ക് പഞ്ചായത്ത് പ്രസിഡന്‍റ് സി. അസൈനാർ, അന്പലവയൽ പഞ്ചായത്ത് പ്രസിഡന്‍റ് സി.കെ. ഹഫ്സത്ത്, വൈസ് പ്രസിഡന്‍റ് കെ. ഷമീർ, ജില്ലാ പഞ്ചായത്ത് ഡിവിഷൻ അംഗം സുരേഷ് താളൂർ തുടങ്ങിയവർ പങ്കെടുക്കും. 242 വിദ്യാർഥികളാണ് കഴിഞ്ഞ അധ്യയനവർഷം സ്കൂളിൽ എസ്എസ്എൽസി എഴുതിയത്. മുഴുവൻ പേരും പാസായി. ഇതിൽ 64 കുട്ടികൾ പട്ടികവർഗക്കാരാണ്. 15നും 23നും ഇടയിൽ വയസുള്ളവർക്ക് അഭിരുചിക്കനുസരിച്ച് സ്വയംതൊഴിൽ പരിശീലനത്തിന് പൊതുവിദ്യാഭ്യാസ വകുപ്പ് എസ്എസ്കെ മുഖേന സ്റ്റാർസ് പദ്ധതിയിൽ ആരംഭിക്കുന്നതാണ് നൈപുണി വികസന കേന്ദ്രങ്ങൾ. ജില്ലയിൽ ഏഴ് ഹയർ സെക്കൻഡറി സ്കൂളുകളിലാണ് ഇത് തുടങ്ങുന്നത്. ഓരോ സെന്‍ററിലും പരമാവധി ഒരു വർഷം കാലാവധിയുള്ള രണ്ട് നൂതന കോഴ്സുകൾ നടത്തും. പ്ലാന്‍റ് ടിഷ്യു കൾച്ചർ, ഗ്രാഫിക് ഡിസൈനർ കോഴ്സുകളാണ് അന്പലവയലിൽ നടത്തുന്നത്. കോഴ്സ് വിജയകരമായി പൂർത്തിയാക്കുന്നവർക്ക് കേന്ദ്ര സർക്കാർ അംഗീകൃത സ്കിൽ സർട്ടിഫിക്കറ്റ് ലഭിക്കും. വിദ്യാർഥികൾക്ക് പഠനത്തോടൊപ്പം വരുമാനം നേടാനും പിന്നീട് സംരംഭകരാകാനും വിഭാവനം ചെയ്തതാണ് സ്കിൽ ടു വെഞ്ചർ പദ്ധതി. പ്രദേശിക സംരംഭകരുടെ പിന്തുണയോടെയാണിത് നടപ്പാക്കുന്നത്. മുണ്ടേരി ഗവ.വൊക്കഷണൽ ഹയർ സെക്കൻഡറി സ്കൂളിനെയും ഈ പദ്ധതിയിൽ ഉൾപ്പെടുത്തിയിട്ടുണ്ട്.

ബസ് സ്റ്റാൻഡ് നിർമാണ പ്രവൃത്തി ആരംഭിച്ചു

ഗൂഡല്ലൂർ: ഗൂഡല്ലൂർ ബസ്റ്റാൻഡ് നിർമാണ പ്രവൃത്തികൾ ആരംഭിച്ചു. മുൻ എംഎൽഎ എം. ദ്രാവിഡമണി പ്രവൃത്തികളുടെ ഉദ്ഘാടനം നിർവഹിച്ചു. ഇളഞ്ചഴിയൻ, ഉത്തമൻ, ലിയാക്കത്തലി, കെ. ഹംസ, എൻ.വാസു, ഭുവനേശ്വരൻ, ഗുണശേഖരൻ, സഫി, റഫി, ശെൽവരാജ്, ബസ് ഡിപ്പോ മാനേജർ അരുൾ കണ്ണൻ തുടങ്ങിയവർ സംബന്ധിച്ചു. ബസ് സ്റ്റാൻഡിന്‍റെ മുൻവശത്ത് ചെളിവെള്ളം കെട്ടിനിൽക്കുന്നത് യാത്രക്കാർക്ക് വലിയ പ്രയാസമായിരുന്നു. ഇതിനെതിരെ സമരങ്ങൾ നടക്കുകയും ചെയ്തിരുന്നു. 52.50 ലക്ഷം രൂപ ചെലവിട്ടാണ് പ്രവൃത്തികൾ നടത്തുന്നത്.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]